1 Pedro 4:13 - Nuevo Testamento Uwotjüja

¹³ Ja̧'wa̧nü̧ ja̧jü̧jueimä̧ esewätukui Crito usurä ȩmä̧winü̧nä̧ usurä kuȩmä̧wä̧tu̧kuo̧mȩnä̧mä̧, ja̧'wa̧ta̧nü̧ eseäkuäwä jo̧mȩnü̧ jä̧kua̧'a̧nü̧ uruwo i̧jȩpo̧mȩnä̧.

TÄ̧DO Ä̧CUÄ̧ I̧HUȨNȨ

¹³ Pärocua'acu, Cristo ubara ttuhuinö'a̧nö̧ ubara ttu'u, cua̧'cua̧ tta̧cu̧huȩcuä̧tu̧cuo̧mȩnä̧, Cristo ichö mo̧ro̧ rö̧ȩnä̧ cuesehuätucuäcua'a amöcuädö esehuäcuähuätucui.

1 Pedro 4:13 Referans Kwoze

Romanos 8:17

Ja̧'wa̧nü̧ i̧tti̧mü̧ ta'amä̧, iya päinü̧mä̧ tiäremä̧ tȩmä̧kuo̧tü̧jä̧ ja̧'wa̧ta̧nü̧ Crito üäremä̧ ujutu'i̧nä̧ tüäre ja̧'a̧, chutäku usurä tȩmä̧u̧ttü̧mä̧, chutäku uruwonä̧ iyäwi'äkuä̧u̧jä̧.

Romanos 5:3

Suro jua̧u̧tä̧mä̧kü̧, usurä tȩmä̧kuä̧wa̧'a̧'i̧nä̧ esewätüjä̧, jua̧u̧ usurä ȩmä̧wä̧kuä̧wä̧mä̧, tta̧'a̧rü̧ weye wotünä̧ ppädü pä'ü tu̧wo̧jua̧'a̧ttü̧;

Filipenses 3:10

Ja̧'wa̧ta̧nü̧ Jua̧u̧ru̧ chu̧wo̧jua̧ pä'ü'i̧nä̧, wa'arettü ttoächäkuäwä ujuru chu̧wo̧jua̧ pä'ü'i̧nä̧, Ja̧'wa̧ta̧nü̧ Ubara ttuinü̧ta̧'a̧nü̧ ubara ttuda pä'ü'i̧nä̧ pä'üsä; Ja̧'wa̧ta̧nü̧ Chutä 'korupäi'inü̧ta̧'a̧nü̧'i̧nä̧ 'korujuodächa pä'üsä,

2 Corintios 1:7

Ja̧'wa̧nü̧ ja̧'a̧ttü̧, ukuturumä̧ jueünä̧tä̧ tesetünä̧ jä̧u̧jä̧, jua'amä̧ ujututäku yo̧mȩtȩnä̧ usurä kuȩmä̧wä̧tu̧ku̧ta̧'a̧nü̧, jua̧u̧ a̧'u̧ ttukuätuku'i̧nä̧ jȩpü̧ i̧kuä̧kuä̧u̧jä̧ pä'ü.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

2 Corintios 4:10

Ti̧'cho̧mȩ pünä̧mä̧, 'kuäopünä̧tä̧ Jesú 'korujuo'ächü usurä ȩmä̧wi̧nü̧ta'anü̧, usurä ȩmä̧wä̧tü̧jä̧ ja̧'wa̧nü̧ ja̧'a̧ttü̧, Jesú-ru tukuotomȩnä̧, wa'are tü'küdä̧u̧jä̧. Jua'amä̧ ujutunä̧'i̧nä̧ Jesú a̧'kua̧rü̧ i̧jȩkuä̧cha̧ pä'ü.

2 Timoteo 2:12

Usurä tȩmä̧u̧ ta̧mi̧ 'kitächi'üttümä̧, ujutu'i̧nä̧ chutäku ruwo wetäkuotü̧jä̧; Täppü̧tä̧rü̧ttü̧mä̧, chutä'i̧nä̧ ji̧yȩta̧'a̧kuä̧ ä̧ppü̧tä̧rä̧kuä̧u̧jä̧;

2 Corintios 4:17

Isopäi'ünä̧ pi̧yȩ pi̧jä̧nä̧ttü̧ jurunä̧tä̧ usurä tȩmä̧u̧mä̧, jua̧u̧ttü̧tä̧ Dio-mä̧ i̧yä̧kuä̧u̧jä̧ beipokü adiwä jueimä̧;

Hechos 5:41

Ja̧'wa̧nü̧ ja̧'a̧ juätü ruwotüttü rä'opächü, apótore-mä̧ eseäkuäwinä̧tü̧ Jesú i̧mi̧nä̧ usurä ȩmä̧jä̧'kotü.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 5:12

Eseutä eseäkuäwätukui, jua'amä̧ mo̧ro̧jä̧ra̧'a̧ttü̧ rü̧ȩnä̧ jü̧ premio pättü kuȩmä̧tü̧kuä̧kua̧'a̧ttü̧; ja̧'wa̧ta̧nü̧ ukuturu jü̧ta̧'a̧nü̧ usinä̧tü̧ suronä̧ jȩtta̧ pä'ümä̧, kuä'kojituku kka̧kui̧nä̧tü̧ profeta-rü'i̧nä̧.

