1 Pedro 5:8 - Nuevo Testamento Uwotjüja

⁸ Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

TÄ̧DO Ä̧CUÄ̧ I̧HUȨNȨ

⁸ Cua̧'cua̧ pö̧nö̧ ka̧cuä̧tu̧cui̧. 'Cuäopönä mo̧ro̧jö̧ a̧'u̧cuä̧ Diosrö ucuocu ka̧cuä̧tu̧cui̧. Ucuturu ami suru topö cua̧bo̧i̧ya̧tu̧cu̧ ähuettä cue'ächö. Yähui ra̧huä̧rö̧ u̧cuȩ usu'a̧nö̧ cue'ächö.

1 Pedro 5:8 Referans Kwoze

Efesios 6:11

'Ka̧tä̧wi̧'ä̧tu̧kui̧, tta̧bo̧i̧ya̧rü̧ ttoekuäkuäwä Dio jäwämä̧ o'kajuiyünä̧, äwettä suronä̧ jȩo̧mȩnä̧ ma̧kuä̧chä̧tu̧ku̧ juiyäkua'anü̧.

Santiago 4:7

Ja̧'wa̧nü̧ ja̧'a̧ttü̧ Dio-rütä ukuotätükui. Äwettärümä̧ yaokuätukui, ja̧'wa̧nü̧ jo̧mȩnä̧tä̧ äwettämä̧ ukututtü tüipächä̧kua̧.

Efesios 4:27

Ja̧'wa̧ta̧nü̧ äwettä kka̧kuä̧mȩ'ü̧ toünä̧mä̧ kuiyä'wätukuärü.

1 Pedro 1:13

Ja̧'wa̧nü̧ ja̧'a̧ttü̧, jo̧mȩnü̧ wo̧jä̧wä̧nä̧ 'ka̧tä̧wi̧'ü̧ kka̧kuä̧tu̧kui̧, ja̧'wa̧ta̧nü̧ jo̧mȩnü̧ tta̧'a̧rü̧ kka̧kuä̧tu̧kui̧ Jesucrito ichomȩnä̧mä̧ mipponä̧ iyäwä i'chächü iyäkuotüjä̧.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

San Lucas 22:31

Ja̧'wa̧ta̧nü̧ Tu̧ru̧wa̧mä̧ pä'inü̧: —Simón, Simón Satanás-mä̧ trigo yȩ'ȩpü̧ ttikua'a jä̧'i̧nü̧'a̧nü̧ yȩ'ȩpü̧ ikuätukuaku pä'ü jä'epäji.

Tito 2:12

Ja̧'wa̧ta̧nü̧ Dio-mä̧ ro̧ȩkuä̧ ukuturu pätetü kku̧nä̧wä̧ttü̧ ku̧ji̧pä̧tu̧ku̧nä̧ ppädinä̧u̧jä̧, Dio ujuturu eseunu̧ toümä̧ wo̧juȩta̧'a̧ ujutu suronä̧ jȩtä̧i̧jü̧ kätädächa pä'ü. Pi̧jä̧ jäwä surojü kkü'kekunä̧ totü juiya pä'ü. Kkoro'i̧nä̧ wo̧juȩta̧'a̧, pi̧jä̧nä̧ tü̧jä̧i̧mä̧ Dio ä'ka jo̧mȩttü̧mä̧ adiu jȩpü̧ tü̧ja̧ pä'ü, ja̧'wa̧ta̧nü̧ o'kajuiyünä̧ jȩtü̧mä̧ adiu tamükuäda pä'ü.

Apocalipsis 12:12

¡Ja̧'wa̧nü̧ ja̧'a̧ttü̧, eseäkuäwätukui mo̧ro̧jä̧ jäwä'i̧nä̧, ja̧'wa̧ta̧nü̧ mo̧ro̧jä̧nä̧ kka̧kuä̧tü̧'i̧nä̧! jü̧nä̧. Ja̧'wa̧nü̧ ja̧'a̧nä̧, ¡Isottü̧! ¡rȩjȩnä̧'i̧nä̧, rü̧ä̧ ajenä̧'i̧nä̧ kka̧kuä̧tü̧rü̧ juiyo ra̧wä̧pi̧ja̧'a̧, isopäi'ünä̧ äwettämä̧ a̧'u̧ku̧nä̧tä̧ mo̧ro̧ kki̧'ä̧ku̧, wo̧juä̧u̧ ukuturu, suronä̧ jȩa̧ pä'ü a̧mi̧ sura'a mȩyȩwi̧nü̧!

