1 Pedro 4:3 - Nuevo Testamento Uwotjüja

³ Ukutumä̧ rekuo mo̧ro̧ judío pokotü jȩttä̧'i̧jü̧ jȩpi̧nä̧tü̧jä̧ ja̧'wa̧ta̧nü̧ kukuojatuku juoächünä̧tä̧, surojü kkü'kekunä̧tä̧, pä'kärinä̧tä̧, tä̧mä̧'chä̧kuä̧wä̧nä̧tä̧ ja̧'wa̧ta̧nü̧ kkü'käwokü tturuwo juoekuänä̧tä̧ kka̧kui̧nä̧tü̧jä̧.

TÄ̧DO Ä̧CUÄ̧ I̧HUȨNȨ

³ Iso päi'önä Diosrö jerupätö suronä jȩpö̧ jȩttö̧'a̧nö̧, jȩpö̧ ka̧cui̧nä̧tö̧jä̧ recuo ucutu'inä. Ja̧u̧nu̧ suronä ka̧cui̧nä̧tö̧jä̧ ucuturu pä̧huä̧ rö̧jö̧tä̧ jȩpö̧. Ja̧'hua̧ta̧nö̧ cuamönätucu cuamöcuädäu jȩpi̧nä̧tö̧jä̧. Tä̧'ä̧mö̧ kä̧nö̧ huopö ka̧cui̧nä̧tö̧jä̧. Ttu̧mö̧nä̧ adicuä'inä esetö ka̧cui̧nä̧tö̧jä̧.

1 Pedro 4:3 Referans Kwoze

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

Efesios 5:18

Vino isoyattümä̧ tä̧kuä̧mä̧kuä̧wä̧tu̧kuä̧, juoyamä̧ ja̧'a̧tä̧ surojuoepoya; pärokua'attü Epíritu Sa̧tu̧ jäwätä jo̧mȩnü̧ kka̧kuä̧tu̧kui̧.

1 Tesalonicenses 4:5

Dio-rü jerupätü 'kua̧rü̧nä̧mä̧, nä̧tü̧rü̧'i̧nä̧, u̧mä̧tü̧rü̧'i̧nä̧ usäwä oipa'anä̧mä̧ ku̧jä̧tu̧kuä̧.

1 Pedro 1:14

Ukuotäkuäwä i̧tti̧mü̧ jü̧nä̧, Dio-rü ku̧wo̧juä̧tu̧kuä̧kua̧'a̧ ä'kanä̧ kkü'kekuinü̧nä̧mä̧ ku̧jä̧tu̧kuä̧.

Gálatas 5:21

jui'ü ra̧wä̧rä̧kuä̧wä̧'i̧nä̧; tä̧mä̧'chä̧kuä̧wä̧'i̧nä̧, abo 'kuäo'ünä̧ kuäkuäwä'i̧nä̧, ja̧'wa̧ta̧nü̧ jü̧ kkoro jȩä̧'chä̧kuä̧wä̧'i̧nä̧. Mo̧ jidäwinü̧ta'anü̧, jitä'i̧nä̧ ji'äusä, jua̧u̧ jȩpä̧tü̧mä̧ ru̧wa̧ Dio weomȩmä̧ dodettokäkuotü.

Gálatas 5:19

Ttidepä kkü'kekunä̧ kkä̧kuä̧wä̧mä̧, tottünä̧ i̧jȩkua̧'a̧: nä̧tü̧rü̧ jȩä̧'chä̧kuä̧wä̧, surojütä jȩä̧kuä̧wä̧, pä̧wä̧rü̧jü̧nä̧ eseu kkä̧kuä̧wä̧;

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

2 Corintios 12:21

Ja̧'wa̧ta̧nü̧ yȩ'ȩkua̧sä̧ pä'äjita'anü̧ ukuturu do'ächü chichomȩnä̧mä̧, chü̧ä̧nä̧wa̧ Dio-mä̧ ukutu jäwä dä'ä ttudunä̧ jȩü̧'a̧nü̧ wa̧sä̧ pä'ü ja̧'wa̧ta̧nü̧ chajuäu 'kua̧ra̧'a̧ pä'ü, mo̧ suronä̧ jȩ'kui̧nä̧tu̧ku̧mä̧ ji̧nä̧ käkuädi'ätukuoka'a jȩpü̧ ku̧ja̧kuä̧tu̧kua̧'a̧ topü, tti̧rȩkua̧mü̧ pokotüku pä̧wä̧rü̧jo̧mȩnä̧ jȩpä̧'chä̧kuä̧u̧ jȩ'kuä̧tu̧kua̧'a̧ topü.

1 Corintios 12:2

Ukutumä̧ wo̧juä̧tü̧jä̧, Jesucrito-rü kuesetätuku juiyäimä̧ re'teäkuäwinä̧tü̧jä̧ ttü̧ä̧nä̧wo̧tü̧ tta̧'kua̧juä̧ tätäwä o'kanä̧ esetü, ukuoku'i̧nä̧ ukuokuokü o'kanä̧.

Romanos 13:13

Mo̧ro̧ kuettächa'a jä̧'i̧nü̧'a̧nü̧ kuetächätukua, adiwomȩnä̧tä̧ amükuädü. Tu̧kuȩ rü̧ȩnä̧ abo 'kuäo'ünä̧ kuä̧nü̧, tä̧'ä̧mä̧'chü̧mä̧kü̧, nä̧tü̧rü̧ jȩpä̧'chü̧mä̧kü̧, rowäkuäumä̧kü̧, kka̧ra̧ u̧ju̧nä̧rü̧ mȩ'o̧pä̧rü̧mä̧kü̧.

San Marcos 7:22

o'kajuiyünä̧ ttu̧ju̧nä̧ra̧ pä'ü kkü'käwämä̧, yapareäkuäwämä̧, tta̧mü̧nä̧ ukuo teäkuäwämä̧ ja̧'wa̧ta̧nü̧ wo̧juȩku̧nä̧ amükuädäkuäwokümä̧.