1 Pedro 3:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧nä̧ yabonä̧ adiu jȩ'kuä̧tu̧kua̧'a̧nä̧'i̧nä̧ usurä ȩmä̧wä̧'i̧jä̧tü̧jä̧, ¡Eseäkuäwä kku̧nä̧rä̧tu̧kui̧! Ya̧tȩrü̧'i̧nä̧ ye'ünü̧mä̧ yekuekui'ätukuä.

TÄ̧DO Ä̧CUÄ̧ I̧HUȨNȨ

¹⁴ Adiu cu̧ja̧cuä̧tu̧cuo̧mȩnä̧'i̧nä̧, ubara ttucuhuätucuttumä, eseunu cu̧ja̧cuä̧cuo̧tö̧jä̧. Ttö̧ja̧rö̧mä̧ yecuhuecuätucuä'.

1 Pedro 3:14 Referans Kwoze

San Mateo 10:28

Ja̧'wa̧ta̧nü̧ kuidepätuku kuä'ü ikurumä̧ yekuekuätukuä, jua̧u̧mä̧ kua̧'kua̧rü̧mä̧ kuä'ü ikuokü; ji̧nä̧somä̧ kua̧'kua̧rü̧ kuä'ü ikuru, kuidepä okurä beipokaränä̧ kuä'ü ikurütä ye'ekuätukui.

2 Corintios 12:10

Ja̧'wa̧nü̧ jo̧mȩnä̧, Crito-rü eseu repeda'attü̧, ji̧yȩtä̧ chijuiyuwuönä̧tä̧ eseusä, suronä̧ pättä'chü̧nä̧, rekuä rü̧jü̧nä̧, suronä̧ jȩtta̧ttü̧ pä'ü ttusunä̧, cha̧'kua̧ tta̧dȩku̧nä̧; ja̧'wa̧nü̧ ja̧'a̧ttü̧ chijuiyuwomȩnä̧mä̧, chujuru kku̧nä̧rü̧sä̧.

Santiago 1:12

Surojü kka̧kuä̧mȩ'a̧'a̧nä̧ ujuruku a̧mi̧ 'ki'ächi'ümä̧ eseäkuäwä u̧ju̧nä̧rä̧kua̧, jua'amä̧ ja̧u̧ 'kuä'o'ü jo̧mȩnü̧ pä'i'ümä̧ Dio rȩpȩä̧u̧ru̧ premio pättü chiyäkua̧sä̧ päinü̧ kkä̧kuä̧wä̧ i'ko ȩmä̧kua̧'a̧ttü̧.

San Juan 14:27

Wȩnȩ juiyünä̧ kkä̧kuä̧wä̧ kku̧ni̧pü̧ chi̧yä̧u̧jä̧; Dio-rü esetokotü ttiyü'anü̧mä̧ chi̧yo̧ko̧u̧jä̧. Kua̧mi̧ iso'kitukunä̧mä̧ yekuekuätukuä.

San Juan 14:1

Kua̧mi̧ iso'kitukunä̧mä̧ kua̧'kua̧ tta̧kuȩkuä̧tu̧kuä̧. Dio-rü esetümä̧ ja̧'wa̧ta̧nü̧ ttürü'i̧nä̧ esetätukui.

San Marcos 10:29

Ja̧'wa̧nü̧ pättäku Jesú-mä̧ ädätinä̧u̧: —Isopäi'ünä̧ pä'üsä ukuturu ya̧tȩ'i̧nä̧ toa'a, ttü jäwänä̧ ja̧'wa̧ta̧nü̧ jareü wȩnȩ jäwänä̧ ojusode'i̧nä̧, ü̧jä̧wa̧tü̧rü̧'i̧nä̧, üjäwaju̧tu̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, idepiyu'i̧nä̧ jaropi'inümä̧,

San Marcos 8:35

Ja̧'wa̧nü̧ ja̧'a̧ttü̧ ya̧tȩ a̧'kua̧rü̧ ü̧ji̧pa̧ pä'ümä̧, toe'ächä̧kua̧; ja̧'wa̧nü̧ ja̧'a̧nä̧ ttü jäwänä̧, a̧'kua̧rü̧ to'e'ächümä̧, a̧'kua̧rü̧mä̧ ü̧ji̧pä̧kua̧.

