1 Pedro 2:11 - Nuevo Testamento Uwotjüja

¹¹ Chi̧jä̧wa̧tü̧, ro̧'ȩpü̧ ji̧dä̧wä̧u̧jä̧ kko̧ro̧jä̧ttü̧ ichäkuäwotü pi̧jä̧nä̧ kue'ächätürü 'kua̧rü̧nä̧, ttidepä kkü'kekunä̧mä̧ kuiyäwätukuä tta̧'kua̧rü̧ rowäwukumä̧.

TÄ̧DO Ä̧CUÄ̧ I̧HUȨNȨ

¹¹ Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

1 Pedro 2:11 Referans Kwoze

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

1 Pedro 4:2

Dio-rü pä̧wä̧rü̧jo̧mȩnä̧ tokue'ächomȩbü̧ päi'ünä̧ ü̧jä̧kua̧'a̧nü̧ ttü̧ja̧rü̧ pä̧wä̧rü̧ja̧'a̧ku̧mä̧kü̧.

Hebreos 11:13

Juätümä̧ o'katoi'ünä̧tä̧ wa'ü ikuinä̧tü̧ Dio iya päinü̧mä̧ ttȩmo̧ka̧'a̧tä̧; ja̧'wa̧nü̧ ja̧'a̧nä̧ ta̧'kua̧ ttu̧wȩnä̧ro̧mȩttü̧, otonä̧tä̧ topinä̧tü̧, esetü ukuokuinä̧tü̧ pi̧jä̧mä̧ ttü̧ja̧mä̧kü̧jä̧, ujutumä̧ 'kuäokuä ttü̧ja̧jä̧, pä'ü.

Romanos 8:13

Isopäi'ünä̧ kuidepä pä̧wä̧rü̧ja̧'a̧ku̧ ku̧ja̧kuä̧tu̧kuo̧mȩnä̧mä̧ wa'ü kuikuäkuotüjä̧. Ja̧'wa̧nü̧ ja̧'a̧nä̧ Epíritu Sa̧tu̧ ujurunä̧, jua̧u̧ kuidepä weü si'eku kuikuätukuttümä̧ kkä̧kuä̧wä̧ ku̧ju̧nä̧rä̧kuo̧tü̧jä̧.

Santiago 4:1

¿Tottü icha'ajä̧ttü̧ kurämä̧ ja̧'wa̧ta̧nü̧ rowäwäkuäwämä̧ ukututtümä̧kü̧? Ja̧'wa̧ta̧nü̧ surojü kkü'kekumä̧ jakuänä̧ 'kuäopünä̧ rowäu kka̧ku̧ ja̧'a̧.

2 Timoteo 2:22

Ja̧'wa̧ta̧nü̧ mü̧ä̧yotü ttidepä kkü'kekuttümä̧ tü'ipächi, tü'ipächümä̧ adiu jȩä̧kuä̧wä̧tä̧, tta̧'kua̧ wȩnä̧rä̧kuä̧wä̧tä̧, eseäkuäwätä ja̧'wa̧ta̧nü̧ unichä̧rü̧ kkä̧kuä̧wä̧tä̧ usí, tta̧mi̧so'ki teünä̧ kka̧kuä̧tü̧, ttu̧ru̧wa̧rü̧ ppädatü pä'ü jä'epätuku yo̧mȩtȩnä̧.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

Romanos 12:1

Ja̧'wa̧nü̧ ja̧'a̧ttü̧, chawaruwä chü̧jä̧wa̧tü̧ ukuturu jä'epüsä Dio rȩrü̧jü̧ toinü̧nä̧tä̧, kua̧mü̧nä̧ pa̧ja̧tü̧ yotukunä̧mä̧ ku̧jä̧tu̧ku̧mä̧ ofrenda jü̧nä̧tä̧, surojü juiyünä̧tä̧, Dio eseunä̧tä̧, Chutä Dio-rü kuiyäwätukua pä'ü.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

Romanos 7:23

Ja̧'wa̧nü̧ ja̧'a̧nä̧ ttünä̧ ji̧yȩtȩ kka̧'a̧, ttü chamükuädüku rowäkuäu: Jua̧u̧mä̧ surojü jȩpü̧ chü̧jü̧nä̧tä̧, weü ja̧'a̧ ttü chidepänä̧.

