1 Pedro 2:16 - Nuevo Testamento Uwotjüja

¹⁶ Ttü̧ja̧ surojüttü rä'epü ikuäwotü jü̧nä̧ kka̧kuä̧tu̧kui̧, surojüttü rä'epü ikuäwotü̧jä̧ pä'ü, surojü jȩ'kuä̧tu̧kua̧ pä'ümä̧kü̧, ja̧'wa̧nü̧ ja̧jü̧jueimä̧ Dio-rü ppä̧dä̧rä̧kuä̧wä̧ isotü jü̧nä̧tä̧.

TÄ̧DO Ä̧CUÄ̧ I̧HUȨNȨ

¹⁶ Surojöttö ejädö icuähua̧ ö̧jö̧'a̧nö̧, eseunu ka̧cuä̧tu̧cui̧. Ja̧'hua̧nö̧ eseunu cu̧ja̧cuä̧tu̧cua̧'a̧ttö̧, suronämä jȩcu̧'ä̧tu̧cuä̧'. Dios umöhuäyotö ttö̧jö̧'a̧nö̧, ka̧cuä̧tu̧cui̧.

1 Pedro 2:16 Referans Kwoze

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

Romanos 6:22

Ja̧'wa̧nü̧ ji̧na̧'a̧nä̧, jitämä̧ surojüttü rä'epü ikuinü̧ o̧'ko̧u̧mä̧, Dio-ku dodepinä̧tü̧jä̧ umüwäyotü kuätukua pä'ü. Ja̧'wa̧nü̧ ja̧'a̧ jua̧u̧ u̧wä̧ju̧mä̧ surojü juiyünä̧ kkä̧nü̧, päjuriyänä̧mä̧, kkä̧kuä̧wä̧ i'ko ȩmä̧wä̧ ja̧'a̧.

1 Corintios 7:22

Isopäi'ünä̧, esclavo jü̧nä̧ ttu̧mü̧wä̧ya̧ wa̧rü̧ Tu̧ru̧wa̧ woinä̧ku̧ jü̧ttü̧mä̧, Tu̧ru̧wa̧tä̧ rä'epü ikuinä̧ku̧ ja̧'a̧; ja̧'wa̧nü̧ jü̧ta̧'a̧nü̧, u̧ru̧wa̧ to̧'a̧ esclavo pättäku wokürü woinä̧ku̧ jü̧ttü̧mä̧, jitämä̧ Crito-tä ja̧'a̧ esclavo jü̧nä̧ u̧ru̧wa̧mä̧.

Romanos 6:18

Surojü 'chu̧ä̧ri̧nü̧ttü̧ rä'epü ikuinü̧ o̧'ko̧u̧mä̧, adiwomȩnä̧ jȩpü̧ kkä̧kuä̧wä̧nä̧ ku̧ja̧kuä̧tu̧kua̧ pä'ü dodepinä̧tü̧jä̧.

Gálatas 5:1

Crito rä'epü ikuinü̧nä̧tä̧, 'kiyünä̧ kka̧kuä̧tu̧kui̧, pä'äjita'anü̧mä̧ weäwä wȩnȩ kkȩdä̧ra̧'a̧ku̧mä̧ ku̧ja̧kuä̧tu̧kuä̧.

Santiago 1:25

Ja̧'wa̧nü̧ ja̧'a̧nä̧ ä̧ju̧kuä̧ji̧ unichi'okümä̧, ttu̧ni̧chi'äjueimä̧ weäwä wȩnȩ jueü wȩnȩmä̧ surojü rä'epü iku jü̧nä̧ adiu amükuädümä̧, ja̧'wa̧ta̧nü̧ ja̧u̧ päü'a̧kuä̧ 'chü̧mä̧ jȩü̧nä̧mä̧ eseutä ü̧jä̧kua̧.

Santiago 2:12

Ukutumä̧ kukuokuätuku'i̧nä̧, jȩ'kuä̧tu̧ku̧'i̧nä̧ ttu̧'ȩpä̧rä̧kuä̧wä̧tu̧kui̧, weäwä wȩnȩ surojüttü rä'epü ikunä̧ pojopü kku̧nä̧wo̧tü̧ jä̧'i̧nü̧'a̧nü̧.

Efesios 6:6

Kuruwotü tottätukuaku pä'ütämä̧ kuaditätukuä, pärokua'aku Crito umüwäyotü jü̧nä̧, kua̧mi̧ iso'kitukuttü Dio-rü pä̧wä̧rü̧jo̧mȩnä̧ aditätukui.

2 Pedro 2:19

Pä̧wä̧rü̧ja̧'a̧ku̧ jȩtti̧ya̧tü̧ pä'ätü, jitütämä̧ surojü jȩä̧kuä̧wä̧ umüwäyotü tta'anä̧; isopäi'ünä̧ o'katoi'ünä̧ surojü umüwäyotümä̧ jua̧u̧tä̧ wȩä̧u̧ ja̧'a̧ttü̧.

Colosenses 3:24

Ukutumä̧ wo̧juä̧tü̧jä̧ Tu̧ru̧wa̧ mikuä i̧yä̧kuȩmä̧, i̧tti̧mü̧rü̧ iya päinü̧mä̧. Jua'amä̧ Crito-rü, Tu̧ru̧wa̧rü̧ ukuotü jȩta̧'a̧ttü̧.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

1 Tesalonicenses 2:5

Ujutumä̧ ukutu kuesetätukuatü pä'ümä̧, ti̧wȩnȩmä̧ a̧'kua̧tü̧mä̧ ukuokuokotüjä̧ ja̧'wa̧ta̧nü̧ pärätä ja̧'a̧tȩ'ü̧mä̧ yaparetümä̧ jitäwo̧ko̧u̧jä̧. Dio topü ja̧'a̧ttü̧ wo̧jua̧ pi̧yȩ yapare pädoka'amä̧.

San Juan 15:22

Ttü ji'äu chichü juiyinü̧ttü̧mä̧, surojü jȩttü̧mä̧ wȩjo̧ko̧u̧ pa̧ja̧tü̧. Ja̧'wa̧nü̧ ja̧'a̧nä̧, jitä suronä̧ jȩttä̧'i̧jü̧ jȩpo̧ko̧tü̧jä̧ pätta pä'ümä̧ jui'ätü.