San Mateo 19:29

Ja̧'wa̧ta̧nü̧ ttü jäwänä̧ o'katoi'ünä̧rü̧, ojusode'i̧nä̧, ü̧jä̧wa̧tü̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, ü'ättiyu'i̧nä̧ kku̧ni̧pi̧nü̧mä̧ ciȩnü̧ jo̧mȩttü̧'i̧nä̧ yabonä̧ ȩmü̧kkä̧nü̧, kkä̧kuä̧wä̧ i'ko'i̧nä̧ ȩmä̧kua̧.

San Mateo 16:25

Isopäi'ünä̧ ya̧tȩ a̧'kua̧rü̧ ü̧ji̧pa̧ pä'ümä̧, toe'ächä̧kua̧ ja̧'wa̧nü̧ ja̧'a̧nä̧ ttü jäwänä̧ a̧'kua̧rü̧ to'e'ächümä̧, a̧'kua̧rü̧ ü̧'o̧kui̧'ä̧kua̧.

1 Pedro 3:6

Sara'i̧nä̧ pa̧'a̧nü̧ winä̧ju̧ Abraha̧-rü̧ ukuotümä̧ «chu̧ru̧wa̧» pä'ü o'inä̧ju̧. Ja̧'wa̧ta̧nü̧ ukutu'i̧nä̧ adiu jȩpü̧ yekuekuäwä juikuätukuttü̧mä̧ juäjutä kki̧tti̧mü̧jä̧.

San Mateo 10:39

A̧'kua̧rü̧ tta̧wä̧rä̧kuä̧wa̧ pä'ü amükuädümä̧, to̧ȩ'ä̧chä̧kua̧ ja̧'wa̧nü̧ ja̧'a̧nä̧ ttü jäwänä̧ to'e'ächümä̧, a̧'kua̧rü̧ ü̧'o̧kui̧'ä̧kua̧.

Filipenses 1:29

Isopäi'ünä̧ Dio-mä̧ ukuturu adiwä juei iyinü̧, suro Crito-rü kuesetätukua pä'ütämä̧kü̧, Jua̧u̧ jäwänä̧ usurä kuȩmä̧wä̧tu̧kua̧ pä'ü'i̧nä̧, iyinä̧u̧jä̧.

San Mateo 10:31

Ja̧'wa̧nü̧ ja̧'a̧ttü̧ yekuekuätukuä: ukutumä̧ ppi̧yu̧ o'katoi'ünä̧ttü̧'i̧nä̧ abonä̧nü̧ mikuäwätüjä̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

Santiago 5:11

Ja̧'wa̧ta̧nü̧ ujutumä̧ usurä ttȩmä̧wa̧'a̧nä̧ ttujuruku tta̧mi̧ 'ki'ächi'ü kka̧kuä̧tü̧rü̧ eseu kka̧kuä̧tü̧ pä'ätüjä̧. Ukutumä̧ Job usurä ȩmä̧wa̧'a̧nä̧ a̧mi̧ 'ki'ächi'ü ü̧ji̧nü̧ wȩnȩ'i̧nä̧, ja̧'wa̧ta̧nü̧ rüjinä̧ ü̧ä̧nä̧wa̧ Dio-mä̧ tta̧'a̧nü̧ jȩpü̧ esekuinä̧ku̧ttü̧ pä'ü'i̧nä̧ ä̧ju̧kui̧nä̧tü̧jä̧, isopäi'ünä̧ tü̧ä̧nä̧wa̧mä̧ rȩrü̧jü̧ toäkuäwä i̧sa̧ ja̧'a̧ttü̧ rȩrü̧jü̧nü̧ topü ppä'ädü.