1 Pedro 3:8 - Nuevo Testamento Uwotjüja

⁸ Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.

TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧ttö̧ o'ca toi'önä korotöcu eseunu cua̧'cua̧ tta̧nö̧ jö̧nä̧ ji̧nä̧ yo̧mȩtȩ amöcuädö ka̧cuä̧tu̧cui̧, tö̧jä̧hua̧tö̧rö̧ repetö ta'anö, repe'önö kä̧nö̧. Eseäcuähuätucui. Usurä isotö ttö̧ja̧cu̧'a̧nö̧ ka̧cuä̧tu̧cui̧.

1 Pedro 3:8 Referans Kwoze

Romanos 12:10

Yotukunä̧mä̧ ttü̧jä̧wa̧tü̧rü̧ eseu repettü'anü̧, eseu repe'äkuäwätukui; yotukunä̧ ukuotäkuäu kkä̧nü̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Efesios 4:31

Ikuäwi'ätukui kurowetuku'i̧nä̧, ku̧'ä̧i̧tu̧ku̧'i̧nä̧, suronä̧ wo'kuäkuäwätuku'i̧nä̧, ja̧'wa̧ta̧nü̧ surojüttümä̧ o'kajuiyütä.

Santiago 3:17

Ja̧'wa̧nü̧ ja̧'a̧nä̧ wo̧juä̧wä̧ Dio-ttü ichü kku̧nä̧rä̧tü̧mä̧, surojümä̧ jȩpo̧ko̧tü̧; ja̧'wa̧nü̧ ja̧jü̧jueimä̧ rowäwäkuäwä juiyünä̧ kkä̧kuä̧wä̧tä̧ usätü, ukuotätü, ja̧'wa̧ta̧nü̧ kkorotürümä̧ rȩrü̧jü̧nü̧ topätü, usurä ttȩmä̧u̧ jitütäku usurä ȩmä̧wä̧tü̧, ja̧'wa̧ta̧nü̧ 'kuäopünä̧tä̧ ttü̧ja̧rü̧mä̧ o'katoi'ünä̧rü̧ yoräteunä̧ adiu jȩpä̧tü̧, juätü ja̧'a̧ isopäi'ünä̧ Dio-rü esetinä̧tü̧mä̧.

Efesios 4:2

Ukuo tekuäwätukuoka'a, kurowäwätukuoka'a, kua̧mi̧ 'ki'ächi'ü, eseunu̧ repe'äkuäu ppä'ädäkuäwätukui;

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

1 Corintios 12:26

Ja̧'wa̧nü̧ jü̧ta̧'a̧nü̧ ja̧'a̧, ji̧yȩtȩ jua̧u̧nä̧ todewäji usurä ȩmä̧wo̧mȩnä̧mä̧, o'kajuiyünä̧ jua̧u̧ttü̧ todeumä̧ usurä ȩmä̧wa̧'a̧ ja̧'wa̧ta̧nü̧ ji̧yȩtȩ jua̧u̧ttü̧ todeunä̧ adiwä juei 'kuäopomȩnä̧mä̧, o'kajuiyünä̧ adiunä̧tä̧ ja̧'a̧.

San Mateo 18:33

Uku'i̧nä̧ rȩrü̧jü̧nü̧ to'kua pä'ü jä̧ja̧'a̧ chuku kuaditä'ijäkurumä̧, ttü'i̧nä̧ ukuru rȩrü̧jü̧ tochinüta̧'a̧nü̧.

1 Juan 3:14

Ujutumä̧ wo̧juä̧tü̧jä̧, wa'arettümä̧ a̧'kua̧rä̧kuä̧wä̧ra̧'a̧ku̧ 'kuä'o'inä̧tü̧jä̧ pä'ümä̧; tawaruwä tü̧jä̧wa̧tü̧rü̧ eseu repeta'attü̧. A̧wa̧ru̧wa̧ ü̧jä̧wa̧rü̧ repe'okümä̧ ji̧nä̧ wa'arenä̧tä̧ kkü̧ ja̧'a̧.

1 Corintios 1:10

Chawaruwä chi̧jä̧wa̧tü̧, Tu̧ru̧wa̧ Jesucrito i̧mi̧nä̧ ukuturu jä'epüsä, o'katoi'ünä̧ ji̧nä̧ ji̧yȩtȩnä̧tä̧ amükuädü jȩ'kuä̧tu̧kua̧ pä'ü, i̧mi̧ku̧nä̧ 'kȩ'i̧pä̧chü̧ amükuädäkuäwä juiyünä̧. Ji̧nä̧ ji̧yȩtȩnä̧tä̧ kka̧ku̧, adiwomȩnä̧ amükuädü jȩpä̧tu̧kui̧.

Hechos 4:32

Jesucrito-rü esetätü rekuätü o'katoi'ünä̧ ji̧yȩtȩnä̧tä̧ amükuädinä̧tü̧ ja̧'wa̧ta̧nü̧ ji̧yȩtȩnä̧tä̧ a̧'kua̧ri̧nä̧tü̧. Yotüte ttu̧ju̧nä̧rü̧, ttütä chiäre pättümä̧ juiyina̧'a̧, o'katoi'ünä̧ ttiäre jü̧nä̧tä̧ ji̧na̧'a̧.

1 Pedro 5:5

Ja̧'wa̧ta̧nü̧ ukutu mü̧ä̧yotü'i̧nä̧ igresia-ttü a̧ci̧a̧nu̧tu̧ru̧mä̧ ukuotätukui. O'katoi'ünä̧tä̧ kkorotümä̧ kkorotüku ukuo tekuäwätukuoka'a ukuotätukui, Isopäi'ünä̧: Dio-mä̧ ttukuo te'äkuäwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä adiwäjuei iyü ppä'ädü.

