1 Pedro 3:13 - Nuevo Testamento Uwotjüja

¹³ ¿Dítä jä̧ttü̧ ukutu adiutä jȩ'kuä̧tu̧kuo̧mȩnä̧ suronä̧ jȩü̧'a̧nü̧ wa̧mä̧?

TÄ̧DO Ä̧CUÄ̧ I̧HUȨNȨ

¹³ Ucutu adiu jȩcu̧'ä̧tu̧cu̧ttu̧mä̧, ¿ditäjä̧ttö̧ suronä jȩpa̧ji̧mä̧ ucuturu?

1 Pedro 3:13 Referans Kwoze

1 Tesalonicenses 5:15

Ya̧tȩ suronä̧ jȩo̧mȩnä̧, pärokua'aku suronä̧ jȩa̧'a̧nä̧ ja̧'a̧tä̧ to'kuätukuä. Pärokua'aku adiutätä jȩpä̧tu̧kui̧, kkorotürü'i̧nä̧, o'katoi'ünä̧ku̧tä̧.

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

3 Juan 1:11

Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

1 Corintios 14:1

Eseu repeäkuäwänä̧tä̧ tätukui ja̧'wa̧ta̧nü̧ epíritu jäwä adikuä Dio iyätukuaku usätukui ja̧'wa̧nü̧ ja̧'a̧nä̧, ji̧nä̧somä̧ Dio i̧mi̧nä̧ jiäkuäwätä.

Romanos 13:3

isopäi'ünä̧ ruwo we'ätümä̧ adiu jȩpä̧tü̧rü̧ yettepä'cha pä'ümä̧ pȩjo̧ko̧tü̧, pärokua'aku suronä̧ jȩpä̧tü̧rü̧ to̧ttä̧ra̧ pä'ü wotü. ¿Ruwo we'ätürü yekuekuoka'a ku̧ja̧ pä'üjä̧? adiutä jȩpü̧ kkä̧wi̧ ja̧'wa̧nü̧ jo̧mȩnä̧ ruwotümä̧ ttȩsȩwä̧kua̧jä̧,

Efesios 5:1

Dio i̧tti̧mü̧ kuätukua'attü, Dio jȩü̧mä̧ jȩpü̧ kka̧kuä̧tu̧kui̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.