Biblia Todo Logo
Bib sou entènèt

- Piblisite -




1 Pedro 2:23 - Nuevo Testamento Uwotjüja

23 Suronä̧ pättä'chomȩnä̧mä̧, suronä̧ pä'ümä̧ ädätokü pinü̧; usurä ȩmä̧u̧nä̧ jȩttä̧ku̧'i̧nä̧, suronä̧mä̧ jȩpo̧kü̧ pinü̧, ja̧'wa̧nü̧ jȩtta̧jueimä̧ Dio jueünä̧tä̧ pä'ürütä iyäwinü̧.

Gade chapit la Kopi

TÄ̧DO Ä̧CUÄ̧ I̧HUȨNȨ

23 Ja̧u̧ru̧ ra̧huä̧rö̧ huottomenä, ädätö huopocö pi̧nö̧. Ubara ttuhua'anä'inä, ra̧huä̧ri̧po̧cö̧ pi̧nö̧. Jä'o Diosrö, o'ca toi'önärö yoräteunä pä̧cua̧rö̧, amöcuädö ucuocuinö.

Gade chapit la Kopi




1 Pedro 2:23
32 Referans Kwoze  

Ja̧'wa̧nü̧ ja̧'a̧nä̧ Dio-rü pä̧wä̧rü̧jo̧mȩnä̧ usurä ȩmä̧wä̧tü̧mä̧, yabonü̧tä̧ adiu jȩtta̧ pä'ü ja̧'a̧, tta̧'kua̧rü̧mä̧ uwäbe'inü̧ Dio u̧mü̧nä̧tä̧ iyü kku̧nu̧, jua̧u̧mä̧ adiwomȩnä̧tä̧ jȩä̧kua̧'a̧nü̧.


Ja̧'wa̧nü̧ ja̧'a̧ttü̧, Jesú jȩi̧nü̧tä̧ amükuädätukui, rekuätü ttü̧ja̧ surojünä̧ kka̧kuä̧tü̧ suronä̧ jȩtta̧'a̧nä̧'i̧nä̧ yaboku 'chi̧nü̧rü̧ amükuädätukui; ja̧'wa̧nü̧ ja̧'a̧ttü̧ juiyupächi'ümä̧ 'kuäkuächi'ätukuä.


Ja̧'wa̧nü̧ ja̧'a̧ttü̧, Chu̧ru̧wa̧ jua̧u̧ yettepe'ü topi ja̧'wa̧ta̧nü̧ ku̧wo̧juȩtä̧u̧rü kui̧wȩnȩ ttujuruku jitäunä̧ iyitü.


Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.


Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.


Ja̧'wa̧nü̧ päi'omȩnä̧ Jesú-mä̧ pä̧i̧ku̧nä̧ wopi'inü̧: —¡Chä'o, ku̧mü̧nä̧ iyüsä, cha̧'kua̧ru̧wa̧rü̧! pi̧yȩ pä'ü kä'ädü, Jesú-mä̧ 'koru päi'inü̧.


Ja̧'wa̧ta̧nü̧ mo̧ro̧jä̧ bawekua'a topinü̧sä̧; juȩnȩ cabayu tȩ'a̧rü̧ ü̧ja̧'a̧ topinü̧sä̧, jua̧u̧ u̧wä̧mȩ wü̧mä̧ mikuinü̧, päümä̧ jȩpü̧ ja̧'wa̧ta̧nü̧ jueü wȩnȩtä̧ wa̧, isopäi'ünä̧ jueünä̧tä̧ we'ü, kurä ürowäwa'attü.


Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.


Pi̧yȩmä̧ i̧jȩkuä̧cha̧'a̧, Dio-mä̧ isopäi'ünä̧tä̧ surojümä̧ jui̧'a̧ pä'ü, ru̧wa̧ Dio weomȩ dottächü'anü̧ wotürü pä̧kua̧mä̧ jua̧u̧tä̧ ja̧'a̧ jua̧u̧ jäwänä̧ jitä usurä ȩmä̧wä̧tü̧.


Ja̧'wa̧ta̧nü̧ ukutu tturuwotümä̧, ku̧wo̧juȩtä̧u̧rü ja̧'wa̧ta̧nü̧ jȩpä̧tu̧kui̧, yekuepe'ätukuoka'a. Amükuädätukui ukutu Ku̧ru̧wa̧tu̧ku̧'i̧nä̧, ku̧wo̧juȩtä̧u̧ Ttu̧ru̧wa̧'i̧nä̧ ji̧nä̧ ya̧tȩtä̧ ja̧'a̧ mo̧ro̧jä̧nä̧ kkü̧mä̧, isopäi'ünä̧ jua̧u̧mä̧ ttü̧ja̧rü̧mä̧ yoräteutä jȩpü̧.


Ja̧'wa̧nü̧ ja̧'a̧nä̧, surojü käkuädi'ätukuoka'a, yaboku jarodi'ü jȩ'kuä̧tu̧ku̧ttü̧mä̧ Dio-mä̧ ukuturu ro̧ȩpä̧kuȩmä̧ yabonü̧ rü̧ä̧dä̧kua̧. Rüjí mo̧ro̧ päi'omȩnä̧ o'katoi'ünä̧rü̧ suronä̧ jȩtti̧nü̧ttü̧'i̧nä̧, adiu jȩtti̧nü̧ttü̧'i̧nä̧, jȩtti̧nü̧'a̧kuä̧ Dio-mä̧ pä'ü u̧ju̧nä̧kuä̧u̧,


Ja̧'wa̧nü̧ ja̧'a̧ttü̧ Dio-mä̧ ji̧yȩtȩ mo̧ro̧ amükuädü kku̧ni̧nü̧, ütäbota pä'ü ü'ojo'ä̧kuȩ mo̧ro̧, ya̧tȩ we'ü u̧ju̧ni̧nä̧ku̧nä̧, jua̧u̧nä̧tä̧ o'katoi'ünä̧ tta̧'kua̧ ttu̧wȩnä̧rü̧nä̧ wa'arettü ttoädinä̧ku̧ ja̧'a̧ttü̧.


Ja̧'wa̧nü̧ 'kuäopa'anä̧mä̧ Sauro-mä̧ Jesucrito-rü esetätürü rü̧ȩnä̧ üjü'kü juiyünä̧ jä̧ku̧. Sacerdote-tü̧ ttu̧ru̧wa̧rü̧ ichi'ü,


Ja̧'wa̧nü̧ pä'ü, rü̧ȩnä̧ jä̧ȩpä̧ra̧'a̧nä̧ Jesú-mä̧ yorisotä ädätokoku pinü̧.


Ja̧'wa̧nü̧ ja̧'a̧, inä̧du ttikuäwa'anä̧ Esteba̧-mä̧ Dio-rü pa̧'a̧nü̧ ukuokuinü̧: «Chu̧ru̧wa̧ Jesú, cha̧'kua̧ ru̧wa̧rü̧ ȩmi̧ttü̧.»


Ujutumä̧ isopäi'ünä̧ suronä̧ jȩtä̧'i̧jü̧mä̧ mikuäwächünä̧ usurä ȩmä̧wä̧tü̧jä̧; ja̧'wa̧nü̧ ja̧'a̧nä̧, pidemä̧, däjéjä̧ttü̧ suronä̧ jȩi̧nü̧mä̧.


Swiv nou:

Piblisite


Piblisite