1 Pedro 1:8 - Nuevo Testamento Uwotjüja

⁸ Ukutumä̧ Jesucrito-rü to'kuätukuoka'a jä̧'i̧ja̧'a̧nä̧ eseu repe'ätüjä̧; ja̧'wa̧ta̧nü̧ to'kuätukuokoku ja̧'a̧nä̧ esetü, rü̧ä̧nä̧ eseäkuäwänä̧ esewätüjä̧ tti̧wȩnȩnä̧'i̧nä̧ jittäu juiyünä̧ jü̧nä̧.

TÄ̧DO Ä̧CUÄ̧ I̧HUȨNȨ

^8-9 Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.

1 Pedro 1:8 Referans Kwoze

San Juan 20:29

Päiyäku Jesú-mä̧ päinä̧ku̧: —¿Ttürü topütätä esetüjä̧, Tomá? ¡Tottoka'anä̧, esetäjätütä ja̧'a̧ rü̧ȩnä̧ eseäkuäwä po̧kui̧pä̧tü̧mä̧!

2 Corintios 5:7

Jua'amä̧ ti'ärenä̧ topü ti̧'cho̧ka̧'a̧, tta̧'kua̧ wȩnä̧rä̧kuä̧wä̧nä̧tä̧ ti̧'cha̧'a̧ttü̧;

Romanos 15:13

Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.

Hebreos 11:1

Isopäi'ünä̧ tta̧'kua̧ wȩnä̧rä̧kuä̧wä̧mä̧, tta̧dä̧rü̧mä̧ chȩmä̧kua̧sä̧ pä'ü jo̧mȩnü̧ wo̧juä̧wä̧ ja̧'a̧; kkoro juei totokü'i̧nä̧ isopäi'ünä̧ jä̧kua̧'a̧ pä'ü wo̧juä̧wä̧ ja̧'a̧.

San Juan 16:22

Ja̧'wa̧nü̧ jä̧'i̧jü̧ta̧'a̧nü̧, jitämä̧ kua̧'kua̧ tta̧'ȩkuä̧tü̧jä̧; ja̧'wa̧nü̧ ja̧'a̧nä̧, pä'äjita'anü̧ tochäkuä̧u̧jä̧ ja̧'wa̧nü̧ jo̧mȩnä̧ kua̧mi̧'iso'kitükumä̧ rü̧ȩnä̧ esewäkua'a ja̧'wa̧nü̧ kuesewätukumä̧ ya̧tȩ'i̧nä̧ 'choipokü jä̧kuȩ.

2 Corintios 4:18

ujutumä̧ ti'ärenä̧ totütä tottajü jueimä̧, ti'ärenä̧ tottokü jueitä tota pä'ü ja̧'a̧; isopäi'ünä̧ ti'ärenä̧ totümä̧ 'kuäopächü jäwä ja̧'a̧ ja̧'wa̧nü̧ ja̧'a̧nä̧ ti'ärenä̧ totokü jäwämä̧, beipokü jäwä ja̧'a̧.

1 Pedro 1:6

Pa̧'a̧nü̧ jo̧mȩttü̧ ukutumä̧ eseäkuäwämä̧ jo̧mȩnü̧ kka̧kuä̧u̧jä̧, ji̧nä̧ a̧'u̧kua̧'a̧tä̧ jü̧ mo̧ro̧ o'ka'a rü̧ä̧nä̧ usurä ȩmä̧kuä̧wä̧ 'kuäopa pä'ü rekuä rü̧ja̧'a̧nä̧'i̧nä̧.

Hebreos 11:27

A̧'kua̧ u̧wȩnä̧ra̧'a̧ttü̧, Moisé-mä̧ Egito-ttümä̧ rä'opächinü̧, ru̧wa̧ ü̧ra̧wä̧rü̧'i̧nä̧ yekuoka'a; jua'amä̧ Uwäpokürü totta'a 'kua̧rü̧nä̧ to̧pä̧rü̧ ü̧ji̧na̧'a̧ttü̧.

1 Pedro 2:7

Ukuturu esetätürümä̧ juo'ki ino'kimä̧ rü̧ȩnä̧ mikuäwo'ki ja̧'a̧, ja̧'wa̧nü̧ ja̧'a̧nä̧ esetokotürümä̧ wȩyu̧kuä̧ wȩnȩ pä'ijü'akuä 'kuäopa'a: «I̧no̧'ki adikuä ttü̧ja̧ ttüjü'koko'ki ji̧no̧'kimä̧ ä̧kuo̧mȩnä̧ iso'ki jü̧nä̧ pärowächina̧'a̧,»

Filipenses 4:4

Tu̧ru̧wa̧nä̧ 'kuäopünä̧ eseäkuäwätukui. Yaboku pädäu̧jä̧: ¡Eseäkuäwuötä kka̧kuä̧tu̧kui̧! jü̧nä̧.

