1 Pedro 5:12 - Nuevo Testamento Uwotjüja

¹² Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

TÄ̧DO Ä̧CUÄ̧ I̧HUȨNȨ

¹² Silvano, Cristonä chö̧jä̧hua̧ ppädomenä, pi̧yȩ cuyäru ji̧'qui̧cha̧nö̧tä̧ huȩyu̧tu̧ hue'ösä ucuturu, ji'äu ppädädätucuacu pä'ö. Ja̧'hua̧ta̧nö̧ ucuturu repea'attö, o'ca juiyönä adihuä juäi iyinödo Dios ucuturu cu̧huo̧juä̧tu̧cua̧ pä'ö huȩyu̧tu̧sä̧. Pi̧yȩ esetönö ka̧cuä̧tu̧cui̧.

1 Pedro 5:12 Referans Kwoze

Hebreos 13:22

Chawaruwä chü̧jä̧wa̧tü̧, pi̧yȩ a̧'u̧ku̧nä̧ ro̧'ȩpü̧nü̧ ukuoku chi̧wȩyu̧tä̧ji̧, kua̧mi̧ 'ki'ächi'ünü̧ kuä̧ju̧kuä̧tu̧kua̧ pä'üsä.

Hechos 11:23

Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

2 Corintios 1:19

Isopäi'ünä̧, Dio I̧tti̧ Jesucrito, Silvano-ku̧'i̧nä̧, Timoteo-ku̧'i̧nä̧ ujutu, ukuturu jitäwinä̧ku̧mä̧, todärenä̧mä̧ ji'äwokü pinü̧, Ya'utekutä «A̧» pä'inü̧.

1 Corintios 15:1

Jitämä̧, chawaruwä chi̧jä̧wa̧tü̧, jareü wȩnȩ jidäwinü̧ kuamükuädätukua pä'üsä. Pi̧yȩtä̧ ja̧'a̧ jareü wȩnȩ esetinü̧'kotü, ji̧yȩnä̧tä̧ 'kiyünä̧ ku̧ja̧kuä̧tu̧ku̧mä̧.

Hechos 20:24

Ja̧'wa̧nü̧ ja̧'a̧nä̧, cha̧'kua̧rü̧mä̧ ukuo te'äwoküsä, Chu̧ru̧wa̧ttü̧ chȩmi̧nü̧ chaditäwä, eseunu̧ kädäda pä'ütä amükuädüsä, Dio rettü iyinü jareü wȩnȩ ji'äunu̧.

2 Tesalonicenses 1:1

Ttü Pauru, Silvano-ku, ja̧'wa̧ta̧nü̧ Timoteo-ku ukuturu te'äwätüjä̧ Tesalónica ütawiyättü Igresia jü̧nä̧ wotürü, Dio-ttü'i̧nä̧ Tu̧ru̧wa̧ Jesucrito-ttü'i̧nä̧ todepätürü.

1 Tesalonicenses 1:1

Ttü Pauru'i̧nä̧, Silvano'i̧nä̧, Timoteo'i̧nä̧, te'äwätüjä̧ Tesalónica ütawiyänä̧ kka̧kuä̧tü̧, Dio-ku, Tu̧ru̧wa̧ Jesucrito-ku ji̧yȩtȩnä̧ wotürü. Tami'iso'ki o'kajuiyünä̧ pä̧wä̧rü̧jä̧u̧jä̧, wȩnȩ juiyünä̧ kkä̧kuä̧wä̧, eseäkuäwä Dio jo̧mȩnü̧ iyätukuaku pä'ü.

Judas 1:3

Chawaruwä chü̧jä̧wa̧tü̧, mo̧tä̧ päi'ünä̧ wȩyu̧tu̧ weda pä'inü̧sä̧ Dio ukuturu iyinü̧ tü'kümä̧; ja̧'wa̧nü̧ ja̧'a̧ttü̧ jitämä̧ jädepä̧u̧jä̧ Dio wo̧juȩtü̧ iyinü̧mä̧ ä'kuoyäkuäunu̧ suropätüttü tta̧kuä̧rä̧tu̧kua̧ pä'ü.

3 Juan 1:12

O'katoi'ünä̧, Demetrio ütü'kü adiu ukuokuätü ja̧'wa̧ta̧nü̧ jua̧u̧ jȩpü̧ ü̧jü̧ttü̧ wo̧juä̧tü̧jä̧ isopäi'ünä̧ ja̧'a̧ pä'ü. Ja̧'wa̧ta̧nü̧ ujutu'i̧nä̧ jua̧u̧ adiu jȩü̧mä̧, adiutä ukuokuätüjä̧, jua̧u̧ tukuokumä̧ jueü wȩnȩtä̧ ja̧'a̧ pä'ü wo̧jua̧jä̧.

2 Pedro 2:15

Kue'ächü re'tewächätü, jua'amä̧ jueü mä̧nä̧ttü̧ 'kȩtti̧pä̧chi̧na̧'a̧ttü̧. Bosor i̧tti̧ profeta Balaam suronä̧ jȩpü̧ premio pättü ȩma̧ pä'ü jȩi̧nü̧'a̧kuä̧ jȩpä̧tü̧,

2 Pedro 1:12

Ja̧'wa̧nü̧ ja̧'a̧ttü̧ pi̧yȩ o'kajuiyünä̧ 'kuäopünä̧tä̧ u̧ni̧chi'okü chä̧kua̧sä̧, ku̧wo̧juä̧tu̧kua̧'a̧nä̧'i̧nä̧ isopäi'ünä̧ wȩnȩ chu̧wo̧juȩti̧nü̧nä̧ 'kiyünä̧ kka̧kuä̧tu̧kui̧.

