Biblia Todo Logo
Bib sou entènèt

- Piblisite -




1 Timoteo 1:13 - Nuevo Testamento Uwotjüja

13 ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

Gade chapit la Kopi

TÄ̧DO Ä̧CUÄ̧ I̧HUȨNȨ

13 Äcuomenä Jesucristorö suronä ucuocuinösä rö̧ȩnä̧. Jesucristorö esetätörö'inä rö̧ȩnä̧ suronä jȩpi̧nö̧sä̧. Ja̧'hua̧ta̧nö̧ rö̧ȩnä̧ suronä ucuocu'inä, suronä jȩpö̧'i̧nä̧ ki̧nö̧sä̧. Ttö jȩchö̧mä̧ jerupinösä. Diosrö'inä esetocö pi̧nö̧sä̧. Ja̧'hua̧nö̧ jȩpö̧ chö̧jo̧mȩnä̧, Dios re rö̧jö̧nä̧ topinö ttörö.

Gade chapit la Kopi




1 Timoteo 1:13
25 Referans Kwoze  

Ja̧'wa̧nü̧ jȩpü̧ Sauro-mä̧, Jesucrito-rü esetätürü usurä ttȩmä̧u̧nä̧ jȩpi̧nü̧, u̧mä̧tü̧rü̧'i̧nä̧, nä̧tü̧rü̧'i̧nä̧ dodottünä̧ jȩpü̧, kärenä̧ rütä'chinü jȩpi̧nü̧.


Ä'kojimä̧ yoriso ukutumä̧ awaruwä jü̧nä̧mä̧ wokotü pinä̧tü̧jä̧, ja̧'wa̧nü̧ ja̧'a̧nä̧ jitämä̧ Dio a̧wa̧ru̧wä̧jä̧; ä'kojimä̧ Dio rȩrü̧jü̧ tooko̧u̧ pinä̧tü̧jä̧, ja̧'wa̧nü̧ ja̧'a̧nä̧ jitämä̧ rȩrü̧jü̧ to̧ä̧u̧jä̧.


Pä'ü weäku Ananía-mä̧ pä'inü̧: Chu̧ru̧wa̧, päkuäku ütü'kümä̧ rü̧ȩnä̧ ä̧ju̧kuä̧'i̧jü̧sä̧ ja̧'wa̧ta̧nü̧ Jerusarȩ́-ttü̧ uku kuȩmi̧nä̧u̧ru̧ suronä̧ jȩa̧'a̧'i̧nä̧ ä̧ju̧kuä̧'i̧jü̧sä̧;


Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.


Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧, jerupü jȩpi̧nä̧tü̧ pä'ümä̧ wo̧jua̧sä̧, kuruwotuku'i̧nä̧ ja̧'wa̧ta̧nü̧ jerupü jȩpi̧nä̧tü̧ pä'ü.


Jesú-mä̧ pä'inü̧: «Chä'o, surojü jui'ätü 'kua̧rü̧nä̧ topitü, jerupü jȩtta̧'a̧ttü̧»] Ja̧'wa̧nü̧ ja̧'a̧nä̧ su̧ro̧do̧u̧mä̧ Jesú ü̧'ka̧tä̧wä̧ta̧ tȩma̧ pä'ü, dirü ma̧ä̧ma̧ ja̧ pä'ü jȩpä̧'chü̧ topinä̧tü̧.


Ja̧'wa̧nü̧ jȩchi̧na̧'a̧nä̧'i̧nä̧ Dio-mä̧ rȩrü̧jü̧ toinä̧ku̧sä̧, Jesucrito a̧mi̧ 'ki'ächi'ünü̧ o'kajuiyünä̧ ttünä̧ i̧jȩpa̧ pä'ümä̧. Ja̧'wa̧nü̧tä̧ ttü jȩchü̧ta̧'a̧nü̧ jȩpü̧ esetätümä̧ kkä̧kuä̧wä̧ i'ko ttu̧ju̧nä̧ra̧ pä'ütä ichinü̧sä̧.


Päte'üra̧'a̧ esetü, igresia wotürü suronä̧ jȩpü̧ ru̧'ä̧ri̧nü̧sä̧, weäwä wȩnȩ ukuotü. Ja̧'wa̧nü̧ ja̧'a̧ttü̧ weäwä wȩnȩ chukuotokü ji̧nü̧ pä'ätümä̧ ya̧tȩ'i̧nä̧ toa'a.


Isopäi'ünä̧ ukutumä̧ ä̧ju̧kui̧nä̧tü̧jä̧ judío jäwänä̧ kkä̧nü̧, ä'koji jȩchi̧nü̧mä̧ ja̧'wa̧ta̧nü̧ wo̧juä̧tü̧jä̧ Dio-rü esetätürü si'epü chikua pä'ü suronä̧ jȩchi̧nü̧'i̧nä̧.


Jua'amä̧, ttümä̧ apótorettümä̧ juiyo a̧'u̧kua̧sä̧, apóto pättü juiyü'anü̧'i̧nä̧ wa̧sä̧, Dio iäre igresia isotürü suronä̧ jȩttü̧nä̧ wedina̧'a̧ttü̧.


Jitü, nä̧tü̧ Tti̧rȩkua̧mü̧ku̧ ü'käwokotü ttütü'kü, Tu̧ru̧wa̧ weinü̧mä̧ jui̧'a̧sä̧; ja̧'wa̧nü̧ ja̧'a̧nä̧ ttü päda'aku pä'üsä, Tu̧ru̧wa̧ rȩrü̧jü̧ toinü̧nä̧ chü̧ja̧'a̧ttü̧, jua̧u̧nä̧tä̧ yaboku 'chä̧nü̧ kkä̧nü̧.


Ä'kojimä̧ pi̧yȩ jareü wȩnȩnä̧ kka̧kuä̧tü̧rü̧mä̧, 'chu'ädü, kärenä̧ rütä'chü jȩpi̧nü̧sä̧, u̧mä̧tü̧rü̧'i̧nä̧, nä̧tü̧rü̧'i̧nä̧, totte'ächünä̧.


päku ädätinä̧ku̧: ¿Chu̧ru̧wa̧, ukumä̧ dí kua'ajä̧ttü̧? jäepomȩnä̧ päinä̧ku̧: «ttümä̧ Jesú-sä, ttürü ja̧'a̧ uku suronä̧ jȩ'kua̧ pä'ü kusa'amä̧. Kua̧mü̧nä̧ pa̧ja̧tü̧ suronä̧ jȩpä̧kuä̧u̧jä̧, päkäyä aboja'aku̧nä̧ i̧sa̧rinä̧ kuättomȩnä̧, jarodü yabokutä teächäkuäwa'a jä̧'i̧nü̧'a̧nü̧.


Ja̧'wa̧nü̧ 'kuäopa'anä̧mä̧ Sauro-mä̧ Jesucrito-rü esetätürü rü̧ȩnä̧ üjü'kü juiyünä̧ jä̧ku̧. Sacerdote-tü̧ ttu̧ru̧wa̧rü̧ ichi'ü,


Jua̧u̧ u̧mü̧wä̧ya̧mä̧ u̧ru̧wa̧ weinü̧mä̧ u̧wo̧jua̧'a̧nä̧, jo̧mȩnü̧ adikuäkuäwa'i̧nä̧ päoka'attü̧, ukuotadä̧jä̧ päoka'attü̧, rü̧ȩnä̧ kuäkuäpäkuäwä̧kua̧.


Swiv nou:

Piblisite


Piblisite