1 Pedro 2:1 - Nuevo Testamento Uwotjüja

¹ Ja̧'wa̧nü̧ ja̧'a̧nä̧, surojümä̧ o'kajuiyünä̧tä̧ ya'okuätukui, yaparetäkuäwä'i̧nä̧, ä'kayättütä jȩä̧'chä̧kuä̧wä̧'i̧nä̧, kkü'käwokü'i̧nä̧ ja̧'wa̧ta̧nü̧ o'kajuiyünä̧ suräjuei wȩnȩ'i̧nä̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ o'ca juiyönä suronä jȩä̧cuä̧huä̧'i̧nä̧, yapareu jiäcuähuä'inä, korotörö suronä ucuocuäcuähuä'inä, korotö ttu̧ju̧nä̧rö̧ pä̧huä̧ rö̧jö̧ toäcuähuä'inä jaropi'ätucui.

1 Pedro 2:1 Referans Kwoze

Efesios 4:31

Ikuäwi'ätukui kurowetuku'i̧nä̧, ku̧'ä̧i̧tu̧ku̧'i̧nä̧, suronä̧ wo'kuäkuäwätuku'i̧nä̧, ja̧'wa̧ta̧nü̧ surojüttümä̧ o'kajuiyütä.

Santiago 1:21

Ja̧'wa̧nü̧ ja̧'a̧ttü̧ o'kajuiyünä̧ surojü jȩ'kuä̧tu̧ku̧ttu̧'i̧nä̧, pi̧jä̧nä̧ttü̧ surojü rü̧ä̧chü̧ttü̧'i̧nä̧ kä'ädi'ü, Dio i̧wȩnȩ ukuru iyinü̧tä̧ esetü ukuo teäwäkuäwä juiyünä̧ ȩmi̧; jua̧u̧tä̧ jä̧kua̧'a̧ surojüttü'i̧nä̧ kua̧'kua̧rü̧ kki̧'i̧pü̧nä̧ jȩü̧mä̧.

Santiago 4:11

Chawaruwä chü̧jä̧wa̧tü̧ kkorotünü̧rü̧mä̧, suronä̧mä̧ kukuokuätukuä. Ya̧tȩ a̧wa̧ru̧wa̧ ü̧jä̧wa̧rü̧ suronä̧ ukuokumä̧ ja̧'wa̧nü̧ jü̧juiyüttü'i̧nä̧ suronä̧ jȩpü̧ pä'ümä̧ weäwä wȩnȩ'i̧nä̧ surojü pä'ü ukuokuokü. Ja̧'wa̧nü̧ ja̧'a̧nä̧ weäwä wȩnȩ surojü pä'ümä̧ ttukuotajueimä̧ Juez pättäku jä̧'i̧nü̧'a̧nü̧tä̧ jȩpä̧kuä̧u̧jä̧.

1 Pedro 3:10

Isopäi'ünä̧: A̧'kua̧rü̧ repe'äkuäumä̧ ja̧'wa̧ta̧nü̧ mo̧ro̧ eseu ü̧ja̧ pä'ümä̧, Surojümä̧ kukuokuoka'a tta̧'a̧rä̧kuä̧wi̧, Ja̧'wa̧ta̧nü̧ yapare wȩnȩ'i̧nä̧ kukuokuä;

1 Pedro 4:4

Jitämä̧, suronä̧ jȩpü̧ ttü̧jü̧ jȩ'kuä̧tu̧kuo̧ko̧mȩmä̧ ukutumä̧ suronä̧ ttu̧kuo̧kuä̧u̧jä̧.

1 Pedro 4:2

Dio-rü pä̧wä̧rü̧jo̧mȩnä̧ tokue'ächomȩbü̧ päi'ünä̧ ü̧jä̧kua̧'a̧nü̧ ttü̧ja̧rü̧ pä̧wä̧rü̧ja̧'a̧ku̧mä̧kü̧.

Santiago 5:9

Chawaruwä chü̧jä̧wa̧tü̧ kkorotünü̧rü̧mä̧ päkuä'chätukuä Dio ro̧ȩpü̧ juiyätukuaku pä'ümä̧; ja̧'wa̧ta̧nü̧ Juez-mä̧ täkü äpate ä'ka kkü̧.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

1 Timoteo 3:11

Ja̧'wa̧ta̧nü̧, nä̧tü̧'i̧nä̧ ttukuotä̧u̧tä̧ jä̧kua̧'a̧, suräjuei wȩnȩ'i̧nä̧ ukuokuokotütä, ttukuokuajueimä̧ tta̧'kua̧pu̧nü̧ kkä̧nü̧, o'kajuiyünä̧ ukuotätütä.

