1 Pedro 1:2 - Nuevo Testamento Uwotjüja

² Jä'o Dio amükuädina̧'a̧ku̧ mo̧tä̧ päi'ünä̧ pojopü ȩmi̧nä̧ru̧. Epíritu-nä̧ 'kȩ'ȩpü̧ u̧ju̧ni̧nä̧u̧jä̧ kukuotätukua pä'ü ja̧'wa̧ta̧nü̧ Jesucrito ukuojanä̧ tükü ikuätukuaku pä'ü. Mipponä̧ iyäwä rü̧ä̧chü̧'i̧nä̧, wȩnȩ juiyünä̧ kkä̧kuä̧wä̧'i̧nä̧ ȩmä̧tu̧kui̧.

TÄ̧DO Ä̧CUÄ̧ I̧HUȨNȨ

² Dios täbocö jȩa̧ pä'ö amöcuädinö ta'anö, ucutu ȩmi̧nä̧u̧jä̧. Espíritu Santonä aditö icuinä̧u̧jä̧ ucuturu, hueö ta'anö jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristo ucuojanä töcö icuinä̧u̧jä̧. Dios rö̧ȩnä̧ ppädäcua'a̧nö̧ ucuturu. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ iyäcua'a̧nö̧ ucuturu.

1 Pedro 1:2 Referans Kwoze

2 Tesalonicenses 2:13

Ja̧'wa̧nü̧ ja̧'a̧nä̧ ujutumä̧ 'kuäopünä̧tä̧ Dio-rü teseu'anü̧ ja̧'a̧ ukuturumä̧, Tu̧ru̧wa̧nä̧ tü̧jä̧wa̧tü̧ rȩpȩtä̧u̧jä̧, isopäi'ünä̧ Dio-mä̧ pojopü ȩmi̧nä̧u̧ kuätukua'attü, ra̧wä̧pi̧jü̧ttü̧ kki̧'ä̧kuä̧wä̧ ä̧kuo̧mȩnä̧ kuȩmä̧tu̧kua̧ pä'ü, Epíritu Sa̧tu̧nä̧tä̧ surojü juikuätukunä̧ ppädäkuäwä i̧sa̧nä̧tä̧ ja̧'wa̧ta̧nü̧ isopäi'ünä̧ wȩnȩ kuesetinä̧tu̧ku̧nä̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

Romanos 11:2

Ä̧kuo̧mȩnä̧tä̧ päi'ünä̧, Dio-mä̧ Irae ttü̧ja̧rü̧mä̧ pojopü ȩmi̧nä̧u̧ ji̧na̧'a̧; jitä'i̧nä̧ jäyämä̧ u̧ju̧ni̧'o̧ko̧u̧ ¿ukutumä̧ kuieruwätukua'a Elía-rü 'kuäopinü̧, wȩyu̧kuä̧ wȩnȩnä̧ pä'ijomȩmä̧? Dio-rü jäepinomȩ, Irae ttü̧ja̧rü̧ pä'ünü̧:

2 Pedro 1:2

Mipponä̧ ppädäkuäwänä̧ ja̧'wa̧ta̧nü̧ wȩnȩ juiyünä̧ kkä̧kuä̧wä̧nä̧ rü̧ä̧chü̧nä̧ kka̧kuä̧tu̧kui̧, Dio u̧wo̧juö̧nä̧'i̧nä̧ ja̧'wa̧ta̧nü̧ tu̧ru̧wa̧ Jesú-nä̧'i̧nä̧.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

Romanos 16:26

Ja̧'wa̧nü̧ ji̧na̧'a̧nä̧, jitämä̧ i̧jȩkuä̧chi̧na̧'a̧ profeta winä̧tü̧ tti̧wȩyu̧ti̧nü̧nä̧'i̧nä̧, Dio 'kuäopünä̧tä̧ kkü̧ weinüta'anü̧, i̧jȩkuä̧chi̧nü̧ pi̧jä̧ ttü̧ja̧ o'katoi'ünä̧rü̧, tta̧'kua̧ wȩnä̧rä̧kuä̧wä̧ ttukuota pä'ü.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

San Marcos 13:27

Ja̧'wa̧nü̧ päi'omȩnä̧, chumüwäyotü á̧gȩrȩ-rü pi̧jä̧ rȩjȩ bȩi̧pä̧ra̧'a̧bü o'kajuiyünä̧ päi'ünä̧, Ttütä chȩmi̧nä̧u̧ru̧ ttü̧ka̧ka̧ta̧ pä'ü wȩdä̧kua̧sä̧.