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

San Mateo 13:39

A̧bo̧i̧ya̧ surojü adiyä kku̧ni̧nü̧ päjimä̧, äwettä ja̧'a̧. U̧wä̧ju̧ 'kiyächomȩnä̧ ttü̧ka̧ka̧ti̧na̧'a̧ jä̧ji̧mä̧, rüjí mo̧ro̧ ü'ojo'äkuomȩ jä̧kua̧'a̧ ja̧'wa̧ta̧nü̧ u̧wä̧ju̧ ka̧ka̧ti̧nä̧tü̧ päjätümä̧ á̧gȩrȩ ja̧'a̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

San Mateo 24:42

Ja̧'wa̧nü̧ ku̧ru̧wa̧tu̧ku̧ i̧chä̧kuȩ mo̧ro̧ kuieruwätukua'attü̧, kuä'i'ätukuoka'a to̧pä̧rä̧tu̧kui̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

Tito 1:8

Ja̧'wa̧nü̧ ja̧jü̧jueimä̧ 'kuäopünä̧ ttü̧ja̧rü̧ ojusodenä̧ ttä'a päü do'ädü ja̧'a̧ ja̧'wa̧ta̧nü̧ jua̧u̧ ttü̧ja̧sa̧mä̧ adiu kkü̧, adiu ro̧'ȩkua̧, suronä̧ jȩpä̧'cho̧kü̧, surojü'i̧nä̧ jui̧'a̧, ja̧'wa̧ta̧nü̧ jua̧u̧mä̧ adiu ji̧'ä̧wä̧rü̧ pü̧ttä̧dä̧kuä̧wa̧ ja̧'a̧.

2 Timoteo 4:17

Ja̧'wa̧nü̧ ja̧'a̧nä̧ chu̧ru̧wa̧tä̧ ji̧na̧'a̧ chujuru'i̧nä̧ iyü ppä'ädinü̧mä̧, o'katoi'ünä̧ judío pokotü surojüttü kki̧'i̧kuä̧ wȩnȩ jidäwa ttä̧ju̧kua̧ päümä̧. Ja̧'wa̧nü̧ jȩpü̧tä̧ Chü̧ä̧nä̧wa̧mä̧ mü̧yä̧wi̧tü̧ ttä jakuättü rä'epü ikuinä̧ku̧sä̧.

Tito 2:6

Ja̧'wa̧ta̧nü̧ müäyotürü'i̧nä̧ wo̧juȩku̧nä̧ ttü̧ja̧kua̧ pä'ü ji'äwitü.

Tito 2:2

Ja̧'wa̧ta̧nü̧ büäkuächätürümä̧ ji'äwi tta̧'kua̧pu̧nü̧ ttü̧ja̧kua̧, ttü̧ja̧ ttukuotünä̧, ja̧'wa̧ta̧nü̧ adiwomȩnä̧ ttü̧ja̧kua̧; tta̧'kua̧ wȩnä̧rü̧, eseunu̧, usurä ttȩma̧wo̧mȩnä̧ ttujuruku tta̧mi̧ 'kittächi'äkua'anü̧.

1 Timoteo 2:15

Ja̧'wa̧nü̧ ja̧'a̧nä̧ isaju i̧tti̧mü̧kua̧ju̧ jȩja̧ pä'ü weäwi'inü̧ ukuotü, ttütäbotü esetü, kka̧'kua̧ wȩnä̧rü̧, kkawaruwärü repeü, surojü jȩjä̧'chü̧ juiyüttütä kkü̧ji̧pä̧kuo̧ju̧.

Apocalipsis 20:2

Ja̧'wa̧nü̧ ja̧'a̧ jua̧u̧ á̧gȩ-mä̧ dragó̧ pättäkuru, täbokü ä̧ka̧ pinü̧ pättäkuru, chutä äwettä, satanás-rü̧ 'chu'ädü mil años jo̧mȩnä̧ kä̧rȩnä̧sa̧nä̧ nü̧'kü rütinü̧.

Tito 2:4

ja̧'wa̧ta̧nü̧ nä̧tü̧ müäyotümä̧ ttirekuoku tti̧tti̧mü̧ku̧ eseu kkä̧kuä̧wä̧ juätüttü topü ttü̧ja̧kuä̧kua̧'a̧nü̧.

