1 Pedro 4:16 - Nuevo Testamento Uwotjüja

¹⁶ Crito-rü esetinomȩttü̧ usurä ȩmä̧u̧mä̧, udäpeku juiyü'anü̧ ja̧'a̧, ttudäpekuajueimä̧ Dio i̧mi̧ ȩpü̧tä̧ eseu.

TÄ̧DO Ä̧CUÄ̧ I̧HUȨNȨ

¹⁶ Ya̧tȩ Diosrö esetö kä̧nö̧ ubara ttuttumä, yoröiso dä'äcuocö pa̧ji̧. Dios i̧mi̧nä̧ eseta'attö, Diosrötä esehuäcua'a̧nö̧.

1 Pedro 4:16 Referans Kwoze

Filipenses 1:29

Isopäi'ünä̧ Dio-mä̧ ukuturu adiwä juei iyinü̧, suro Crito-rü kuesetätukua pä'ütämä̧kü̧, Jua̧u̧ jäwänä̧ usurä kuȩmä̧wä̧tu̧kua̧ pä'ü'i̧nä̧, iyinä̧u̧jä̧.

1 Pedro 4:19

Ja̧'wa̧nü̧ ja̧'a̧nä̧ Dio-rü pä̧wä̧rü̧jo̧mȩnä̧ usurä ȩmä̧wä̧tü̧mä̧, yabonü̧tä̧ adiu jȩtta̧ pä'ü ja̧'a̧, tta̧'kua̧rü̧mä̧ uwäbe'inü̧ Dio u̧mü̧nä̧tä̧ iyü kku̧nu̧, jua̧u̧mä̧ adiwomȩnä̧tä̧ jȩä̧kua̧'a̧nü̧.

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

Hechos 5:41

Ja̧'wa̧nü̧ ja̧'a̧ juätü ruwotüttü rä'opächü, apótore-mä̧ eseäkuäwinä̧tü̧ Jesú i̧mi̧nä̧ usurä ȩmä̧jä̧'kotü.

Filipenses 1:20

Ja̧'wa̧ta̧nü̧ rü̧ȩnä̧ tta̧'ä̧rü̧sä̧, Dio-mä̧ suronä̧ chü̧ji̧pü̧nä̧mä̧ ja̧'a̧tä̧ tookä̧kua̧sä̧ pä'ü; pärokua'akutä jua̧u̧ ja̧jü̧ jueimä̧ Crito-mä̧ ji̧yȩnä̧tä̧ uruwo i̧jȩpä̧kua̧ chidepänä̧mä̧, cha̧'kua̧ra̧ja̧ pä'ü'i̧nä̧, 'korujuodächaja pä'ü'i̧nä̧, jü̧nä̧.

Hechos 26:28

Agripa-mä̧ ädätinü̧: —Crito-rü chesetü'anü̧ päi'ünä̧ kukuokuäkusä.

Hechos 11:26

Ja̧'wa̧nü̧ ja̧'a̧, juorü igresia jü̧nä̧ wotükumä̧, ya'ute año jo̧mȩnä̧ kka̧kui̧nä̧tü̧, rekuätürü wo̧juȩtü̧; Juorü Antioquía-ttü ji̧na̧'a̧, ä̧kuo̧mȩnä̧ Jesucrito-rü esetätürü, critiano pä'ü ottina̧'a̧mä̧.

Hechos 28:22

Ja̧'wa̧nü̧ ja̧'a̧nä̧ ukuttütä tä̧ju̧kua̧ pä'ätüjä̧, jua̧u̧ tü'kü toku päkuaja pä'ü. Pi̧jä̧ pa̧ja̧kuä̧chü̧nä̧ ukuowa'a ä̧ju̧kuä̧tü̧jä̧, jua̧u̧ jareünä̧ esetäkuäwä ttü̧ja̧ ttüjü'koka'a ttukuokua'amä̧.

Santiago 2:7

¿Juätütämä̧ jo̧ka̧ jä̧'i̧ja̧'a̧ tu̧ru̧wa̧ adiwä i̧mi̧nä̧ ukuturu jä'epinü̧rü̧ suronä̧ ukuokuä'ijätümä̧?

1 Pedro 2:12

Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

1 Pedro 4:14

Ukuturu eseäkuäwä kka̧'a̧, Crito jäwänä̧ suronä̧ pättä'chäkurumä̧, jua'amä̧ ukuo'i̧nä̧ Dio a̧'kua̧rü̧ i̧sa̧'i̧nä̧ ukutunä̧ ü̧ja̧'a̧ttü̧.