1 Pedro 3:9 - Nuevo Testamento Uwotjüja

⁹ Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.

TÄ̧DO Ä̧CUÄ̧ I̧HUȨNȨ

⁹ Ucuturu suronä jȩtto̧mȩnä̧, ppa̧'ä̧dö̧ jȩcu̧'ä̧tu̧cuä̧'. Ja̧'hua̧ta̧nö̧ ucuturu ra̧huä̧rä̧'chö̧ huottomenä, ppa̧'ä̧dö̧ huocu'ätucuä'. Pärocua'acu ttö̧ra̧huä̧ro̧mȩnä̧, adiunätä jȩpä̧tu̧cui̧tö̧. Dios ucuturu ppäda pä'ö huoinä̧u̧jä̧.

1 Pedro 3:9 Referans Kwoze

Romanos 12:17

Ya̧tȩ ukuru suronä̧ jȩo̧mȩnä̧, pärokua'aku mikuä suronä̧ jȩ'kuä̧rü̧; adiutä jȩ'kuä̧tu̧kua̧ usätukui kkorotü o'katoi'ünä̧ ttü̧ja̧ ttä'ka jo̧mȩttü̧mä̧.

Romanos 12:14

Ukuturu suronä̧ jȩtta̧ pä'ü amükuädätürü, adiutä pä'ätukuitü. Suronä̧mä̧ päkuätukuätü.

1 Tesalonicenses 5:15

Ya̧tȩ suronä̧ jȩo̧mȩnä̧, pärokua'aku suronä̧ jȩa̧'a̧nä̧ ja̧'a̧tä̧ to'kuätukuä. Pärokua'aku adiutätä jȩpä̧tu̧kui̧, kkorotürü'i̧nä̧, o'katoi'ünä̧ku̧tä̧.

San Mateo 5:44

Ja̧'wa̧nü̧ ja̧'a̧nä̧ ukuturumä̧ pä'üsä: Kuaboiyotürümä̧ re kka̧kuä̧tu̧kui̧ ja̧'wa̧ta̧nü̧ ukuturu suronä̧ jȩtta̧ pä'ü usätürü, Dio-rü ukuokuätukui.

Efesios 4:32

Pärokua'aku, rettü ppä'ädütä, mikuä suronä̧ päkuätukuoka'a unichi'ütä, suronä̧ jȩ'kuä̧'i̧jä̧tu̧ku̧ u̧ni̧chi'ü, Dio Crito-nä̧ unichi'inüta'anü̧ jȩpü̧ kka̧kuä̧tu̧kui̧ ukutu'i̧nä̧.

San Mateo 5:39

Ja̧'wa̧nü̧ ja̧'a̧nä̧ ukuturu pä'üsä: Ukuru suronä̧ jȩü̧ttü̧mä̧, mikuämä̧ jȩ'kuä̧rü̧; ja̧'wa̧nü̧ ja̧jü̧ jueimä̧ kui'ebaba ku̧wo̧jua̧'a̧ku̧nä̧ 'tauttümä̧, pätekua'anä̧ iyäwirü.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

Hebreos 6:14

pä'inü̧: «Isopäi'ünä̧, ukuru adiu ppädä̧dä̧kua̧jä̧, rekuätü kui̧tti̧mü̧rü̧ yokuäwächünä̧.»

San Lucas 18:18

—Wo̧juȩkuä̧ i̧sa̧, adiwä i̧sa̧jä̧, ¿Däjetä jȩcha̧'a̧jä̧ttü̧, kkä̧kuä̧wä̧ i'ko chu̧ju̧nä̧ra̧ pä'ümä̧?

San Lucas 10:25

—¿Weäwä wȩnȩ wo̧juȩkuä̧ i̧sa̧, däje jȩpü̧tä̧, kkä̧kuä̧wä̧ i'komä̧ chȩmu̧'a̧nü̧ttü̧?

San Mateo 19:29

Ja̧'wa̧ta̧nü̧ ttü jäwänä̧ o'katoi'ünä̧rü̧, ojusode'i̧nä̧, ü̧jä̧wa̧tü̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, ü'ättiyu'i̧nä̧ kku̧ni̧pi̧nü̧mä̧ ciȩnü̧ jo̧mȩttü̧'i̧nä̧ yabonä̧ ȩmü̧kkä̧nü̧, kkä̧kuä̧wä̧ i'ko'i̧nä̧ ȩmä̧kua̧.

Romanos 8:30

Ja̧'wa̧nü̧ ä'kanä̧ jo̧mȩnü̧ jȩi̧nä̧u̧ru̧mä̧, juätürütä wopinü̧; juätü woinä̧u̧ru̧mä̧, adiwä isotütä päi'ünä̧ pärotü ikuinä̧u̧; ja̧'wa̧ta̧nü̧ adiwä isotütä päi'ünä̧ ü'ärotinä̧u̧ru̧mä̧ chutä üadiwä iyinä̧u̧.

San Marcos 10:17

Ja̧'wa̧nü̧ ja̧'a̧ Jesú mä̧nä̧nä̧ i̧'cho̧mȩnä̧, ya̧tȩ jopipü ichi'ü, ä'kajo̧mȩ iwe'kiyunä̧ kkä̧mä̧dü̧ jä'epü ä̧ju̧kui̧nü̧: —Chu̧ru̧wa̧ adiwä i̧sa̧, ¿däjetä jȩchü̧'a̧nü̧ttü̧ kkä̧kuä̧wä̧ i'ko chu̧ju̧nä̧ra̧ pä'ümä̧?

Gálatas 3:14

Ja̧'wa̧nü̧ ja̧'a̧ttü̧, Jesucrito-nä̧tä̧ Abraha̧-rü̧, Dio iya päinü̧ adiwä jueimä̧ judío pokotürü'i̧nä̧ rȩbȩä̧kuä̧wi̧na̧'a̧. Ja̧'wa̧nü̧ jo̧mȩttü̧, ta̧'kua̧ tu̧wȩnä̧ro̧mȩnä̧mä̧, Dio iya päinä̧ku̧ Epíritu Sa̧tu̧rü̧ ȩmä̧tü̧jä̧.

Hebreos 12:17

Ukutumä̧ wo̧juä̧tü̧jä̧ ja̧'wa̧nü̧ ji̧nü̧ o'ka'a, jä'o mȩ'ü̧ ukuokuarü pä'ümä̧ usa'anä̧, iyäwi'okoku pinü̧; rü̧ȩnä̧ ajuäkuäu jäepa'anä̧, ppa̧wä̧dä̧kuä̧wa̧ pä'ümä̧ juiyina̧'a̧.