1 Timoteo 1:12 - Nuevo Testamento Uwotjüja

¹² Chujuru iyinü̧ chu̧ru̧wa̧ Jesucrito-rü eseusä, jua'amä̧ aditäwänä̧ chadita pä'ü a̧'kua̧ i̧wȩnä̧ri̧no̧mȩttü̧,

TÄ̧DO Ä̧CUÄ̧ I̧HUȨNȨ

¹² Chu̧ru̧hua̧ Jesucristorö, chujuru iyinörö, eseusä. Ja̧u̧tä̧ ttörö adiu amöcuädö hueinäcusä, ttömä i̧huȩnȩ jidähua pä'ö.

1 Timoteo 1:12 Referans Kwoze

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

2 Timoteo 4:17

Ja̧'wa̧nü̧ ja̧'a̧nä̧ chu̧ru̧wa̧tä̧ ji̧na̧'a̧ chujuru'i̧nä̧ iyü ppä'ädinü̧mä̧, o'katoi'ünä̧ judío pokotü surojüttü kki̧'i̧kuä̧ wȩnȩ jidäwa ttä̧ju̧kua̧ päümä̧. Ja̧'wa̧nü̧ jȩpü̧tä̧ Chü̧ä̧nä̧wa̧mä̧ mü̧yä̧wi̧tü̧ ttä jakuättü rä'epü ikuinä̧ku̧sä̧.

Colosenses 1:25

Jua̧u̧ igresia-nä̧ adikuä i̧sa̧ u̧ju̧ni̧nä̧ku̧sä̧ Dio-mä̧. Chutä i̧wȩnȩ chaditiyarü pä'ü.

Filipenses 2:11

Ja̧'wa̧nü̧ jȩpü̧, o'katoi'ünä̧ ukuokuätümä̧ Jesucrito-rümä̧ Tu̧ru̧wa̧ pättünä̧, jua'a yabo Jä'o Dio-rü uruwo tteseäkuäwa pä'ü.

2 Corintios 4:1

Ja̧'wa̧nü̧ ja̧'a̧ttü̧, pi̧yȩ taditäwämä̧ Dio rȩrü̧jü̧ topü iyinä̧u̧ ta'attü̧ 'kuä'ächi'okotüjä̧.

1 Corintios 7:25

Jitü, nä̧tü̧ Tti̧rȩkua̧mü̧ku̧ ü'käwokotü ttütü'kü, Tu̧ru̧wa̧ weinü̧mä̧ jui̧'a̧sä̧; ja̧'wa̧nü̧ ja̧'a̧nä̧ ttü päda'aku pä'üsä, Tu̧ru̧wa̧ rȩrü̧jü̧ toinü̧nä̧ chü̧ja̧'a̧ttü̧, jua̧u̧nä̧tä̧ yaboku 'chä̧nü̧ kkä̧nü̧.

Hechos 9:22

Ja̧'wa̧nü̧ ja̧'a̧nä̧ Sauro-mä̧, yabonü̧ ujuruku, Jesucrito-mä̧ Dio wȩ'ä̧wa̧ pä'ü jiäwomȩnä̧, Damasco-nä̧ kka̧kuä̧tü̧ judío-mä̧ jua'a yabokutä, isotä ja̧'a̧ pä'ü ttieruwächi'ünä̧ ji̧nä̧u̧.

Hechos 9:15

Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

Hechos 16:15

Juäjumä̧, kkawaruwätäku Bautizo jȩttä̧jä̧kua̧ o'kaju, jäjepinä̧u̧jä̧: —Isopäi'ünä̧ Tu̧ru̧wa̧rü̧ ukuotäju päkuätukuttümä̧, chojusodera̧'a̧ kuä'ekuätukua ichätukui. Ja̧'wa̧nü̧ pä'ü kkojusodenä̧ tü̧ja̧kui̧'a̧ pä'ü jäjepinä̧u̧jä̧.

1 Timoteo 1:11

Pi̧yȩ ja̧'a̧ Dio eseäkuäwä kku̧nä̧rü̧ adiwäjuei wȩnȩ chu̧wo̧juȩta̧ pä'ü ttürü weinü̧mä̧.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

San Juan 5:23

Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.