Hechos 15:29

Ttü̧ä̧nä̧wa̧ dio-tü̧rü̧ ukuoku jȩttü̧ kuäkuäwätä ja̧'wa̧ta̧nü̧ isotü ttukuoja kuäkuäwätä, nu̧'ä̧wo̧tü̧rü̧ kuäkuäwätä, ttȩmo̧ka̧'a̧nä̧ nä̧tü̧rü̧ kkä̧'chä̧kuä̧wä̧tä̧, jȩ'kuä̧tu̧kua̧mä̧ pä'okotüjä̧. ¡Adiutä 'kuä'opätukui!

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

1 Pedro 1:17

Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

2 Corintios 5:20

Ja̧'wa̧nü̧ ji̧na̧'a̧ttü̧, ujutumä̧ Crito i̧mi̧nä̧ jitäwiyarü pä'ü weinä̧u̧jä̧, Dio-mä̧ jitäu kuä̧ju̧kui̧yä̧tu̧kua̧rü̧ pä'ü. Ja̧'wa̧nü̧ ja̧'a̧ttü̧ Crito i̧mi̧nä̧ jä̧tȩpä̧u̧jä̧: Dio-ku eseku kuikuätukua pä'ü.

Hechos 15:20

Suro, ttü̧ä̧nä̧wo̧tü̧rü̧ wȩnȩtü̧ ukuokuäkuäwa'a ttukutä, ttü'käwoka'a ttü̧jä̧'chü̧'tä̧ ja̧'wa̧ta̧nü̧ nu̧'ä̧wo̧tü̧rü̧ ttukutä, isotü ttukuoja ttukutä, kättädäkuäwa pä'ü wȩyu̧kuojänä̧ wȩyu̧tu̧ wȩtta̧ja̧u̧,

1 Pedro 1:1

Ttü Peduru, Jesucrito u̧mü̧wä̧ya̧ te'äusä, ttidepiyuttü pperekuächino'kotü ichäkuäwotü jü̧nä̧ ponto-nä̧'inä̧, Galacia-nä̧'i̧nä̧, Capadosia-nä'i̧nä̧, asianä̧'i̧nä̧ Bitinia-nä̧'i̧nä̧ kka̧kuä̧tü̧rü̧,

Efesios 2:19

Ja̧'wa̧nü̧ ji̧no̧mȩttü̧, Dio ä'kattümä̧, kko̧ro̧jä̧ ttü̧ja̧mä̧kü̧jä̧. Jitämä̧, pärokua'akutä Dio umüwäyotü surojü jui'ätü jü̧nä̧, i̧tti̧mü̧ jü̧nä̧ wotüjä̧.

Hebreos 6:9

Ja̧'wa̧nü̧ ukuturumä̧ tukuokua'anä̧ chawaruwä chü̧jä̧wa̧tü̧; ukutumä̧ Dio-rü esetätü pä'ü wo̧juä̧tü̧jä̧, surojüttü kki̧'ä̧kuä̧wä̧ ttȩmä̧kuo̧tü̧ pä'ü wo̧juä̧tü̧jä̧.

1 Pedro 4:12

Chi̧jä̧wa̧tü̧, yekuekui'ätukuä ku'kä̧tȩtu̧ku̧ttü̧ ukuturu kka̧kuä̧mȩ'ü̧ toümä̧, to'kuätukuokü jä̧'i̧jü̧ 'kua̧rü̧nä̧mä̧.

2 Pedro 3:1

Pi'tä ja̧'a̧ chi̧jä̧wa̧tü̧, jua̧u̧nü̧ o'ka'a ukuru wȩyu̧tu̧ wedä'tämä̧. Todärekue'ü jueünä̧ kuamükuädätukua pä'ü ro̧'ȩpü̧ ji̧dä̧wä̧u̧jä̧.