1 Pedro 3:1 - Nuevo Testamento Uwotjüja

¹ Ja̧'wa̧ta̧nü̧ ukutu tti̧tti̧mü̧ tta̧ju̧tu̧'i̧nä̧, kui̧tti̧mü̧tu̧ku̧ ttä̧'o̧tü̧rü̧ ukuotätukui, yotüte Dio i̧wȩnȩ ttesetü juiyüttü'i̧nä̧, ukutu kukuokuätukuoka'anä̧ ku̧jä̧tu̧ku̧ttü̧ topü ttesetäkua'anü̧,

TÄ̧DO Ä̧CUÄ̧ I̧HUȨNȨ

^1-2 Ucutu'inä nä̧tö̧, cuirecuorö adiu jȩpö̧ ka̧cuä̧tu̧cui̧, ya̧tȩ Dios i̧huȩnȩ esetoca'anä, irecua adiu cuejächa'a topö, esetäcua'a̧nö̧ yajutä kucuocuoca'anä'inä. Adiu kö̧ja̧'a̧ topö, esetäcua'a̧nö̧.

1 Pedro 3:1 Referans Kwoze

Colosenses 3:18

Tti̧rȩkua̧mü̧mä̧ kuirekuotukurumä̧ ukuotätukui, isopäi'ünä̧ pi̧yȩ ja̧'a̧, ukutu Tu̧ru̧wa̧rü̧ esetinä̧tü̧rü̧ weäwi'inü̧mä̧.

Efesios 5:33

Kkoromä̧ ja̧'a̧nä̧, yotukunä̧ repe'ätukui kuirekuamü̧tu̧ku̧ru̧, kua̧mü̧nä̧ pa̧ja̧tü̧ repekuäwätukuta'anü̧, ja̧'wa̧ta̧nü̧ nä̧tü̧mä̧ kuirekuorü ukuotätukui.

1 Corintios 11:3

Ja̧'wa̧nü̧ ja̧'a̧nä̧, ku̧wo̧juä̧tu̧kua̧ pä'üsä, Crito-tä ja̧'a̧ ttü̧ja̧ ttu̧ru̧wa̧mä̧ pä'ü, ja̧'wa̧ta̧nü̧ ubomä̧ isaju kku̧ru̧wa̧ ja̧'a̧ ja̧'wa̧ta̧nü̧ Dio-mä̧ Crito u̧ru̧wa̧ ja̧'a̧ pä'ü.

1 Corintios 7:16

Isopäi'ünä̧ ¿Toku ku̧wo̧jua̧'a̧jä̧ttü̧ ukú isajumä̧, kuirekuorü surojüttü ü̧ji̧pü̧nä̧ ppädädäkuajusä 'kua̧ra̧'a̧ pä'ümä̧? ¿Ja̧'wa̧ta̧nü̧ toku, ku̧wo̧jua̧'a̧jä̧ttü̧ uku kkirekuomä̧, chirekuarü surojüttü kkü̧ji̧pü̧nä̧ ppä̧dä̧dä̧kua̧sä̧ 'kua̧ra̧'a̧ pä'ümä̧?

1 Pedro 3:7

Ja̧'wa̧ta̧nü̧ ukutu ttirekuomü̧mä̧, kuirekuamü̧tu̧ku̧ku̧ wo̧juȩku̧nä̧ kka̧kuä̧tu̧kui̧. Isajurumä̧ i̧sä̧yu̧ i̧so̧'ta̧ 'kuäo'ta̧ jä̧'i̧nü̧'a̧nü̧ ukuotätukui, juätü'i̧nä̧ kkä̧kuä̧wä̧ Dio iyinü ukutuku ttiya pä'ü woinä̧u̧ Dio iäre ju'to i̧yä̧kuȩttü̧, Dio-rü kukuokuomȩnä̧ tto̧ȩpä̧rü̧ juiyaku pä'ümä̧.

Romanos 7:2

Isopäi'ünä̧ weäwä wȩnȩnä̧mä̧ isajumä̧ kkü'käwinä̧ku̧ku̧mä̧ todepaju, ji̧nä̧ jua̧u̧ a̧'kua̧rä̧i̧tä̧; ja̧'wa̧nü̧ ja̧'a̧nä̧ kkirekuo 'korujuoächomȩnä̧mä̧, täkü todepokoju kkirekuottümä̧.

1 Corintios 14:34

Nä̧tü̧'i̧nä̧ igresia isotü ttü̧ka̧ka̧kuo̧mȩmä̧, ttukuokua pä'ü weäwoka'a; ttukuota pä'ütä ja̧'a̧ weäwä wȩnȩ päüta'anü̧.

San Mateo 18:15

Kua̧wa̧ru̧wa̧ kui̧jä̧wa̧ ukuru suronä̧ jȩü̧ttü̧mä̧, kkatärütä o'ipächü ro̧'ȩpü̧nü̧ ukuokuirü u̧wo̧jui̧pü̧nä̧; u̧wo̧jui̧pü̧ttü̧mä̧, kua̧wa̧ru̧wa̧rü̧ esekujä̧.

Colosenses 4:5

Wo̧juȩku̧nä̧ ttu̧'ȩpä̧rü̧nü̧ kka̧kuä̧tu̧kui̧ kkorotü Dio-rü esetokotuku. Ja̧'wa̧nü̧ jȩ'kuä̧tu̧ku̧ jü̧'a̧nü̧ jo̧mȩnä̧mä̧, adiu jȩpä̧tu̧kui̧.

Hebreos 11:8

A̧'kua̧ u̧wȩnä̧ro̧mȩttü̧, Abraha̧-mä̧ Dio woäkumä̧ ukuotü, rä'opinü̧ kui̧rȩjä̧ chi̧yä̧kua̧jä̧ päjäkumä̧. Ja̧'wa̧nü̧ ja̧'a̧ttü̧ i̧rȩjä̧ttü̧mä̧ rä'opinü̧, ieruwa'a päte'ü.

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

Romanos 6:17

Ja̧'wa̧nü̧ ja̧'a̧nä̧ Dio-rü esewätüjä̧, ä'kojimä̧ surojü jȩä̧kuä̧wä̧tä̧ umüwäyotü kuinä̧tu̧kua̧'a̧mä̧, kua̧mi̧'iso'kituku o'kajuiyünä̧ kukuotätukua'attü̧, kkä̧kuä̧wä̧ kuesetinä̧tu̧ku̧nä̧.

1 Pedro 4:17

Täkü rȩbȩwä̧ja̧'a̧ pojokuä mo̧ro̧mä̧ chutä Dio i̧tti̧mü̧ttü̧ kkä̧mä̧dü̧, ja̧'wa̧nü̧ pojokuä ujutunä̧ kkä̧mä̧da̧'a̧mä̧ ¿Toku jä̧kua̧'a̧jä̧ttü̧ rüjí mo̧ro̧mä̧, jareü Dio i̧wȩnȩ ukuotokotürümä̧?

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

Romanos 10:16

Ja̧'wa̧nü̧ ja̧'a̧nä̧, o'katoi'ünä̧mä̧ esetokotü pinä̧tü̧ jareü wȩnȩmä̧; Isaía-mä̧ pä'inü̧: Chu̧ru̧wa̧ ¿Ditäjä̧ttü̧ jitäu esetäkua̧mä̧?

1 Pedro 3:2

juätümä̧ surojü juiyünä̧ ku̧jä̧tu̧ku̧'i̧nä̧, Dio-rü kukuotätuku'i̧nä̧ tottäkuotü.