1 Pedro 1:13

Ja̧'wa̧nü̧ ja̧'a̧ttü̧, jo̧mȩnü̧ wo̧jä̧wä̧nä̧ 'ka̧tä̧wi̧'ü̧ kka̧kuä̧tu̧kui̧, ja̧'wa̧ta̧nü̧ jo̧mȩnü̧ tta̧'a̧rü̧ kka̧kuä̧tu̧kui̧ Jesucrito ichomȩnä̧mä̧ mipponä̧ iyäwä i'chächü iyäkuotüjä̧.

Hechos 16:25

Ja̧'wa̧nü̧ ja̧'a̧ yodó kkä'ko päi'omȩnä̧, Pauru-rü'i̧nä̧, Sira-rü'i̧nä̧ Dio-rü ra̧wä̧wä̧ ra̧tta̧'a̧ ä̧ju̧kui̧nä̧tü̧, kkorotü juȩnȩ kärenä̧ pȩjä̧tü̧mä̧.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

San Mateo 25:31

Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.

San Mateo 25:23

Jua̧u̧ru̧ u̧ru̧wa̧mä̧ pä'inü̧: Juiyo adiwa'a, adiu adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, rü̧ȩnä̧ chiyäkujä̧ kuadita pä'ümä̧. Do'ächi ttüku kuesewa.

San Mateo 25:21

Jua̧u̧ru̧ u̧ru̧wa̧mä̧ pä'inü̧: Juiyo adiwa'a, adiu adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, rü̧ȩnä̧ chiyäkujä̧ kuadita pä'ümä̧. Do'ächi ttüku kuesewa.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

San Lucas 17:30

Ja̧'wa̧nü̧ jä̧kua̧'a̧ ubo I̧tti̧ i̧jȩkuä̧chü̧ mo̧ro̧mä̧.

San Marcos 8:38

Ja̧'wa̧nü̧ ja̧'a̧ttü̧ ya̧tȩ ttü chütü'kü'i̧nä̧, chi̧wȩnȩ'i̧nä̧, pitü ukuotokotü, suronä̧ jȩpä̧tü̧ ttü̧ja̧ ttä'ka jo̧mȩttü̧ udäpekuttümä̧ ja̧'wa̧nü̧ jü̧ta̧'a̧nü̧ Ttü Ubo I̧tti̧'i̧nä̧ chä'o uruwoku, á̧gȩrȩ-ku̧ chichomȩnä̧ chüdä̧pȩkuä̧kua̧sä̧ jua̧u̧rü̧mä̧.

Romanos 8:18

Ja̧'wa̧ta̧nü̧ jitä mo̧ro̧ ubara ttu'u usurä tȩmä̧u̧mä̧, Dio i̧yä̧kuȩku̧ pa̧ja̧tü̧ totüttümä̧, kkara'a abo kki̧'ü̧ ja̧'a̧, to̧tä̧kuȩmä̧ u̧wä̧mȩnä̧ jü̧ ja̧'a̧ttü̧.

2 Corintios 1:5

Jesucrito usurä ȩmä̧wi̧nü̧ta'anü̧ ujutu'i̧nä̧ usurä ȩmä̧wä̧tü̧jä̧; ja̧'wa̧ta̧nü̧ Jesucrito-nä̧tä̧ ja̧'a̧ a̧'u̧ ttutä'ijü aditü ikua'amä̧.

1 Pedro 2:21

Pi̧yȩtä̧ pätetü Dio-mä̧ woinä̧u̧jä̧, täkü Crito-mä̧ ukutunä̧ usurä ȩmä̧wi̧nü̧, jȩi̧nü̧'a̧kuä̧ jȩ'kuä̧tu̧kua̧ pä'ü iyipümä̧.

Judas 1:24

Chutä Dio ya̧tȩrü̧tä̧, ra̧wä̧pi̧jü̧ku̧ ma̧kuä̧chä̧tu̧ku̧ juiyünä̧ tta̧'ä̧rü̧rü̧, rü̧ȩnä̧ eseu gloria pättü kko̧mȩ ukuturu i̧jȩpü̧rü̧,