1 Pedro 4:2 - Nuevo Testamento Uwotjüja

² Dio-rü pä̧wä̧rü̧jo̧mȩnä̧ tokue'ächomȩbü̧ päi'ünä̧ ü̧jä̧kua̧'a̧nü̧ ttü̧ja̧rü̧ pä̧wä̧rü̧ja̧'a̧ku̧mä̧kü̧.

1 Pedro 4:2 Referans Kwoze

1 Pedro 1:14

Ukuotäkuäwä i̧tti̧mü̧ jü̧nä̧, Dio-rü ku̧wo̧juä̧tu̧kuä̧kua̧'a̧ ä'kanä̧ kkü'kekuinü̧nä̧mä̧ ku̧jä̧tu̧kuä̧.

Efesios 6:6

Kuruwotü tottätukuaku pä'ütämä̧ kuaditätukuä, pärokua'aku Crito umüwäyotü jü̧nä̧, kua̧mi̧ iso'kitukuttü Dio-rü pä̧wä̧rü̧jo̧mȩnä̧ aditätukui.

Romanos 6:11

Ukutu'i̧nä̧ ja̧'wa̧ta̧nü̧ amükuädü kka̧kuä̧tu̧kui̧, ukuotäkuäwokü surojümä̧ wa'ü ikuinü̧ jü̧nä̧tä̧, jitä ku̧ja̧kuä̧tu̧ku̧mä̧ Dio eseunü̧tä̧ kka̧kuä̧tu̧kui̧ Crito Jesú-nä̧.

2 Corintios 5:15

Ja̧'wa̧nü̧ ja̧'a̧ttü̧ Crito-mä̧ o'katoi'ünä̧rü̧ ja̧'a̧tȩ'ü̧ 'korujuo'ächinü̧; a̧'kua̧rä̧tü̧mä̧, jitürütä pä̧wä̧rü̧jo̧mȩnä̧ ttü̧ja̧ku̧ juiya pä'ü, Churutä pä̧wä̧rü̧jo̧mȩnä̧ ttü̧ja̧kua̧ pä'ü.

Efesios 2:3

Ujutu'i̧nä̧ juätü jü̧ta̧'a̧nü̧ o'katoi'ünä̧ jua̧u̧ tidepä kkü'kekunä̧tä̧, tidepä wea'akutä, ujututä tamükuädünä̧ jȩpü̧ kka̧kui̧nä̧tü̧jä̧ ji̧yȩnü̧ mo̧ro̧mä̧. Kkada'kattü päi'ünä̧ pä̧i̧ i̧tti̧mü̧ winä̧tü̧jä̧ kkorotü jü̧ta̧'a̧nü̧.

Romanos 6:2

¡Isokü̧, ja̧'wa̧nü̧mä̧kü̧! ujutumä̧, isopäi'ünä̧ surojünä̧ jȩti̧nü̧mä̧ wa'ü ikuinä̧tü̧jä̧; ja̧'wa̧nü̧ ja̧'a̧ttü̧ surojümä̧ jȩpü̧ kka̧kuo̧ko̧tü̧jä̧.

Efesios 4:17

Ja̧'wa̧nü̧ ja̧'a̧ttü̧ ukuturu pä'üsä, Tu̧ru̧wa̧ i̧mi̧nä̧ jä'epünü̧: täkü, ukutumä̧ Dio-rü esetokotü ttü̧jü̧'a̧nü̧mä̧ ku̧ja̧kuä̧tu̧kuä̧, juätümä̧ ttamu̧kuäda'akutä surojü jȩpü̧ kka̧kuä̧tü̧,

Romanos 14:7

Isopäi'ünä̧ ujutu ta̧'kua̧ra̧'a̧mä̧ ja̧'wa̧ta̧nü̧ wa'ü tikuomȩnä̧'i̧nä̧, ujutu jäwämä̧kü̧ ja̧'a̧; Dí jäwätä ja̧'a̧.