1 Timoteo 3:11

Ja̧'wa̧ta̧nü̧, nä̧tü̧'i̧nä̧ ttukuotä̧u̧tä̧ jä̧kua̧'a̧, suräjuei wȩnȩ'i̧nä̧ ukuokuokotütä, ttukuokuajueimä̧ tta̧'kua̧pu̧nü̧ kkä̧nü̧, o'kajuiyünä̧ ukuotätütä.

1 Timoteo 2:9

Ja̧'wa̧ta̧nü̧ nä̧tü̧'i̧nä̧ adiwomȩnä̧ 'ka̧tä̧wä̧tu̧kui̧, adiwäjuei jo̧kü̧ttü̧, oro jo̧kü̧ttü̧, pü̧jä̧ta̧'i̧nä̧ rü̧ȩnä̧ mikuäwo̧ko̧ta̧ttü̧, abo 'kuäo'ünä̧ sa̧ȩkuä̧kuä̧wä̧ juiyünä̧ ttü̧'ka̧tä̧wa̧ pä̧wä̧rü̧jä̧ku̧sä̧,

San Mateo 4:1

Ja̧'wa̧nü̧ jä̧ji̧ o'ka'a Epíritu Sa̧tu̧mä̧, äwettä kka̧kuä̧mü̧ toarü pä'ü, Jesú-ru rȩba̧ dȩ'a̧ra̧'a̧ku̧ o'ipinü̧.

1 Timoteo 3:2

Ja̧'wa̧nü̧ ja̧'a̧ttü̧, pi̧yȩ aditäwä kku̧nä̧rü̧mä̧, surojü jȩpä̧'i̧jü̧ jü̧nä̧mä̧ pä'äwokü ja̧'a̧. Irekuarümä̧ yajuterütä u̧ju̧nä̧ra̧ pä'ü ja̧'a̧, idepä kkü'kekumä̧ o'kajuiyünä̧tä̧ tta̧wä̧rä̧kuä̧wa̧ pä'ü wa̧, ja̧'wa̧ta̧nü̧ jȩä̧kuȩ'i̧nä̧ todärenä̧ amükuäda pä'ü ja̧'a̧. Ojusodenä̧ ttü̧ja̧rü̧ doäda pä'ümä̧ 'kuäopünä̧tä̧ jo̧mȩnü̧ ü̧ja̧ pä'ü ja̧'a̧; ja̧'wa̧ta̧nü̧ u̧wo̧juȩta̧ pä'ü'i̧nä̧ jo̧mȩnü̧ wa̧;

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 4:11

Ja̧'wa̧nü̧ päku, Jesú ü̧jo̧mȩttü̧ äwettämä̧ i̧wi̧'a̧'a̧nä̧, A̧gȩrȩ-tü̧mä̧ ichi'ü ppättädinä̧ku̧.

San Marcos 4:15

Ja̧'wa̧ta̧nü̧, mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧ wȩnȩkuä̧cha̧'a̧: Dio i̧wȩnȩ ttä̧ju̧kua̧'a̧nä̧, ttä̧ju̧kuä̧ji̧ o'ka'a, tta̧mi̧ iso'kittü Satanás ichi'ü 'choipo'ächä̧u̧ru̧.

2 Corintios 2:11

Ja̧'wa̧nü̧ jȩ'kuä̧tu̧ku̧ttü̧mä̧, Satanás-mä̧ kkȩdü̧ ikuoko̧u̧ kuäkuotüjä̧. ¡Täkü wo̧juä̧tü̧jä̧ jua̧u̧ suronä̧ jȩa̧ pä'ü amükuädümä̧!

Apocalipsis 12:10

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧: Täkü surojüttü kki̧'i̧kuä̧mä̧ rȩbȩä̧kuä̧wa̧'a̧, Tu̧ru̧wa̧ ujuru'i̧nä̧, uruwo weü'i̧nä̧ ja̧'wa̧ta̧nü̧ Crito uruwo weü'i̧nä̧, jü̧nä̧; jua'amä̧, täkü rä'epü iku yawokui'a'attü tawaruwä tü̧jä̧wa̧tü̧rü̧ suronä̧ pä'ä'chi'enü̧rü̧, mo̧ro̧'i̧nä̧, yodo'i̧nä̧ 'kuäopünä̧tä̧ suronä̧ pä'inü̧rü̧, Tä'o Dio ä'ka jo̧mȩttü̧.