1 Timoteo 1:11 - Nuevo Testamento Uwotjüja

¹¹ Pi̧yȩ ja̧'a̧ Dio eseäkuäwä kku̧nä̧rü̧ adiwäjuei wȩnȩ chu̧wo̧juȩta̧ pä'ü ttürü weinü̧mä̧.

TÄ̧DO Ä̧CUÄ̧ I̧HUȨNȨ

¹¹ Dios, adihuä i̧sa̧, adihuä huȩnȩ, suronä jȩttö̧ jȩpö̧ icu hueinö huȩnȩ, ja̧'hua̧nö̧ päa'a. Ja̧u̧ huȩnȩ jidähua pä'ö hueinäcusä.

1 Timoteo 1:11 Referans Kwoze

Gálatas 2:7

Pärokua'aku, judío pokotürü jidäwiyarü pä'ü Dio weina̧'a̧tä̧ wo̧jui̧'i̧nä̧tü̧, Peduru-rü'i̧nä̧ judío-rü jiäwa pä'ü weinüta'anü̧.

Tito 1:3

Ja̧'wa̧ta̧nü̧ jitämä̧, täkü päinü̧ mo̧ro̧ ja̧'a̧ttü̧, i̧wȩnȩmä̧ ttu̧wo̧jui̧pü̧nä̧ weäwi'ina̧'a̧ jittäu tä̧ju̧kuo̧mȩnä̧ tü̧ä̧nä̧wa̧ Dio ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧ weäwänä̧.

1 Timoteo 6:15

Icha päü mo̧ro̧ ichomȩnä̧mä̧, eseu kkä̧kuä̧wä̧ Dio-mä̧ i̧jȩpä̧kua̧, jua'amä̧ chu̧'ä̧kua̧ ja̧'a̧ttü̧, kkorotüttü'i̧nä̧ abonä̧nü̧ ju̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ jo̧mȩttü̧, jua'atäku pi̧jä̧nä̧ kka̧kuä̧tü̧ o'katoi'ünä̧ ttu̧ru̧wa̧ ja̧'a̧ttü̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

2 Timoteo 2:2

Ttü̧ja̧ rekuätürü chu̧wo̧juȩta̧'a̧mä̧ ä̧ju̧kuä̧'i̧jü̧jä̧. Jitämä̧ ja̧u̧ kuä̧jukuäijü̧tä̧ tta̧'kua̧ wȩnä̧rä̧tü̧rü̧ ja̧'wa̧ta̧nü̧ kkorotürü ttüwo̧juȩta̧'a̧nü̧ wotürü wo̧juȩti̧.

2 Timoteo 1:14

Epíritu Sa̧tu̧ ujutunä̧ kkü̧ ppä̧dä̧ra̧'a̧nä̧ adiwomȩnä̧ wo̧juȩkuä̧ ukuru weäwi'inü̧mä̧ tta̧'a̧ri̧.

2 Timoteo 1:11

Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.

1 Timoteo 6:20

Timoteo, ¡kuaditäwämä̧ adiwomȩnä̧ aditi! Jesucrito-rü esetokotü tu̧wo̧juȩtä̧'i̧jü̧ pä'ä'chätürümä̧ ja̧'wa̧ta̧nü̧ isopäi'ünä̧ wȩnȩ ttu̧ju̧nä̧ra̧ pä'ü yapareu ji'äwätürümä̧ kuä̧ju̧kuä̧;

1 Timoteo 2:7

Pi̧yȩ jidäwa pä'ü, apóto pä'ü'i̧nä̧, jiäkuäwä i̧sa̧ pä'ü'i̧nä̧, o̧ä̧wa̧sä̧, chäditäwämä̧ Judío pokotürü isopäi'ünä̧ wȩnȩ tta̧'kua̧ wȩnä̧rä̧kuä̧wä̧ tü'kü jidäwa pä'ü ja̧'a̧, yaparewoküsä, Pi̧yȩ jidäumä̧ isopäi'ünä̧ ja̧'a̧.

1 Tesalonicenses 2:4

Pärokua'aku Dio-mä̧ jȩtü̧'a̧nü̧ ji̧yä̧ku̧ jareü wȩnȩmä̧ jitäwa pä'ü weinä̧u̧jä̧, ja̧'wa̧nü̧ ja̧'a̧ttü̧ ja̧'wa̧nü̧tä̧ ukuokuätüjä̧. Jua'amä̧ ttü̧ja̧ ttesewatü pä'ümä̧kü̧, Dio-tä esewätü pä'ü ja̧'a̧, tami'iso'ki kka̧kuä̧mü̧ topü ja̧'a̧ttü̧.

Colosenses 1:25

Jua̧u̧ igresia-nä̧ adikuä i̧sa̧ u̧ju̧ni̧nä̧ku̧sä̧ Dio-mä̧. Chutä i̧wȩnȩ chaditiyarü pä'ü.

Efesios 3:10

Jua'amä̧ jȩpi̧nü̧ Dio rü̧ȩnä̧ u̧wo̧juö̧ iäre igresia-nä̧tä̧ i̧jȩkuä̧cha̧ pä'ü, tturuwo kku̧nä̧rä̧tü̧rü̧'i̧nä̧, mo̧ro̧jä̧nä̧ tturuwo kku̧nä̧rä̧tü̧rü̧'i̧nä̧, jü̧nä̧.

Efesios 2:7

Pi̧yȩmä̧ jȩpi̧nü̧, Jesucrito-nä̧ rü̧ȩnä̧ rȩrü̧jü̧ toü yodoji mo̧ro̧ ujuturu i̧jȩpa̧ pä'ü.

Efesios 1:12

Dio-mä̧ pä̧wä̧rü̧ji̧nä̧ku̧, ä̧kuo̧mȩnä̧mä̧ ujutu judío, Crito-rü ta̧'kua̧ tu̧wȩnä̧ri̧ya̧rü̧ pä'ü, chutä ujuru u̧ju̧nä̧ra̧'a̧ttü̧ tesewiyarü pä'ü.

Efesios 1:6

Pa̧'a̧nü̧tä̧ jȩpi̧nü̧ Dio-mä̧ rü̧ȩnä̧ rȩrü̧jü̧ toü tesewarü pä'ümä̧, ja̧'wa̧nü̧ ja̧'a̧ttü̧ chutä I̧tti̧ repeäkunä̧ surojüttü kki̧'i̧kuä̧ iyinä̧u̧jä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

1 Corintios 9:17

Ja̧'wa̧nü̧ ja̧'a̧ttü̧, eseunu̧ jua̧u̧ jidäuttümä̧, mikuä chȩmä̧kua̧sä̧; ja̧'wa̧nü̧ ja̧'a̧nä̧ chesewoka'a jȩchü̧ttü̧mä̧, weäwi'ina̧'a̧tä̧ jȩpü̧sä̧.

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»