Colosenses 4:9

Jua̧u̧ku̧mä̧ i̧chä̧kua̧ ta̧wa̧ru̧wa̧ ti̧jä̧wa̧ ujututäku aditä'ijü, kui̧rȩjä̧tu̧ku̧ i̧sa̧ Onésimo'i̧nä̧. Juätütä jä̧kua̧'a̧ o'kajuiyünä̧ pa̧nä̧ttü̧ 'kuätopü ukuturu jittäwäkuotümä̧.

Colosenses 4:7

O'kajuiyütä ttü chütü'kü ukuturu ji̧ä̧wä̧kua̧mä̧, ta̧wa̧ru̧wa̧ ti̧jä̧wa̧ Tíquico ujuturu ppä'ädä̧rä̧'i̧jü̧, ji̧nä̧ ji̧yȩtȩnä̧ Tu̧ru̧wa̧ weäwänä̧ aditä'ijütä jä̧kua̧'a̧.

Colosenses 1:7

Pi̧yȩmä̧ ta̧wa̧ru̧wa̧ Epafra u̧wo̧juȩti̧nä̧u̧jä̧, ujututäku aditä'ijü, Tu̧ru̧wa̧ weinü̧ ukuotü adikuä i̧sa̧.

Efesios 6:21

Ttürü 'kuäopü'i̧nä̧, jȩchü̧'i̧nä̧ o'kajuiyünä̧ jiäwa pä'ü we'üsä ta̧wa̧ru̧wa̧ ti̧jä̧wa̧ repetäku Tíquico-rü, Tu̧ru̧wa̧ i̧wȩnȩ jueünä̧ adikuä i̧sa̧rü̧.

Efesios 3:3

Ttürümä̧ chu̧wo̧jui̧pü̧nä̧ i̧jȩkuä̧chi̧nä̧ku̧sä̧ yä̧wä̧i̧nä̧ jäwämä̧, jua̧u̧ tü'kümä̧ a̧'u̧ku̧nä̧ wȩyu̧tu̧ we'äjisä.

2 Corintios 1:24

Ukutu kua̧'kua̧ ku̧wȩnä̧rä̧tu̧ku̧nä̧ wetamä̧ pätoka'anä̧, yabonü̧ kuesewätukunä̧ ppätäda pä'ätüjä̧, täkü 'kiyünä̧ kua̧'kua̧ wȩnä̧rü̧ ku̧jä̧tu̧kua̧'a̧ topü.

Romanos 5:2

Jua̧u̧ Jesucrito-nä̧tä̧, ta̧'kua̧ tu̧wȩnä̧ro̧mȩnä̧, re ü̧ji̧nü̧nä̧ dodepinä̧tü̧jä̧, jitä ta̧mi̧ 'ki'ächi'ü tü̧ja̧ku̧nä̧mä̧, ja̧'wa̧nü̧ jo̧mȩttü̧ eseäkuäwätüjä̧, ujutu'i̧nä̧ Dio ukuo jäwänä̧ päti'äkuotüjä̧ pä'ü, tta̧'ä̧rü̧ kkä̧nü̧.

San Juan 21:21

Ja̧'wa̧nü̧ ja̧'a̧ Peduru-mä̧ jua̧u̧ru̧ topünü̧, Jesú-ru pä'inü̧: —Chu̧ru̧wa̧ ¿piderümä̧ toku jä̧kua̧'a̧jä̧ttü̧?

Hechos 15:22

Apótore-mä̧, igresia-ttü a̧ci̧a̧nu̧ wotüku, igresia wotüku amükuädü tottomȩnä̧ adiwina̧'a̧, jitütä ttü̧'kä̧tȩttü̧ a̧'u̧ku̧nä̧ wotürü, Pauru-ku, Bernawé-ku tti̧'cho̧mȩttü̧ we'ü ttikuatü pä'ü; ja̧'wa̧nü̧ ja̧'a̧ttü̧, Juda ja̧'a̧nä̧, Barsabás pättä'ijäku'i̧nä̧, Sira-rü'i̧nä̧, ukuo isotü päi'ünä̧ wotürü we'inä̧tü̧. Ja̧'wa̧ta̧nü̧ juätükumä̧ pa̧'a̧nü̧ wȩyu̧tu̧ we'inä̧tü̧:

1 Pedro 1:13

Ja̧'wa̧nü̧ ja̧'a̧ttü̧, jo̧mȩnü̧ wo̧jä̧wä̧nä̧ 'ka̧tä̧wi̧'ü̧ kka̧kuä̧tu̧kui̧, ja̧'wa̧ta̧nü̧ jo̧mȩnü̧ tta̧'a̧rü̧ kka̧kuä̧tu̧kui̧ Jesucrito ichomȩnä̧mä̧ mipponä̧ iyäwä i'chächü iyäkuotüjä̧.

1 Pedro 4:10

Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.