1 Pedro 1:25 - Nuevo Testamento Uwotjüja

²⁵ Ja̧'wa̧nü̧ ja̧'a̧nä̧ tu̧ru̧wa̧ i̧wȩnȩmä̧ 'kuäopünä̧tä̧ kkü̧, ja̧'wa̧nü̧ ja̧'a̧ttü̧ pi̧yȩ ja̧'a̧ jareü wȩnȩ ukuturu jittäwinü̧mä̧.

TÄ̧DO Ä̧CUÄ̧ I̧HUȨNȨ

²⁵ Ja̧'hua̧nö̧ ja̧'a̧nä̧'i̧nä̧ Tu̧ru̧hua̧ i̧huȩnȩ yoröiso beipächocö, päa'a Huȩyu̧cuä̧ Huȩnȩ. Pi̧yȩtä̧ suronä jȩcu̧'ä̧tu̧cu̧ jȩpö̧ icu huȩnȩ jittähuinömä ucuturu.

1 Pedro 1:25 Referans Kwoze

San Mateo 5:18

Isopäi'ünä̧ pädäu̧jä̧, pi̧jä̧'i̧nä̧, mo̧ro̧jä̧'i̧nä̧, beipächü juiyäimä̧, weäwä wȩnȩttü̧mä̧ juiyo a̧'u̧ku̧ ja̧ pä'ü'i̧nä̧ ȩmü̧mä̧ ikuäwokü jä̧kuȩ, pä'ijümä̧ o'kajuiyünä̧ jo̧mȩnü̧ pa̧ja̧kuä̧chü̧nä̧ päi'omȩbü päi'ünä̧.

1 Juan 1:1

Ä̧kuo̧mȩnä̧tä̧ päi'ünä̧ kki̧nü̧, jua̧u̧nu̧tä̧ päi'ünä̧ ä̧ju̧kui̧nä̧tü̧jä̧, ti'ärenä̧'i̧nä̧ topinä̧tü̧jä̧, tu̧mü̧nä̧'i̧nä̧ mȩ'i̧nä̧tü̧jä̧, jua̧u̧ kkä̧kuä̧wä̧ wȩnȩ jitäumä̧,

2 Pedro 1:19

Pi̧yȩ profeta wotü jittäwinü̧mä̧ isopäi'ünä̧ ja̧'a̧, adiu topü jȩ'kuä̧tu̧ku̧mä̧ ra̧pa̧ra̧ yo̧mȩku̧ tejäda'a jä̧'i̧nü̧'a̧nü̧, mo̧ro̧ juomȩbü päi'ünä̧ ja̧'wa̧ta̧nü̧ mo̧ro̧ päia'a siri'komä̧ tta̧mi̧so'kinä̧ itejäda pä'ü rä'opü.

San Lucas 16:17

Mo̧ro̧jä̧'i̧nä̧, pi̧jä̧ rȩjȩ'i̧nä̧ 'kuäunä̧tä̧ beipächü ja̧'a̧nä̧, weäwä wȩnȩttü̧ a̧'u̧ku̧nä̧tä̧ jü̧ ja̧ pä'ü'i̧nä̧, beipächokü jä̧kuȩ.

Efesios 2:17

Ja̧'wa̧nü̧ jȩpü̧, wȩnȩ juiyünä̧ kkä̧kuä̧wä̧ ukuturu i'kächü iyinü̧, Churutä otó kka̧kuä̧'i̧jä̧tü̧rü̧'i̧nä̧, chutäku tü'kü kka̧kuä̧'i̧jä̧tü̧rü̧'i̧nä̧, jü̧nä̧.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 1:1

Ä̧kuo̧mȩnä̧tä̧ päi'ünä̧ kki̧na̧'a̧ i̧wȩnȩmä̧; ja̧'wa̧ta̧nü̧ i̧wȩnȩmä̧ Dio-kutä kki̧na̧'a̧ ja̧'wa̧ta̧nü̧ i̧wȩnȩmä̧ Dio ji̧na̧'a̧.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

