1 Pedro 5:10 - Nuevo Testamento Uwotjüja

¹⁰ Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

TÄ̧DO Ä̧CUÄ̧ I̧HUȨNȨ

¹⁰ Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

1 Pedro 5:10 Referans Kwoze

2 Corintios 4:17

Isopäi'ünä̧ pi̧yȩ pi̧jä̧nä̧ttü̧ jurunä̧tä̧ usurä tȩmä̧u̧mä̧, jua̧u̧ttü̧tä̧ Dio-mä̧ i̧yä̧kuä̧u̧jä̧ beipokü adiwä jueimä̧;

2 Tesalonicenses 3:3

Ja̧'wa̧nü̧ ja̧'a̧nä̧ Tu̧ru̧wa̧mä̧ adiwä i̧sa̧, kua̧mi̧ 'ki'ächi'ü ku̧ja̧kuä̧tu̧ku̧nä̧ jȩä̧kuä̧u̧jä̧ surojü 'kuäopomȩnä̧'i̧nä̧ tta̧wä̧rä̧kuä̧u̧jä̧.

Judas 1:24

Chutä Dio ya̧tȩrü̧tä̧, ra̧wä̧pi̧jü̧ku̧ ma̧kuä̧chä̧tu̧ku̧ juiyünä̧ tta̧'ä̧rü̧rü̧, rü̧ȩnä̧ eseu gloria pättü kko̧mȩ ukuturu i̧jȩpü̧rü̧,

1 Timoteo 6:12

Tta̧'kua̧ wȩnä̧rä̧kuä̧wä̧nä̧ surojümä̧ adiwäjuei kuränä̧ rowäwi; kkä̧kuä̧wä̧ i'ko'i̧nä̧ dajawächa'anä̧mä̧ ja̧'a̧tä̧ to'kuä, jua̧u̧tä̧ pätetü Dio-mä̧ woinä̧ku̧jä̧, ja̧'wa̧nü̧ ja̧'a̧ttü̧ ttü̧ja̧ rekuätü ttä'ka jo̧mȩttü̧ kua̧'kua̧ ku̧wȩnä̧rü̧mä̧ ji'äwinü̧jä̧.

2 Tesalonicenses 2:17

'kuäkuächi'ätuku juiyünä̧ kujurutuku ttiyätukuaku pä'ü 'kuäopünä̧ adiwäjueitä kukuokuätukuä ja̧'wa̧ta̧nü̧ adiwäjueitä jȩ'kuä̧tu̧kua̧.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

1 Corintios 1:9

Dio-mä̧ iya päinü̧mä̧ iyü, Jua̧u̧tä̧ ja̧'a̧ chutä I̧tti̧, Tu̧ru̧wa̧ Jesucrito-ku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü wopinü̧mä̧.

1 Tesalonicenses 2:12

Jitäwä'i̧jä̧u̧jä̧ Dio i̧tti̧mü̧ ttü̧ja̧ku̧'a̧nü̧ ku̧ja̧kuä̧tu̧kuä̧kua̧'a̧nü̧, ttu̧ju̧nä̧ra̧ pä'ü woinä̧u̧ jü̧nä̧.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

2 Pedro 1:3

Dio-mä̧, ujurunä̧ o'kajuiyünä̧ ta̧'kua̧rü̧nä̧ rekuä rü̧jü̧'i̧nä̧, rȩrü̧jü̧ toäkuäwä'i̧nä̧ iyinä̧u̧jä̧, chutä ü̧rü̧ä̧nä̧ adiwäjuei aditäwänä̧ ujuturu wopinü̧rü̧ tu̧wo̧jua̧ pä'ümä̧.

1 Pedro 1:15

Ja̧'wa̧nü̧ ja̧jü̧jueimä̧, jo̧mȩnü̧ surojü juiyünä̧ kka̧kuä̧tu̧kui̧, isopäi'ünä̧ Dio ukuturu wopinü̧mä̧, surojü jui̧'a̧ jo̧mȩttü̧.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

2 Tesalonicenses 2:14

Pi̧yȩ amükuädü Dio-mä̧ woinä̧u̧jä̧, adiwäjuei jareü wȩnȩ jitäwa'a ä̧ju̧ku̧: Tu̧ru̧wa̧ Jesucrito uruwo jäwä kuȩmä̧tu̧kua̧ pä'ü.