San Marcos 13:20

Isopäi'ünä̧ Tu̧ru̧wa̧ ji̧yȩnü̧ mo̧ro̧ be'ädü iku juiyüttümä̧ o'katoi'ünä̧ kki̧'o̧ko̧tü̧ pa̧ja̧tü̧; ja̧'wa̧nü̧ ja̧'a̧nä̧ jitü ȩmi̧nä̧u̧ jäwänä̧ mo̧ro̧mä̧ be'ädü i̧kuä̧kua̧.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

Romanos 16:19

Isopäi'ünä̧ o'katoi'ünä̧tä̧ wo̧juä̧tü̧ Dio-rü kukuotätukumä̧. Ja̧'wa̧nü̧ ja̧'a̧ttü̧ ukuturu eseusä, ku̧wo̧juä̧tu̧ku̧mä̧ adiutä jȩpä̧tu̧kui̧ pä'ü, surojümä̧ jȩ'kuä̧tu̧kuä̧ pä'ü.

Romanos 8:33

¿Ditä jä̧kua̧'a̧jä̧ttü̧ Dio pojopü ȩmi̧nä̧u̧ru̧, suronä̧ jȩpi̧nü̧jä̧ pä̧kua̧mä̧? Suronä̧ wotürü aditü ikumä̧, Dio-tätä ja̧'a̧mä̧.

San Lucas 18:7

Ja̧'wa̧nü̧ wokü'i̧nä̧ jȩi̧na̧'a̧mä̧, ¿Dio ȩmi̧nä̧u̧ru̧mä̧, mo̧ro̧'i̧nä̧, yodo'i̧nä̧ jä̧'ȩpä̧tü̧rü̧mä̧ ppä'ädokü jä̧kua̧? ¿rekuo tta̧ttä̧rü̧nä̧ jȩä̧kua̧'a̧ ja̧'a̧?

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 24:22

Ja̧'wa̧nü̧ ja̧'a̧nä̧, ja̧'wa̧nü̧ jä̧kuȩ mo̧ro̧ Dio be'ädü iku juiyüttümä̧, ya̧tȩ'i̧nä̧ surojüttümä̧ ü̧ji̧pü̧ juiya'anü̧ ja̧'a̧; ja̧'wa̧nü̧ ji̧yä̧ku̧ jua̧u̧ mo̧ro̧mä̧ ȩmi̧nä̧u̧ru̧ rettü be'ädü i̧kuä̧kua̧.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.

Hebreos 11:28

A̧'kua̧ u̧wȩnä̧ra̧'a̧ttü̧, Moisé-mä̧ Pacua pä'käri jȩpü̧, äpatiyänä̧ ttukuoja tuttepe'a pä'ü we'inü̧, jua'amä̧ Irae ttü̧ja̧ tti̧tti̧mü̧ ä̧kuo̧mȩnä̧ isotürü, wa'are i̧sa̧ á̧gȩ mȩü̧ juiya pä'ü.

Romanos 15:16

Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.

Romanos 8:13

Isopäi'ünä̧ kuidepä pä̧wä̧rü̧ja̧'a̧ku̧ ku̧ja̧kuä̧tu̧kuo̧mȩnä̧mä̧ wa'ü kuikuäkuotüjä̧. Ja̧'wa̧nü̧ ja̧'a̧nä̧ Epíritu Sa̧tu̧ ujurunä̧, jua̧u̧ kuidepä weü si'eku kuikuätukuttümä̧ kkä̧kuä̧wä̧ ku̧ju̧nä̧rä̧kuo̧tü̧jä̧.

Romanos 1:7

Ukutu Roma-nä̧ kka̧kuä̧tü̧ o'katoi'ünä̧, Dio surojü juiyünä̧ ku̧jä̧tu̧kua̧ pä'ü pojopü ȩmi̧nä̧u̧ru̧ pä'üsä: Jä'o Dio ja̧'wa̧ta̧nü̧ Tu̧ru̧wa̧ Jesucrito iyü adiwä juei wȩnȩ juiyü kkä̧tu̧kua̧ku̧ pä'üsä.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

Hechos 15:18

pä'ü Tu̧ru̧wa̧mä̧, pi̧yȩmä̧ mo̧ täbokütä päi'ünä̧, ttu̧wo̧juö̧nä̧ ukuokuinü̧ ja̧'a̧ttü̧.

Judas 1:2

Ttü pä̧wä̧rü̧jä̧ku̧sä̧ Dio repeü'i̧nä̧, eseu'i̧nä̧, wȩnȩ juiyünä̧ kkä̧kuä̧wä̧'i̧nä̧ ukutunä̧ kka̧ pä'ü.

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

2 Corintios 13:14

Tu̧ru̧wa̧ re ü̧ji̧nü̧mä̧, Dio eseu repeümä̧ ja̧'wa̧ta̧nü̧ Epíritu Sa̧tu̧mä̧ ukutunä̧ ü̧jü̧mä̧ o'katoi'ünä̧ kkä̧tu̧kua̧ku̧ pä'üsä.