1 Pedro 2:1

Ja̧'wa̧nü̧ ja̧'a̧nä̧, surojümä̧ o'kajuiyünä̧tä̧ ya'okuätukui, yaparetäkuäwä'i̧nä̧, ä'kayättütä jȩä̧'chä̧kuä̧wä̧'i̧nä̧, kkü'käwokü'i̧nä̧ ja̧'wa̧ta̧nü̧ o'kajuiyünä̧ suräjuei wȩnȩ'i̧nä̧.

San Juan 7:17

Ya̧tȩ Dio-rü pä̧wä̧rü̧jü̧ jȩa̧ pä'ütä ja̧'a̧, isopäi'ünä̧ Ttü chu̧wo̧juȩtü̧, Dio-ttü ichü pä'ü wo̧jua̧mä̧ ja̧'wa̧ta̧nü̧ jü̧ juiyüttü'i̧nä̧, churutä pä̧wä̧rü̧jü̧tä̧ wo̧juȩtü̧tó pä'ü wo̧jua̧mä̧.

San Marcos 7:21

Jua'amä̧, ttü̧ja̧ tta̧mi̧ iso'kittütä räopa'a suronä̧ amükuädäkuäwämä̧, nä̧tü̧ku̧'i̧nä̧, u̧mä̧tu̧ku̧'i̧nä̧ jȩä̧'chä̧kuä̧wä̧mä̧, nä̧u̧kuä̧rä̧kuä̧wä̧mä̧, ttü̧ja̧rü̧ kuä'ü ikuäwämä̧,

San Marcos 3:35

isopäi'ünä̧ Dio-rü pä̧wä̧rü̧jo̧mȩnä̧ jȩpä̧tü̧tä̧ ja̧'a̧ isopäi'ünä̧ chü̧jä̧wa̧tü̧mä̧ ja̧'wa̧ta̧nü̧ isopäi'ünä̧ cha̧ju̧mä̧.

1 Juan 2:17

Isopäi'ünä̧ pi̧jä̧mä̧ ja̧'wa̧ta̧nü̧ pi̧jä̧ttü̧ kkü'kekumä̧ o'kajuiyütä beipächa'anä̧; Dio-rü pä̧wä̧rü̧jo̧mȩnä̧ kkü̧mä̧, 'kuäopünä̧tä̧ ü̧jä̧kua̧.

Santiago 1:18

Chutämä̧, ja̧'wa̧nü̧tä̧ pä̧wä̧rü̧ji̧nä̧ku̧, isopäi'ünä̧ wȩnȩnä̧tä̧ kkä̧kuä̧wä̧ i'komä̧ iyinä̧u̧jä̧, uwäbe'inä̧u̧ttü̧ ä̧kuo̧mȩnä̧ u̧wä̧ju̧ wotüta pä'ümä̧.

Hebreos 13:21

surojü juikuätukunä̧, adiwotü kuätukunä̧tä̧ pärotü ikuätukuäku, Churutä pä̧wä̧rü̧jü̧tä̧ adiu o'kajuiyünä̧ jȩ'kuä̧tu̧kuä̧kua̧'a̧nü̧ Jesucrito-nä̧; ¡Jua̧u̧ Crito-rütä gloria pättümä̧, 'kuäopünä̧tä̧ iyäwäkua'a! Amȩ́.

1 Tesalonicenses 5:18

Jü̧mä̧ o'kajuiyünä̧ Dio-rü esewätukui. Isopäi'ünä̧ jua̧u̧ ja̧'a̧ Dio-rü pä̧wä̧rü̧jü̧mä̧, Crito Jesú-ru kuesetinä̧tu̧kua̧'a̧ttü̧.

Colosenses 1:9

Ja̧'wa̧nü̧ ja̧'a̧ttü̧ ujutumä̧, tä̧ju̧kui̧nü̧tä̧ päi'ünä̧, Dio-rü ukuokuätüjä̧ kätädi'oka'a ukuturumä̧, 'kuäopünä̧ Dio-rü jä'epätüjä̧ churutä pä̧wä̧rü̧jü̧ u̧wo̧juȩtä̧tu̧kua̧ku̧ pä'ü ja̧'wa̧ta̧nü̧ wo̧juä̧wä̧'i̧nä̧ o'kajuiyünä̧ iyätukuaku pä'ü Epíritu Sa̧tu̧ üjü'komȩnä̧.

