1 Pedro 5:2 - Nuevo Testamento Uwotjüja

² Dio ä̧ji̧mü̧ oweja-tü̧ iyinä̧u̧ru̧mä̧ adiu Dio-rü pä̧wä̧rü̧ja̧'a̧ku̧ tta̧'a̧rä̧tu̧kui̧, kujurutukumä̧kü̧, pärätänä̧mä̧kü̧, ja̧'wa̧nü̧ ja̧jü̧ jueimä̧ adiu eseunü̧tä̧.

TÄ̧DO Ä̧CUÄ̧ I̧HUȨNȨ

² O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

1 Pedro 5:2 Referans Kwoze

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

1 Timoteo 3:8

Ja̧'wa̧ta̧nü̧, Diákunu̧ wotümä̧ ttukuotä̧u̧tä̧ ja̧'a̧, pättümä̧ isopäi'ünä̧tä̧ ukuokuätü, tä̧'ä̧mä̧'cho̧ko̧tü̧, pärätä ttȩma̧ pä'ü'i̧nä̧ tta̧'kua̧ ro'ekuokotü.

Tito 3:1

Kkorotürümä̧ ji'äwi, ru̧wa̧ weümä̧, ja̧'wa̧ta̧nü̧ ukuo isotü wettümä̧ ttukuota; ja̧'wa̧ta̧nü̧ juätü wettümä̧ ttukuotäkua'anü̧ 'kuäopünä̧tä̧ adiwäjuei jȩä̧kuä̧wä̧ isotü jü̧nä̧ ttü̧ja̧kua̧.

1 Timoteo 3:3

Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

1 Corintios 9:7

¿Ditä jä̧'i̧jä̧ttü̧, su̧ro̧do̧u̧ i̧sa̧ kkä̧nü̧, u̧kuȩ'i̧nä̧, iäre'i̧nä̧ mitäu kkü̧mä̧? ¿Ditä jä̧'i̧jä̧ttü̧ uwa pättiyu adita'anä̧, jua̧u̧ u̧wä̧ju̧ kuokümä̧? ¿Ditä jä̧'i̧jä̧ttü̧ oweja-tü̧rü̧ tta̧wä̧ra̧'a̧nä̧, oweja-tü̧ ttatate isoya awokümä̧?

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.

Hebreos 12:15

Adiu topäkuäu kka̧kuä̧tu̧kui̧, Dio rettü iyümä̧ ya̧tȩ'i̧nä̧ ku̧ja̧kui̧'ä̧tu̧kuo̧ka̧'a̧ kuȩmä̧tu̧kuä̧kua̧'a̧nü̧; pä̧i̧ jakuänä̧ ȩki̧pa̧'a̧ püttächi'ü ttoepomȩnä̧, rekuätürü surojuoepü juiyäkua'anü̧.

Tito 1:11

Juätürümä̧ ttu̧wo̧juȩta̧'a̧nä̧ ja̧'a̧tä̧mä̧ to'kuätukuä; juätümä̧ ttü̧ja̧rü̧mä̧ o'katoi'ünä̧rü̧ jerutu ikutä, ja̧'wa̧ta̧nü̧ pärätä ttȩma̧ pä'ütä jȩpä̧tü̧.

San Lucas 12:32

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

Filemón 1:14

Ukú päkuoka'anä̧mä̧ jȩcha̧ pä'okü päjisä, ppäkuädattü pä'ü jädepäjimä̧ ttü weda'a 'kua̧rü̧nä̧ jü̧ juiyäkua'anü̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Romanos 1:15

Ja̧'wa̧nü̧ ja̧'a̧ttü̧, ttütämä̧ jitätä ja̧'a̧ chicha pä̧wä̧rü̧jä̧ku̧sä̧ Roma-ra̧'a̧ ukuturu jareü wȩnȩ jidäwa pä'ü.

Hechos 21:13

Pauru-mä̧ adätinä̧u̧jä̧: —¿Tta̧'a̧nü̧ pä'ü ajuäkuäwätüjä̧ttü̧, ttü'i̧nä̧ cha̧'kua̧ tta̧dȩku̧nä̧? Ttümä̧ Jerusarȩ́-ra̧'a̧ttü̧mä̧, suro ttü̧nü̧'kattütämä̧ pä'oküsä, Tu̧ru̧wa̧ Jesú i̧mi̧nä̧mä̧ wa'ü'i̧nä̧ chikua pä'üsä.

Hechos 20:29

Ja̧'wa̧nü̧ ja̧'a̧ttü̧ wo̧jua̧sä̧, ttü cho'komȩ päi'omȩnä̧, ku̧'kä̧tȩtu̧ku̧nä̧ dodettäkuotü Rowo isotü pä̧i̧kuä̧tü̧ igresia ttü̧ja̧rü̧ be'epäjipü ttikua pä'ü.