1 Pedro 5:5 - Nuevo Testamento Uwotjüja

⁵ Ja̧'wa̧ta̧nü̧ ukutu mü̧ä̧yotü'i̧nä̧ igresia-ttü a̧ci̧a̧nu̧tu̧ru̧mä̧ ukuotätukui. O'katoi'ünä̧tä̧ kkorotümä̧ kkorotüku ukuo tekuäwätukuoka'a ukuotätukui, Isopäi'ünä̧: Dio-mä̧ ttukuo te'äkuäwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä adiwäjuei iyü ppä'ädü.

TÄ̧DO Ä̧CUÄ̧ I̧HUȨNȨ

⁵ Ucutu'inä u̧mä̧tö̧ möäyotö, o'ca juiyönä ancianos huotö huettömä ä̧ju̧cu̧ jȩpä̧tu̧cui̧. Ja̧'hua̧ta̧nö̧ o'ca toi'önä korotörö ppä'ädö eseunu ka̧cuä̧tu̧cui̧. Huȩyu̧cuä̧ Huȩnȩ päa'a: Diosmä a'cuoyäunu jȩpä̧tö̧rö̧ kö'cocö. Usurä isotörötä eseunu ppä'ädö.

1 Pedro 5:5 Referans Kwoze

Santiago 4:6

Ja̧'wa̧nü̧ ja̧'a̧nä̧ Dio-mä̧ rü̧ä̧nä̧ rȩrü̧jü̧nü̧ topü ppä̧dä̧u̧jä̧, ja̧'wa̧ta̧nü̧ wȩyu̧kuä̧ wȩnȩmä̧ pä'a: Dio-mä̧ ttukuo te'äwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä eseunu̧ ppä'ädü.

Efesios 5:21

Dio-rü ukuotätümä̧, jikuäkuäwätukumä̧ ukuotäkuäu kka̧kuä̧tu̧kui̧.

Romanos 12:10

Yotukunä̧mä̧ ttü̧jä̧wa̧tü̧rü̧ eseu repettü'anü̧, eseu repe'äkuäwätukui; yotukunä̧ ukuotäkuäu kkä̧nü̧.

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

Romanos 13:14

Pärokuänä̧ Tu̧ru̧wa̧ Jesucrito jäwänä̧ 'ka̧tä̧dä̧kuäwi̧'ä̧tu̧kui̧, kuidepä kkü'kekunä̧mä̧ kuiyäwätukuoka'a.

1 Pedro 4:5

Ja̧'wa̧nü̧ ja̧'a̧nä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'a pä'ü jo̧mȩnü̧ jȩpü̧ kku̧nä̧wo̧mȩttü̧ jȩtti̧nü̧mä̧ tti̧jȩpä̧kuo̧tü̧.

Hebreos 13:17

Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

1 Pedro 4:1

Ja̧'wa̧nü̧ ja̧'a̧ttü̧, Crito idepänä̧ usurä ȩmä̧wi̧ta̧'a̧nü̧, ukutu'i̧nä̧ usurä ȩmä̧kuä̧wä̧nä̧ jo̧mȩnü̧ kka̧kuä̧tu̧kui̧. Ja̧'wa̧nü̧ idepänä̧ usurä ȩmä̧wä̧u̧mä̧ surojüttümä̧ 'to'oku ikuä'ijü,

San Lucas 22:26

Ja̧'wa̧nü̧ ja̧'a̧nä̧, ukutumä̧ ja̧'wa̧nü̧mä̧ jȩpo̧ko̧tü̧ kuäkuotüjä̧. Ukututtü ku̧wä̧mȩtu̧ku̧nä̧ wa̧mä̧, i̧dȩa̧'a̧nä̧ wa̧ jü̧nä̧ kuäkuotüjä̧ ja̧'wa̧ta̧nü̧ wea pä'ü wa̧mä̧, ttu̧mü̧wä̧ya̧ 'kua̧rü̧nä̧tä̧ aditi.

1 Timoteo 5:1

Bü̧o̧sa̧rü̧mä̧ ra̧wä̧rü̧nä̧nü̧mä̧ kukuokuä; ja̧'wa̧nü̧ ja̧jü̧jueimä̧ kua̧mü̧nä̧ kuä'o 'kua̧rü̧nä̧ ttu̧ȩkuä̧nä̧ ro̧'ȩpi̧rü̧; ja̧'wa̧ta̧nü̧ u̧mä̧tü̧ müäyotürümä̧ ku̧bü̧o̧tü̧ 'kua̧rü̧nä̧ ukuokuitü.

1 Pedro 3:8

Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.