1 Pedro 2:22

Crito-mä̧ ya'utenä̧'i̧nä̧ surojümä̧ jȩpo̧kü̧ pinü̧, ja̧'wa̧ta̧nü̧ ya̧tȩrü̧'i̧nä̧ yaparewokü pinü̧.

Tito 2:3

Ja̧'wa̧ta̧nü̧ nä̧tü̧ büäkuächätü'i̧nä̧ ji'äwi ukuotünü̧ ttü̧ja̧kua̧ suräjuei wȩnȩ ttukuoku, ja̧'wa̧ta̧nü̧ tä̧ttä̧mä̧'chü̧. Adiwäjuei wo̧juȩkuä̧ isotü jü̧nä̧tä̧ ttü̧ja̧kua̧

1 Corintios 14:20

Chawaruwä chi̧jä̧wa̧tü̧, ppo̧'ä̧tü̧ jä̧'i̧nü̧'a̧nü̧ amükuädätukui surojünä̧mä̧; ja̧'wa̧nü̧ ja̧'a̧nä̧ kuamükuädätukunä̧mä̧ tä̧mü̧ 'kua̧rü̧nä̧ amükuädätukui.

Romanos 1:29

Ja̧'wa̧nü̧ jo̧mȩnä̧ surojü o'kajuiyütä jȩpä̧tü̧, tti̧rȩkua̧mü̧ pokotüku ä'ä'chäkuäwätä, surojuoächäkuäwätä, kkorojuei kkü'käwätä, surojü jȩä̧kuä̧wä̧tä̧; ttawaruwärü kkü'käwokütä, kuäwätä, rowäkuäwätä, yapare wȩnȩtä̧, ma̧ttä̧chü̧nä̧ tto̧ȩpä̧rä̧kuä̧wä̧tä̧.

San Lucas 6:42

¿Kua̧mü̧nä̧ pa̧ja̧tü̧ kui'ärenä̧ ȩkä̧'ka to'kuäkuäwoka'anä̧mä̧, tta̧'a̧nü̧ pä'ü kui̧jä̧wa̧rü̧mä̧ kui'ärenä̧ ȩko̧'ki ȩmü̧ chikuaku päkua'ajä̧ttü̧? ¡ä'koyättütä esetüjä̧!, ä̧kuo̧mȩnä̧mä̧ kua̧mü̧nä̧ kui'ärenä̧ ȩkä̧'ka ȩmä̧u̧ ikui, kui̧jä̧wa̧ i'ärenä̧ ȩko̧'ki topü ȩmü̧ kuikua pä'ümä̧.

San Mateo 23:28

Ja̧'wa̧nü̧ jü̧ta̧'a̧nü̧ wotüjä̧: wä̧mȩnä̧mä̧ adiwä isotü 'kua̧rü̧nä̧ kui̧jȩkuä̧tukua'anä̧, jakuänä̧ ä'koyättü esetäkuäwätä ja̧'wa̧ta̧nü̧ surojütä kkä̧u̧jä̧.

San Mateo 7:5

¡Ä'koyättü jȩä̧kuä̧wä̧ isotü̧jä̧! Ä̧kuo̧mȩnä̧mä̧ kua̧mü̧nä̧ kui'ärenä̧ ȩjä̧'ka ikui'ka ȩmä̧u̧ ikui, ȩmä̧u̧ ikuipü'ka̧tä̧ adiu to̧'kuä̧kua̧jä̧ kui̧jä̧wa̧ i'ärenä̧ ȩjo̧'ki ȩmü̧ kuikua pä'ümä̧.

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;

Apocalipsis 14:5

Juätü ttänä̧mä̧ ji̧yȩtȩ'i̧nä̧ yaparewokotü ja̧'wa̧ta̧nü̧ surojümä̧ jȩpo̧ko̧tü̧ pä'ijätü ji̧na̧'a̧.