Hebreos 13:1

Eseäkuäu, repe'äkuäu kka̧kuä̧tu̧kui̧, Crito-nä̧ kui̧jä̧wa̧tu̧ku̧ jü̧nä̧.

2 Pedro 1:7

ja̧'wa̧ta̧nü̧ rȩrü̧jü̧ toäkuäwätä ttawaruwäku eseäkuäwära̧'a̧; ja̧'wa̧ta̧nü̧ ttawaruwäku eseäkuäwätä eseunu̧ repeäkuäwära̧'a̧.

1 Pedro 2:17

O'katoi'ünä̧rü̧tä̧ ukuotätükui, kui̧jä̧wa̧tü̧rü̧'i̧nä̧ esewätukui, Dio-rü'i̧nä̧ ye'ekunü̧, Ru̧wa̧ rey-rü'i̧nä̧ ukuotätukui.

Santiago 5:11

Ja̧'wa̧ta̧nü̧ ujutumä̧ usurä ttȩmä̧wa̧'a̧nä̧ ttujuruku tta̧mi̧ 'ki'ächi'ü kka̧kuä̧tü̧rü̧ eseu kka̧kuä̧tü̧ pä'ätüjä̧. Ukutumä̧ Job usurä ȩmä̧wa̧'a̧nä̧ a̧mi̧ 'ki'ächi'ü ü̧ji̧nü̧ wȩnȩ'i̧nä̧, ja̧'wa̧ta̧nü̧ rüjinä̧ ü̧ä̧nä̧wa̧ Dio-mä̧ tta̧'a̧nü̧ jȩpü̧ esekuinä̧ku̧ttü̧ pä'ü'i̧nä̧ ä̧ju̧kui̧nä̧tü̧jä̧, isopäi'ünä̧ tü̧ä̧nä̧wa̧mä̧ rȩrü̧jü̧ toäkuäwä i̧sa̧ ja̧'a̧ttü̧ rȩrü̧jü̧nü̧ topü ppä'ädü.

Santiago 2:13

Ja̧'wa̧ta̧nü̧ kkorotürü rȩrü̧jü̧nü̧ topokotü pä'ijätürümä̧, rȩrü̧jü̧ toäkuäwä juiyünä̧tä̧ ro̧ȩpä̧kuo̧tü̧, ja̧'wa̧nü̧ ja̧'a̧nä̧ rȩrü̧jü̧ toäkuäwä kku̧nä̧rä̧'i̧jä̧tü̧mä̧ Dio ro̧ȩpü̧ mo̧ro̧ adiu rä'opü tteseäkuäwäkuotü.

Filipenses 3:16

Ja̧'wa̧nü̧ ja̧'a̧nä̧, jitü rȩbȩä̧kuä̧wä̧tü̧mä̧, ji̧yȩtȩtä̧ pä'aku jȩpü̧, amükuädü jȩpü̧ tü̧ja̧kuä̧tu̧kua̧.

Romanos 15:5

Ja̧'wa̧ta̧nü̧ Dio tta̧mi̧ 'kittächi'ünä'i̧nä̧, usurä temäwomenä̧'i̧nä̧ ro̧ȩkuä̧ i̧sa̧tä̧ iyätukuäku, Crito Jesú ji̧nü̧ta'anü̧ ji̧nä̧ ji̧yȩtȩnä̧tä̧ kuamükuädätukunä̧,

Hechos 28:7

Juȩnȩ tü'künä̧nü̧mä̧, ya̧tȩ Publio pä'ü mi̧kua̧, juä̧sa̧ kkä'ko i̧sä̧sa̧ttü̧ ukuo i̧sa̧ kki̧nü̧; i'ättiyu kku̧nä̧rü̧, jua̧u̧mä̧ wäbodäkuä mo̧ro̧ jo̧mȩnä̧ do'ädäji'ka̧ ppädinä̧u̧jä̧.

Hechos 27:3

Kkoro mo̧ro̧mä̧ rȩbȩwi̧nä̧tü̧jä̧, Sidón ütawiyänä̧, juorümä̧ su̧ro̧do̧u̧ ttu̧ru̧wa̧ Juriu-mä̧ Pauru-rü ukuotünü̧ jȩpi̧nü̧, jua̧u̧ awaruwä ppättäda'anä̧.

Hechos 2:1

Pentecostés pättü pä'käri pä̧nä̧ päi'omȩnä̧, Jesucrito-rü esetätümä̧ ji̧nä̧ yo̧mȩtȩ ka̧ka̧kuä̧jä̧'kotü ttü̧ja̧kua̧'a̧,

San Lucas 10:33

Ja̧'wa̧nü̧ ja̧'a̧nä̧, ya̧tȩ Samaria ttü̧ja̧sa̧, juä̧mä̧nä̧tä̧ 'kuäopa'a ja̧'a̧, jua̧u̧ru̧ to'omȩnä̧ rȩrü̧jä̧chi̧'i̧nä̧ku̧,

Efesios 4:32

Pärokua'aku, rettü ppä'ädütä, mikuä suronä̧ päkuätukuoka'a unichi'ütä, suronä̧ jȩ'kuä̧'i̧jä̧tu̧ku̧ u̧ni̧chi'ü, Dio Crito-nä̧ unichi'inüta'anü̧ jȩpü̧ kka̧kuä̧tu̧kui̧ ukutu'i̧nä̧.

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.