1 Pedro 2:2

Ji̧'chi̧cha̧wa̧ jareünä̧ uwäpächü atate isoya päkuoya pä̧wä̧rü̧jü̧nä̧ usa'a jä̧'i̧nü̧'a̧nü̧ Epíritu jäwä usätukui, ja̧u̧nä̧tä̧ büó juokuätukuomȩnä̧ ra̧wä̧pi̧jü̧ttü̧ kki̧'i̧kuä̧mä̧ ku̧ju̧nä̧rä̧tu̧kua̧,

1 Pedro 1:23

Ja̧'wa̧nü̧ ja̧'a̧ttü̧ ukutumä̧ pä'äjita'anü̧ uwäpächinä̧tü̧jä̧, pi̧yȩnä̧mä̧ kuä̧o̧tu̧ku̧ pi̧jä̧ ttü̧ja̧ 'korujuo'ächätüttümä̧ uwäpächokotüjä̧, ja̧'wa̧nü̧ ja̧jü̧jueimä̧ Dio i̧wȩnȩ toe'ächokü 'kuäopünä̧ kkü̧nä̧tä̧.

1 Pedro 1:12

Ja̧'wa̧nü̧ ja̧'a̧nä̧, Dio-mä̧, jittäu jitütä jäwämä̧ jo̧ka̧'a̧ pä'ü ttu̧wo̧juö̧nä̧ jȩi̧nä̧u̧, ja̧'wa̧nü̧ ja̧jü̧ jueimä̧ ukuturu ppädomȩnä̧tä̧, ja̧'wa̧nü̧ ja̧'a̧ttü̧ pi̧yȩ ja̧'a̧ Epíritu Sa̧tu̧ mo̧ro̧jä̧nä̧ttü̧ wȩ'ä̧wa̧ ujurunä̧ jareü wȩnȩ jiäwinü̧mä̧. ¡Pi̧yȩmä̧ á̧gȩrȩ'i̧nä̧ jȩtta̧ pä'ü tta̧mü̧kuädü ja̧'a̧!

Tito 1:3

Ja̧'wa̧ta̧nü̧ jitämä̧, täkü päinü̧ mo̧ro̧ ja̧'a̧ttü̧, i̧wȩnȩmä̧ ttu̧wo̧jui̧pü̧nä̧ weäwi'ina̧'a̧ jittäu tä̧ju̧kuo̧mȩnä̧ tü̧ä̧nä̧wa̧ Dio ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧ weäwänä̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

1 Corintios 2:2

Ja̧'wa̧ta̧nü̧, ukutuku chü̧ji̧nü̧mä̧ kkoro juei ttukuokuajü jueimä̧, suro Jesucrito ütü'kütä, ü̧jo̧kä̧ jäinä̧ toe'ächinü̧tä̧ ji'äwinü̧sä̧.

Hebreos 6:5

ja̧'wa̧ta̧nü̧ Dio i̧wȩnȩ kkü'kekunä̧ ȩmi̧nä̧tü̧'i̧nä̧, yodoji kkä̧kuä̧wä̧kuȩ ujuru ȩmi̧nä̧tü̧rü̧mä̧ weyekua'a,

Apocalipsis 14:6

Ja̧'wa̧ta̧nü̧ kka̧ra̧ á̧gȩ-rü̧, mo̧ro̧jä̧ ju'tojunä̧ koa'a topinü̧sä̧, jareü wȩnȩ beipokü 'chu̧ä̧rä̧nü̧, pi̧jä̧nä̧ kka̧kuä̧tü̧rü̧, tti̧rȩji̧yä̧ pünä̧, ttawaruwä pünä̧, tti̧wȩnȩ pünä̧ ja̧'wa̧ta̧nü̧ ütawiyä pünä̧ jiäwa pä'ü.