2 Corintios 10:5

ttü̧ja̧ ttu̧wo̧juö̧'i̧nä̧, Dio-rü wo̧jui̧'ü̧ jui'ü rowäwäkuäwä'i̧nä̧ o'kajuiyütä si'epü iku, 'chu'ädü rütü yaboku 'chä̧tü̧jä̧ Crito-rü ukuotümä̧,

Romanos 11:28

Ja̧'wa̧nü̧ ja̧'a̧ttü̧, jareü wȩnȩnä̧mä̧ ttaboiyotü wotü ukutu jäwänä̧; ja̧'wa̧nü̧ ja̧'a̧nä̧ 'kȩ'ȩpü̧ ȩmi̧nü̧ jäwänä̧mä̧, Dio-mä̧ rȩpȩä̧u̧ ttä̧do̧tü̧ mi̧nä̧ jäwänä̧.

Hechos 20:32

Ja̧'wa̧nü̧ ja̧'a̧ttü̧ chawaruwä chü̧jä̧wa̧tü̧ Dio u̧mü̧nä̧ wedipä̧u̧jä̧ ja̧'wa̧ta̧nü̧ rettü iyipinü̧ i̧wȩnȩnä̧. Jua̧u̧tä̧tä̧ ja̧'a̧ Epíritu jäwänä̧ buojuokuätukunä̧ ppä̧dä̧kua̧mä̧ ja̧'wa̧ta̧nü̧ Chutä ȩmi̧nä̧u̧ o'katoi'ünä̧rü̧ chi̧yä̧kua̧sä̧ pä'inü̧, iyümä̧.

Tito 1:1

Pauru wȩyu̧tu̧ weinü̧, Dio u̧mü̧wä̧ya̧ ja̧'wa̧ta̧nü̧ Jesucrito u̧mü̧wä̧ya̧ apóto jü̧nä̧, chutä weinä̧ku̧ Dio pojopü ȩmi̧nä̧u̧ tta̧'kua̧ wȩnä̧rä̧kuä̧wä̧ tti̧rȩbȩwi̧ya̧rü̧ pä'ü ja̧'wa̧ta̧nü̧ isopäi'ünä̧ wȩnȩ ujutu tesetü jäwä ttu̧wo̧jui̧pi̧ya̧rü̧ pä'ü,

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

San Marcos 13:22

Isopäi'ünä̧, Crito i̧mi̧nä̧ yaparewätü'i̧nä̧, profeta tti̧mi̧nä̧ yaparewätü'i̧nä̧ ttichäkuotü, jȩtto̧kü̧ ja̧jü̧juei'i̧nä̧ jȩttä̧kuo̧tü̧, ja̧'wa̧nü̧ jȩpü̧ Tu̧ru̧wa̧ ȩmi̧nä̧u̧ru̧'i̧nä̧ ttesetipünä̧ jȩtta̧ pä'ü tta̧mü̧kuädäkuotü.

San Mateo 24:31

Ja̧'wa̧ta̧nü̧ jua̧u̧mä̧ umüwäyotü á̧gȩrȩ-rü wȩä̧kua̧, trompeta-ku pä̧i̧ku̧nä̧ rä̧mi̧pü̧nä̧ ȩmi̧nä̧u̧ru̧, pi̧jä̧ pa̧ja̧ku̧nä̧ ttü̧ka̧ka̧ta̧ pä'ü.

2 Juan 1:13

Ukutu kuawaruwä kui̧jä̧wa̧tü̧ ji̧nä̧ ji̧yȩtȩ wotümä̧ ja̧'wa̧ta̧nü̧ Dio pojopü ȩmi̧nä̧u̧mä̧ tti̧wȩnȩnä̧ te'äu wȩttä̧u̧jä̧.

2 Juan 1:1

Igresia-ttü ukuo i̧sa̧mä̧, Dio pojopü ȩmi̧nä̧u̧rü̧ jua'atäku ja̧u̧nä̧tä̧ kka̧kuä̧tü̧rü̧ te'äusä. Isopäi'ünä̧ eseu repedä̧u̧jä̧; ja̧'wa̧ta̧nü̧ ttütämä̧kü̧, ja̧u̧ ja̧jü̧jueimä̧ o'katoi'ünä̧ isopäi'ünä̧ wȩnȩ wo̧jui̧'i̧nä̧tü̧'i̧nä̧.

1 Pedro 1:14

Ukuotäkuäwä i̧tti̧mü̧ jü̧nä̧, Dio-rü ku̧wo̧juä̧tu̧kuä̧kua̧'a̧ ä'kanä̧ kkü'kekuinü̧nä̧mä̧ ku̧jä̧tu̧kuä̧.

1 Pedro 1:19

Ja̧'wa̧nü̧ ja̧jü̧jueimä̧ Crito ukuojanä̧ cordero jä̧'i̧nü̧'a̧nü̧ surojü'i̧nä̧ jui̧'a̧nä̧, surojuoepü'i̧nä̧ wokütä sacrificio jü̧nä̧ iyäwinü̧.

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.