1 Pedro 2:21 - Nuevo Testamento Uwotjüja

²¹ Pi̧yȩtä̧ pätetü Dio-mä̧ woinä̧u̧jä̧, täkü Crito-mä̧ ukutunä̧ usurä ȩmä̧wi̧nü̧, jȩi̧nü̧'a̧kuä̧ jȩ'kuä̧tu̧kua̧ pä'ü iyipümä̧.

TÄ̧DO Ä̧CUÄ̧ I̧HUȨNȨ

²¹ Dios ucuturu huopinö. Cristo ubara ttu'inö ucuturu. Chutä cueächinö ta'anö, cue'ächätucui ucutu'inä.

1 Pedro 2:21 Referans Kwoze

1 Juan 2:6

Isopäi'ünä̧ Jua̧u̧nä̧ kkü̧sä̧ pä'ümä̧; Chutä Jesucrito ü̧ji̧nü̧ta'anü̧, ü̧ja̧ pä'ü ja̧'a̧.

San Mateo 16:24

Jua̧u̧nü̧ o'ka'a, Jesú-mä̧ u̧wo̧juȩtä̧u̧rü pä'inü̧: —Ya̧tȩ cho'ka'anä̧ icha pä'ümä̧, a̧mü̧nä̧ jäwämä̧ u̧ni̧chi'ü, ü̧jo̧kä̧jäi ȩmi̧pü̧tä̧, cho'ka'anä̧ ichi.

San Juan 13:15

Isopäi'ünä̧ jȩchä̧ji̧yä̧ujä̧, ttü jȩchä̧ji̧mä̧ ukutu'i̧nä̧ jȩ'kuä̧tu̧kua̧ pä'ü.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

1 Juan 3:16

Ja̧'wa̧nü̧ ja̧'a̧nä̧, eseu repeäkuäwämä̧ wo̧jui̧'i̧nä̧tü̧jä̧; Chutä a̧'kua̧rü̧ ujutu jäwänä̧ iyäwino̧mȩttü̧; ja̧'wa̧ta̧nü̧ ujutu'i̧nä̧ ta̧'kua̧rü̧ tiyäwa pä'ü ja̧'a̧, tawaruwä ti̧jä̧wa̧tü̧ jäwänä̧.

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

1 Corintios 11:1

Ttü jȩchü̧ jȩpä̧tu̧kui̧, ttü'i̧nä̧ Crito jȩü̧ jȩchü̧ta̧'a̧nü̧.

1 Pedro 4:1

Ja̧'wa̧nü̧ ja̧'a̧ttü̧, Crito idepänä̧ usurä ȩmä̧wi̧ta̧'a̧nü̧, ukutu'i̧nä̧ usurä ȩmä̧kuä̧wä̧nä̧ jo̧mȩnü̧ kka̧kuä̧tu̧kui̧. Ja̧'wa̧nü̧ idepänä̧ usurä ȩmä̧wä̧u̧mä̧ surojüttümä̧ 'to'oku ikuä'ijü,

Filipenses 2:5

Crito amükuädinü̧ta̧'a̧nü̧, ukutu'i̧nä̧ ji̧nä̧ ji̧yȩtȩ amükuädü kka̧kuä̧tu̧kui̧,

San Mateo 11:29

Ttü wedümä̧ jȩpä̧tu̧kui̧, ttüttü wo̧jui̧pätu̧kui̧ cha̧mi̧so'kinä̧ ra̧wä̧rü̧ ukuo tedäwoka'a; ja̧'wa̧nü̧ jȩpü̧ ku̧'o̧kui̧'ä̧kuo̧tü̧jä̧ kua̧'kua̧rä̧tu̧ku̧ a̧'kua̧ ȩma̧ pä'ümä̧.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

San Mateo 10:38

Ja̧'wa̧ta̧nü̧ ü̧jo̧kä̧nü̧ jäi kä'eku wȩnä̧wi̧'ü̧ cho'ka'anä̧ ichü juiyüttümä̧, ttü i̧sa̧mä̧ wokü jä̧kua̧.

1 Pedro 3:9

Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Hebreos 2:10

Isopäi'ünä̧ rekuä rü̧ji̧na̧'a̧ o'kajuiyünä̧ aditinü̧tä̧ ja̧'wa̧ta̧nü̧ o'kajuiyünä̧ a̧'kua̧rü̧nä̧ wa̧tä̧ i̧tti̧mü̧ rekuätürü Dio ä'ka jo̧mȩku̧ ȩpa̧ pä'ümä̧; surojüttü ttü̧ji̧pü̧nä̧ rä'epü ikuäwä u̧ru̧wa̧tä̧, usurä ȩmä̧wi̧nü̧nä̧tä̧ jo̧mȩnü̧ päi'ünä̧, surojüttü ttü̧ji̧pü̧nä̧ ppädina̧'a̧ttü̧.

2 Timoteo 3:12

Isopäi'ünä̧ ja̧'a̧, o'katoi'ünä̧ Jesucrito-rü ukuotü ttü̧ja̧kua̧ pä̧wä̧rü̧jä̧u̧mä̧ kuäkuättä̧u̧ usurä ttȩmä̧wä̧kuo̧tü̧;

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.

1 Tesalonicenses 4:2

Tu̧ru̧wa̧ Jesucrito weäwänä̧, ukutu jȩpü̧ ku̧ja̧kuä̧tu̧kua̧ pä'ü jitäwinü̧mä̧ wo̧juä̧tü̧jä̧.

1 Tesalonicenses 3:3

Surojü 'kuäopomȩnä̧, kua̧'kua̧ ku̧wȩnä̧rä̧'i̧jä̧tu̧ku̧ kuijuiyuwächi'ätuku juiya pä'ü. Ujutumä̧, iweye jua̧u̧mä̧ 'kuätopü pä'ü, ku̧wo̧juä̧tu̧kua̧ pä'ü.

Hechos 17:3

Jua̧u̧ ji'äumä̧ pä'inü̧: —Dio i̧wȩnȩ wȩyu̧kua̧'a̧ku̧tä̧ 'kuäopina̧'a̧ Jesucrito-rümä̧, wa'ü ikuipü'ka̧, wa'arettü ttoächa pä'ümä̧, jua̧u̧tä̧ ja̧'a̧ Crito, ttü jidäwäkumä̧ pä'ü ji'äwinü̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

San Lucas 24:26

¿Isopäi'ünä̧ Crito uruwo jäwänä̧ doächi'a pä'ümä̧, jua̧u̧ o'kajuiyünä̧ usurä ȩmä̧u̧ 'kuäopa pä'ümä̧ rekuä rü̧jo̧ka̧'a̧ ji̧na̧'a̧ tä̧jí̧?

1 Pedro 4:13

Ja̧'wa̧nü̧ ja̧jü̧jueimä̧ esewätukui Crito usurä ȩmä̧winü̧nä̧ usurä kuȩmä̧wä̧tu̧kuo̧mȩnä̧mä̧, ja̧'wa̧ta̧nü̧ eseäkuäwä jo̧mȩnü̧ jä̧kua̧'a̧nü̧ uruwo i̧jȩpo̧mȩnä̧.