1 Pedro 2:16

Ttü̧ja̧ surojüttü rä'epü ikuäwotü jü̧nä̧ kka̧kuä̧tu̧kui̧, surojüttü rä'epü ikuäwotü̧jä̧ pä'ü, surojü jȩ'kuä̧tu̧kua̧ pä'ümä̧kü̧, ja̧'wa̧nü̧ ja̧jü̧jueimä̧ Dio-rü ppä̧dä̧rä̧kuä̧wä̧ isotü jü̧nä̧tä̧.

Santiago 4:5

Ji̧yȩtȩ pätetü pä'a wȩyu̧kuä̧ wȩnȩmä̧: «Dio-mä̧ eseu repe'ünü̧ ä'kuoyäu Epíritu ujutunä̧ u̧ju̧ni̧nä̧ku̧ru̧mä̧.»

Santiago 3:14

Ja̧'wa̧nü̧ ja̧'a̧nä̧ ttüjü'koka'a ä'kuoyäkuäwä ja̧'wa̧ta̧nü̧ rowäwäkuäwätä kua̧mi̧so'kitukunä̧ ku̧ju̧nä̧rä̧tu̧ku̧ttü̧mä̧ kuesewätukuä ja̧'wa̧ta̧nü̧ isopäi'ünä̧ wȩnȩku̧mä̧ yapareumä̧ jikuäwä'chätukuä.

1 Tesalonicenses 2:3

Ujutu jitäumä̧ jäyä jäwämä̧ jo̧ka̧'a̧ ja̧'wa̧ta̧nü̧ surojükumä̧ wiwawoka'a ja̧'wa̧ta̧nü̧ yaparetü'i̧nä̧ ji'äwokotüjä̧.

1 Corintios 5:8

Ja̧'wa̧nü̧ ja̧'a̧ttü̧ ujutu tiäre pacua pä'käri jȩtä̧tu̧kua̧, surojü levadura pättü kka̧jü̧ jueimä̧ pärokuänä̧, trigo pättü i̧ri̧si̧nä̧mä̧ adiwä juei, jueü jäwänä̧tä̧, isopäi'ünä̧ wȩnȩ kkü̧nä̧tä̧.

San Juan 1:47

Ja̧'wa̧nü̧ ja̧'a̧, Jesú-mä̧, Natanael-rü tü'künä̧nü̧ ichi'a'a topü pä'inü̧: —Isopäi'ünä̧ Irae ttü̧ja̧sa̧ ichü, jua̧u̧nä̧ yapareäkuäwä jui̧'a̧ ja̧'a̧.

San Lucas 11:44

«¡Ukutuwe, wa'are wattomȩ totta'anä̧ Ja̧'wa̧ta̧nü̧ ttü̧ja̧ jerupü tti̧jȩda̧'a̧ jä̧'i̧nü̧'a̧nü̧ wotüjä̧!»

San Lucas 12:1

Ja̧'wa̧nü̧ ja̧'a̧ jakuänä̧, ttü̧ja̧ rekuätü ka̧ka̧kui̧nä̧tü̧, rü̧ȩnä̧ ppi̧ttä̧chä̧rü̧nä̧ päi'ünä̧. Ä̧kuo̧mȩnä̧mä̧, u̧wo̧juȩtä̧u̧rü kkä̧mä̧dü̧ ji'äwinü̧: Fariseo wotü ttu̧ju̧nä̧rü̧ levadura-nä̧mä̧ ppäkuächi'ätukuä, jua̧u̧mä̧ ä'koyättü esetü jȩä̧kuä̧wä̧tä̧ ja̧'a̧ pä'ü.

San Marcos 12:15

Ja̧'wa̧nü̧ pätta'anä̧, Jesú-mä̧, ä'koyättütä ttüyapareu wo̧juö̧ päinä̧u̧: —¿Tta̧'a̧nü̧ pä'ü, kka̧kuä̧mȩ'ü̧ to'kuätukuäkusättü̧? Denario i̧sä̧bi̧ ji̧bi̧tȩ tocha i'kächätukui.

San Mateo 24:51

Usurä ȩmä̧u̧nä̧ ro̧ȩpä̧kua̧, ä'koyättü esetetätukutä. Juȩnȩmä̧ ttaku norü ajuäkuäwomȩ jä̧kua̧'a̧.

San Mateo 15:7

¡Ä'koyättütä esetätüjä̧! Isopäi'ünä̧tä̧ kutü'kütuku, profeta Isaía-mä̧ pä'inü̧: