1 Pedro 4:10 - Nuevo Testamento Uwotjüja

¹⁰ Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.

TÄ̧DO Ä̧CUÄ̧ I̧HUȨNȨ

¹⁰ Dios ucuturu iyö ppädinö ta'anö, korotörö ppä'ädö ka̧cuä̧tu̧cui̧. Koro juäi tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, tta̧'ä̧rä̧tu̧cui̧ Dios adihuä juäi iyömä.

1 Pedro 4:10 Referans Kwoze

San Marcos 10:45

Isopäi'ünä̧, ubo I̧tti̧'i̧nä̧ umüwäyotü u̧ju̧nä̧ra̧ pä'ümä̧ ichokü pinü̧ pärokua'aku ttu̧mü̧wä̧ya̧ jü̧nä̧tä̧ ichinü̧, rekuätürü ppä'ädü, a̧'kua̧rü̧ iyäutä.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

1 Corintios 3:10

Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.

Efesios 4:11

Jua̧u̧tä̧ ji̧na̧'a̧, jȩttü̧'a̧nü̧ jü̧ iyinü̧mä̧, yotüterümä̧ apótore tta pä'ü'i̧nä̧, kkorotürümä̧ profetas tta pä'ü'i̧nä̧; kkorotürümä̧ jareü wȩnȩ jiäkuäwä isotü tta pä'ü'i̧nä̧; kkorotürümä̧ patóre tta pä'ü'i̧nä̧ ja̧'wa̧ta̧nü̧ kkorotürümä̧ wo̧juȩkuä̧ isotü tta pä'ü'i̧nä̧, jü̧nä̧.

Romanos 15:27

Jua'amä̧ jitütä eseu amükuädü jȩpä̧jä̧tü̧, isopäi'ünä̧ ja̧'wa̧nü̧ jȩtta̧ pä'ütä ja̧'a̧. Judío Crito-rü esetätümä̧ judío pokotürü epíritu jäwä ttiyina̧'a̧ttü̧, pärokua'aku'i̧nä̧ iweye ttu̧ju̧nä̧rü̧nä̧ Crito-rü esetätü judío-rü ppättäda pä'ü ja̧'a̧.

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

1 Corintios 4:7

Ja̧'wa̧nü̧ ja̧'a̧ttü̧ ¿Díjä̧ttü̧ ukuru, kkorotüttü'i̧nä̧ abonä̧nü̧ kua pä'ü iyinü̧mä̧? ¿Ja̧'wa̧ta̧nü̧ däjetäjä̧ttü̧ ukuru Dio iyokü ji̧nü̧mä̧? Jua̧u̧ o'kajuiyünä̧ Dio-tä iyinü̧ttü̧mä̧, ¿Tta̧'a̧nü̧ pä'ü kua̧mü̧nä̧ pa̧ja̧tü̧ ku̧'o̧kui̧'i̧nü̧ 'kua̧rü̧nä̧ ukuo te'äkuäujä̧ttü̧?

San Lucas 19:13

Ja̧'wa̧nü̧ 'chä̧nü̧ kkä̧nü̧ u̧mü̧wä̧yotürü wopo'ü, pärätämä̧ to̧mü̧rȩ jäwä jo̧mȩnä̧ iyü päinä̧u̧: Pi̧yȩ pärätämä̧ rü̧ä̧chü̧nä̧ aditätukui, ppa̧dä̧chomȩbü päi'ünä̧.

San Lucas 8:3

Ja̧'wa̧ta̧nü̧ Herode iare pärätä tta̧wä̧rä̧kuä̧wä̧ i̧sa̧, Chuza irekua Juana'i̧nä̧ ji̧na̧'a̧; ja̧'wa̧ta̧nü̧ Susana'i̧nä̧; ja̧'wa̧ta̧nü̧ kkorotü nä̧tü̧'i̧nä̧ rekuinä̧tü̧ ttu̧ju̧nä̧rü̧nä̧ Jesú-ru iyü ppä'ädä̧rä̧tü̧mä̧.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

Romanos 15:25

Ja̧'wa̧nü̧ ja̧'a̧nä̧, jitätämä̧ Jerusarȩ́-ra̧'a̧ 'chü̧sä̧, tawaruwä tü̧jä̧wa̧tü̧rü̧ ppädäkuäwä ttiyäji ȩpü̧ 'chä̧nü̧.

San Mateo 25:44

Ja̧'wa̧nü̧ pä̧u̧, ttädätäkuotü: Chu̧ru̧wa̧ ¿Ti̧yȩnü̧ ppäittukua'anämä̧, kuawa a̧di̧ri̧ja̧'a̧nä̧mä̧, kko̧ro̧jä̧ra̧'a̧ kuekuächa'anä̧mä̧, kui̧ä̧rȩta̧ juikua'anä̧mä̧, na̧kuä̧cha̧'a̧nä̧mä̧, kärenä̧ ku̧'a̧'a̧nä̧mä̧ ppätädokoku kuinä̧ttü̧?

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

2 Timoteo 1:18

Tü̧ä̧nä̧wa̧tä̧ ji̧yȩnü̧ mo̧ro̧ rȩrü̧jü̧ toäkuäwä ü̧'o̧kui̧'ü̧nä̧ ppä̧dä̧kua̧. Täkü ukumä̧ wo̧jua̧jä̧, Onesíforo ujuturu Éfeso ütawiyättü ppädinü̧mä̧.

San Mateo 24:45

¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

San Mateo 24:14

Ja̧'wa̧ta̧nü̧ pi̧yȩ jareünä̧ weü wȩnȩmä̧ pi̧jä̧ o'kajuiyünä̧ jiäkuä̧wä̧kuȩ, pi̧jä̧ ttü̧ja̧ o'katoi'ünä̧ ttu̧wo̧jua̧ pä'ü; ja̧'wa̧nü̧ jü̧ o'ka'a pi̧jä̧mä̧ beipächäkua'a.

2 Corintios 9:1

Ja̧'wa̧ta̧nü̧ tawaruwä tü̧jä̧wa̧tü̧rü̧ iyäwä ofrenda ka̧ka̧kuä̧mä̧, ukuturu jidäwa pä'ümä̧ rekuä rü̧jo̧ka̧'a̧;

San Mateo 24:21

Isopäi'ünä̧ rü̧ȩnä̧ usurä ȩmä̧kuä̧wä̧, pi̧jä̧ uwäbe'inomȩttü̧ kkä̧mä̧dü̧ jitä mo̧ro̧bü päi'ünä̧ jo̧kü̧ jä̧'i̧jü̧, yodoji'i̧nä̧ jo̧kü̧ jä̧kuȩ 'kuäopäkua'a.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

San Mateo 25:17

Jua̧u̧ jä̧ji̧ta̧'a̧nü̧ dos mil-nü̧ jo̧mȩnä̧ ȩmi̧nü̧ päjimä̧, kkoro yabonä̧nü̧ dos mil jo̧mȩnä̧ ȩmi̧nü̧.