Efesios 5:17

Amükuädäkuäwä jui'ätü jȩttü̧'a̧nü̧mä̧ jȩ'kuä̧tu̧kuä̧; Dio-rü pä̧wä̧rü̧jü̧tä̧ amükuädü jȩpä̧tu̧kui̧.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

Romanos 7:4

Ja̧'wa̧ta̧nü̧ ja̧'a̧ chawaruwä chü̧jä̧wa̧tü̧ ukutu'i̧nä̧, Crito-rü kuiyäwätukuomȩnä̧mä̧, jua̧u̧tä̧ku̧ 'korujuo'ächinä̧tü̧jä̧ weäwä wȩnȩttü̧mä̧, kka̧ra̧ wa'arettü tto'ädinü̧ isotü päkui'ätukua pä'ümä̧. Ja̧'wa̧nü̧ jo̧mȩnä̧ u̧wä̧ju̧mä̧ adiwäjuei Dio-rü ȩpü̧ tiyäkuotüjä̧.

San Juan 1:13

Ja̧'wa̧nü̧ ja̧'a̧ttü̧, juätümä̧ pi̧jä̧ ttü̧ja̧ ttukuojanä̧mä̧, ttidepä jäwänä̧mä̧ uwäbe'o̧ko̧u̧ pinä̧tü̧; pärokuä Dio jäwänä̧, Churutä pä̧wä̧rü̧jo̧mȩnä̧ uwäbe'i̧nä̧u̧.

San Mateo 21:31

¿Juätüttü, jä'o weäji jȩpi̧nü̧mä̧, dí ji̧na̧'a̧jä̧ttü̧?, päomȩnä̧: —Ä̧kuo̧mȩnä̧ i̧sa̧ —pä'ü, ädätinä̧tü̧. Ttädätiyäku Jesú-mä̧ päinä̧u̧: —Isopäi'ünä̧ pädäu̧jä̧, Roma-ra̧'a̧ iyäwä pärätä ka̧ka̧tä̧'i̧jä̧tü̧tä̧ ja̧'wa̧ta̧nü̧ nä̧tü̧ u̧mä̧tu̧ku̧ surojuo'ätütä ru̧wa̧ Dio weomȩku̧ ä'kanä̧ dodepätümä̧.

San Mateo 12:50

Isopäi'ünä̧ Chä'o mo̧ro̧jä̧nä̧ kkü̧ üjü'komȩnä̧ jȩpä̧ju̧tä̧ ja̧'a̧ cha̧ju̧ wajumä̧, chijäwaju wajumä̧ ja̧'wa̧ta̧nü̧ chi̧jä̧wa̧ wa̧mä̧.

San Mateo 7:21

O'katoi'ünä̧ chu̧ru̧wa̧, chu̧ru̧wa̧ pätta'anä̧ o'katoi'ünä̧mä̧ mo̧ro̧jä̧ jäwä weomȩmä̧ do'ächokotü ttäkuotü, suro chä'o Dio mo̧ro̧jä̧nä̧ kkü̧ üjü'komȩnä̧ jȩpä̧tü̧tä̧ jä̧kua̧'a̧ do'ächätümä̧.

Colosenses 4:12

Kui̧rȩjä̧tu̧ku̧ i̧sa̧, Crito-rü esetü, yaboku Dio-rü pä̧wä̧rü̧jo̧mȩnä̧ kui̧'chä̧tu̧kua̧ pä'ü Dio-rü ukuokuä'ijü, Epafra'i̧nä̧ ukuturu te'äu.

Colosenses 3:3

Isopäi'ünä̧ ukutumä̧ 'korujuo'ächinä̧tü̧jä̧ ja̧'wa̧nü̧ ja̧'a̧nä̧ Crito-nä̧ dajäwinä̧tü̧jä̧ Dio jäwättümä̧.

San Mateo 20:4

Juätürü pä'inü̧; chi'ätta uwa pättara̧'a̧ aditäjätukui, jua'akumä̧ mikuäwächünä̧ jo̧mȩ chi̧mi̧tä̧kuä̧u̧jä̧; pä̧u̧mä̧ aditü 'chi̧nä̧tü̧.