1 Pedro 5:4

Ja̧'wa̧nü̧tä̧ chutä pató ichomȩnä̧mä̧, ukutumä̧ ukuo corona kuȩmä̧kuo̧tü̧jä̧, ja̧u̧ corona-mä̧ yoriso joächächokü jä̧kuȩ.

Efesios 6:24

Tu̧ru̧wa̧ ujuturu rȩrü̧jü̧ toinü̧, repeü beipokümä̧ ukutu o'katoi'ünä̧rü̧ kkü̧nä̧ ku̧jä̧tu̧kua̧ pä'üsä.

Filipenses 1:25

Ja̧'wa̧nü̧ jä̧ku̧ cha̧'kua̧ wȩnä̧rü̧sä̧, ji̧nä̧ ukutu o'katoi'ünä̧ku̧ pi̧jä̧nä̧ chü̧jä̧kua̧sä̧ pä'ü, ukuturu rekuä rü̧ja̧'a̧ttü̧, kua̧'kua̧ wȩnä̧rü̧ yaboku weyejuo'ü kuesewätukua pä'ü.

Romanos 14:17

Isopäi'ünä̧ Ru̧wa̧ Dio uruwo weümä̧ kuäkuäwämä̧kü̧ ja̧'a̧ ja̧'wa̧ta̧nü̧ awäwämä̧kü̧ ja̧'a̧ ja̧'wa̧nü̧ ja̧jü̧jueimä̧ adiu jȩä̧kuä̧wä̧tä̧, rowäkuäwä juiyünä̧ kkä̧kuä̧wä̧tä̧ ja̧'wa̧ta̧nü̧ Epíritu Sa̧tu̧nä̧ eseäkuäwätä ja̧'a̧.

San Juan 14:24

Ttürü eseu repe'okümä̧, ttü chi̧wȩnȩ ukuotokü; ttü chukuokua'a kuä̧ju̧kuä̧'i̧jä̧tu̧ku̧mä̧, ttü chi̧wȩnȩmä̧kü̧, ttürü we'inü̧ Chä'o i̧wȩnȩ ja̧'a̧.

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

2 Corintios 12:4

Paraíso pättomȩ ttȩpi̧nä̧ku̧, jua'attümä̧ ä̧ju̧kui̧nü̧ pi̧jä̧ ttü̧ja̧sa̧rü̧mä̧, ukuokua pä'ümä̧ ya̧tȩrü̧'i̧nä̧ jiäkuäwokü jäwä.

2 Corintios 9:15

¡Dio-rütä esewätüjä̧, adiwä juei jȩtü̧nä̧tä̧ pärowächokü iyina̧'a̧ttü̧!

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

Hechos 16:34

Ja̧'wa̧ta̧nü̧ o'ka'amä̧ ojusodera̧'a̧ o'ipü ttu̧kuȩ iyinä̧u̧; ja̧'wa̧ta̧nü̧ ojusodenä̧ kka̧kuä̧tu̧ku̧ o'katoi'ünä̧ esewinü̧ Dio-rü esetäji'ka̧.

San Juan 14:21

Ttü wedü wȩnȩ kku̧nä̧rü̧, ukuotümä̧, jua̧u̧ ja̧'a̧ ttürü eseu repe'ümä̧. Ja̧'wa̧nü̧ ttürü eseu repe'ürümä̧, Chä'o'i̧nä̧ eseu rȩpȩä̧kua̧; ja̧'wa̧ta̧nü̧ ttü'i̧nä̧ eseu repe'ü, jua̧u̧ru̧ chi̧jȩkuä̧kua̧sä̧.

San Juan 14:15

Isopäi'ünä̧ ttürü eseu repekuätukuttümä̧, wedümä̧ kukuotäkuotüjä̧.

San Mateo 10:37

Jä'orü'i̧nä̧, ja̧ju̧ru̧'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ pä'i'okü; i̧tti̧rü̧'i̧nä̧, ittijuru'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ wokü jä̧kua̧;

1 Corintios 16:22

Ya̧tȩ, Tu̧ru̧wa̧ Jesucrito-rü eseu repe'okümä̧, su̧ro̧pa̧tä̧ wa̧. ¡Tu̧ru̧wa̧mä̧ täkü i̧chä̧kua̧!

Efesios 3:19

Ja̧'wa̧ta̧nü̧ Crito rȩrü̧jü̧ toinü̧ ku̧wo̧juä̧tu̧kuä̧kua̧'a̧nü̧, wo̧juä̧wä̧ u̧wä̧mȩnä̧ ja̧'a̧, Dio ukuturu iya päinü̧mä̧ o'kajuiyü jo̧mȩnü̧tä̧ kuȩmä̧tu̧kua̧ pä'ü.