San Lucas 22:32

Ja̧'wa̧nü̧ ja̧'a̧nä̧, ttümä̧ jä'epäjisä, kua̧'kua̧ ku̧wȩnä̧rü̧tä̧ juikuächi'ü juiya pä'ü. Ja̧'wa̧nü̧ ja̧'a̧ttü̧ pä'äjita'anü̧ ttüku ppa̧kuä̧cho̧mȩnä̧mä̧, kuawaruwä kuijä̧wa̧tü̧rü̧ ji̧yȩtȩnä̧tä̧ ti̧'chü̧nä̧ jikuäwajä̧.

2 Timoteo 1:9

Dio-mä̧ surojüttü tü̧ji̧pü̧nä̧ ppädinä̧u̧jä̧, ja̧'wa̧nü̧ ppä'ädü umüwäyotü surojü jui'ätü jü̧nä̧ woinä̧u̧jä̧, ujutu adiu jȩtü̧nä̧mä̧kü̧ ja̧'wa̧nü̧ ja̧jü̧ jueimä̧ Dio ä̧kuo̧mȩnä̧ttü̧ kkä̧mä̧dü̧ rȩrü̧jü̧ topü Jesucrito-nä̧ amükuädü uju̧ni̧nü̧'a̧kuä̧ ji̧na̧'a̧.

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

Romanos 15:5

Ja̧'wa̧ta̧nü̧ Dio tta̧mi̧ 'kittächi'ünä'i̧nä̧, usurä temäwomenä̧'i̧nä̧ ro̧ȩkuä̧ i̧sa̧tä̧ iyätukuäku, Crito Jesú ji̧nü̧ta'anü̧ ji̧nä̧ ji̧yȩtȩnä̧tä̧ kuamükuädätukunä̧,

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

Hebreos 9:15

Ja̧'wa̧nü̧ ja̧'a̧ttü̧, Jesucrito-nä̧mä̧ jitä jareünä̧ esekuinü̧nä̧ dodepätüjä̧. Jua'amä̧ wa'arenä̧ 'korujuoächomȩnä̧ ä̧kuo̧mȩnä̧ esekuinü̧ jäwänä̧ kkä̧nü̧ suronä̧ jȩtti̧nü̧ttü̧mä̧ rä'epü ikuäu̧jä̧. Ja̧'wa̧nü̧tä̧ Dio woinä̧u̧mä̧ isopäi'ünä̧tä̧ ttȩmä̧kuo̧tü̧jä̧, i'ko iyatü päinü̧mä̧.

Romanos 15:13

Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.

Romanos 9:11

(Jua'amä̧ ji̧nä̧ uwäpächü juiyäi ji̧na̧'a̧, ji̧nä̧ adiu'i̧nä̧, surojü'i̧nä̧ jȩü̧ juiyäi, jua'amä̧ Dio amükuädü ȩmi̧nü̧'a̧kuä̧ ja̧ pä'ü ji̧na̧'a̧, jȩpü̧ ttü̧jü̧ttü̧mä̧ jo̧ka̧'a̧ Dio amükuädü woü'akuä ja̧ pä'ü ja̧'a̧).

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

Romanos 9:24

Ja̧'wa̧nü̧ ja̧'a̧ttü̧ woinä̧u̧jä̧ Dio-mä̧ suro, judío ttütämä̧kü̧ ja̧'wa̧ta̧nü̧ judío pokotürü'i̧nä̧, jü̧nä̧.

1 Corintios 1:10

Chawaruwä chi̧jä̧wa̧tü̧, Tu̧ru̧wa̧ Jesucrito i̧mi̧nä̧ ukuturu jä'epüsä, o'katoi'ünä̧ ji̧nä̧ ji̧yȩtȩnä̧tä̧ amükuädü jȩ'kuä̧tu̧kua̧ pä'ü, i̧mi̧ku̧nä̧ 'kȩ'i̧pä̧chü̧ amükuädäkuäwä juiyünä̧. Ji̧nä̧ ji̧yȩtȩnä̧tä̧ kka̧ku̧, adiwomȩnä̧ amükuädü jȩpä̧tu̧kui̧.

1 Pedro 4:10

Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.