1 Corintios 3:5

Jua̧u̧nu̧mä̧ ¿Däjé jȩä̧kuä̧wä̧ i̧sa̧jä̧ttü̧ Aporo-mä̧? ja̧'wa̧ta̧nü̧ ¿Pauru'i̧nä̧ jü̧nä̧mä̧? Suro, ujutumä̧ Dio weinü̧tä̧ jȩä̧kuä̧wä̧ isotüjä̧, ujutunä̧tä̧ Jesucrito-rümä̧ esetinä̧tü̧jä̧. Jua'amä̧, ujutumä̧, yotukunä̧ Tu̧ru̧wa̧ weinü̧tä̧ aditinä̧tü̧jä̧:

Gálatas 3:26

Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

1 Timoteo 1:1

Jesucrito u̧mü̧wä̧ya̧ Apóto Pauru-mä̧, Tü̧ä̧nä̧wa̧ Dio surojüttü tü̧ji̧pü̧nä̧ jȩpü̧ weäwänä̧ weinä̧ku̧ ja̧'wa̧ta̧nü̧ Jesucrito tta̧tä̧rä̧ku̧nä̧,

1 Timoteo 1:2

Isopäi'ünä̧ tta̧'kua̧ wȩnä̧rä̧kuä̧wä̧ i̧tti̧ Timoteo-rü te'äu. Tä'o Dio-tä ja̧'wa̧ta̧nü̧ Tu̧ru̧wa̧ Jesucrito-tä, mippoünä̧ iyäwämä̧, re kkä̧kuä̧wä̧mä̧, wȩnȩ juiyünä̧ kkä̧kuä̧wä̧nä̧ iyätukuakujä̧.

1 Timoteo 6:13

Jitämä̧, ttü̧ja̧ o'katoi'ünä̧ pi̧jä̧nä̧ kka̧kuä̧tü̧ tta̧'kua̧rü̧ iyäwä i̧sa̧ Dio'i̧nä̧ ä'ka jo̧mȩttü̧ ja̧'wa̧ta̧nü̧ Jesucrito Poncio pilato-rü, Jä'o Dio-rü a̧'kua̧ u̧wȩnä̧rü̧ ji'äwinü̧'i̧nä̧ ä'ka jo̧mȩttü̧ wedäkujä̧.

2 Timoteo 2:2

Ttü̧ja̧ rekuätürü chu̧wo̧juȩta̧'a̧mä̧ ä̧ju̧kuä̧'i̧jü̧jä̧. Jitämä̧ ja̧u̧ kuä̧jukuäijü̧tä̧ tta̧'kua̧ wȩnä̧rä̧tü̧rü̧ ja̧'wa̧ta̧nü̧ kkorotürü ttüwo̧juȩta̧'a̧nü̧ wotürü wo̧juȩti̧.

Tito 1:4

Tito, Jesucrito-nä̧ kua̧'kua̧ ku̧wȩnä̧ra̧ pä'ü ppädädinä̧ku̧jä̧ ja̧'wa̧nü̧ ja̧'a̧ttü̧ isopäi'ünä̧ chi̧tti̧ jä̧'i̧nü̧'a̧nü̧ wa̧jä̧. Ttü'i̧nä̧ uku'i̧nä̧ Dio-rü ta̧'kua̧ tu̧wȩnä̧ro̧mȩttü̧ jua̧u̧ru̧mä̧ jä'epüsä Tä'o jo̧mȩttü̧ ja̧'wa̧ta̧nü̧ tu̧ru̧wa̧ Jesucrito ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧rü̧mä̧ eseäkuäwä'i̧nä̧ unichä̧rü̧ kkä̧kuä̧wä̧'i̧nä̧ ttiyäku pä'ü.

Filemón 1:9

täkü bü̧o̧sa̧ cha'attü, Crito jäwänä̧ kärenä̧ pä̧nü̧ kkä̧nü̧, jä'epütä jädepäkujä̧ ppäkuäda pä'ü,

San Mateo 20:4

Juätürü pä'inü̧; chi'ätta uwa pättara̧'a̧ aditäjätukui, jua'akumä̧ mikuäwächünä̧ jo̧mȩ chi̧mi̧tä̧kuä̧u̧jä̧; pä̧u̧mä̧ aditü 'chi̧nä̧tü̧.