1 Pedro 1:18 - Nuevo Testamento Uwotjüja

¹⁸ Ja̧'wa̧nü̧ ja̧'a̧ttü̧ Dio-mä̧ ukuturu rä'epü ikuinä̧u̧jä̧ ku̧tä̧mü̧mi̧nä̧tu̧ku̧ pä̧wä̧rü̧ja̧'a̧ku̧ ttü̧ja̧kui̧nü̧ ku̧jä̧tu̧kua̧'a̧nä̧; ukutumä̧ adiu wo̧juä̧tü̧jä̧ rä'epü ikuinü̧ mikuämä̧ kkorojuei toe'ächa'anü̧ jü̧, oro-nä̧mä̧, pärätänä̧mä̧ mitäwoka'a ji̧na̧'a̧.

TÄ̧DO Ä̧CUÄ̧ I̧HUȨNȨ

¹⁸ Ucutumä cuä̧do̧tö̧ mi̧nä̧ suronä jȩpö̧ kä̧nö̧, ttö̧ja̧cui̧nö̧'a̧nö̧ cu̧ja̧cuä̧tu̧cuo̧mȩnä̧, suronä jȩcu̧'i̧nä̧tu̧cu̧ jȩpö̧ icuinä̧u̧jä̧ Dios. Ucutu huo̧juä̧tö̧jä̧, ja̧'hua̧nö̧ suronä jȩcu̧'i̧nä̧tu̧cu̧ jȩpö̧ icuomenä, pi̧jä̧ beipächö jähuättömä, oro'inä, pärätä'inä mitömä ȩmo̧co̧u̧ pi̧nä̧tö̧jä̧.

1 Pedro 1:18 Referans Kwoze

1 Corintios 6:20

Isopäi'ünä̧ Dio-mä̧ mitäu ȩmi̧nä̧u̧jä̧; ja̧'wa̧nü̧ ja̧'a̧ttü̧ kuidepätuku jättäpäyotü'i̧nä̧, kua̧'kua̧rü̧ i̧sa̧nä̧'i̧nä̧, Dio-rü eseäkuäwätukui, jua̧u̧mä̧ Dio jäwätä ja̧'a̧ttü̧.

1 Corintios 7:23

Ukutumä̧ Dio mitäu ȩmi̧nä̧u̧jä̧; Ttü̧ja̧ ttu̧wo̧juȩtä̧u̧ esclavo pä̧ttä̧u̧ jü̧nä̧ juokuächätukuä.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Efesios 4:17

Ja̧'wa̧nü̧ ja̧'a̧ttü̧ ukuturu pä'üsä, Tu̧ru̧wa̧ i̧mi̧nä̧ jä'epünü̧: täkü, ukutumä̧ Dio-rü esetokotü ttü̧jü̧'a̧nü̧mä̧ ku̧ja̧kuä̧tu̧kuä̧, juätümä̧ ttamu̧kuäda'akutä surojü jȩpü̧ kka̧kuä̧tü̧,

Romanos 1:21

Ja̧'wa̧nü̧ Dio-rümä̧ ttu̧wo̧jui̧na̧'a̧nä̧, Dio-rü ttü̧ä̧nä̧wa̧ jü̧nä̧ tteseäkuäwoka'a, ye adiwa'a pä'ü'i̧nä̧ pä'ü jui'ü, jitütä ttamu̧kuäda'akutä surojuottächa'attü, adiu tta̧mü̧kuädokomȩnä̧ tta̧mi̧so'ki yo̧ä̧chi̧nä̧u̧.

1 Pedro 4:3

Ukutumä̧ rekuo mo̧ro̧ judío pokotü jȩttä̧'i̧jü̧ jȩpi̧nä̧tü̧jä̧ ja̧'wa̧ta̧nü̧ kukuojatuku juoächünä̧tä̧, surojü kkü'kekunä̧tä̧, pä'kärinä̧tä̧, tä̧mä̧'chä̧kuä̧wä̧nä̧tä̧ ja̧'wa̧ta̧nü̧ kkü'käwokü tturuwo juoekuänä̧tä̧ kka̧kui̧nä̧tü̧jä̧.

1 Pedro 1:7

Isopäi'ünä̧ kua̧'kua̧ ku̧wȩnä̧rä̧tu̧ku̧mä̧ oro jä̧'i̧nü̧'a̧nü̧ jü̧: üadiwämä̧ ukuränä̧ kka̧kuä̧mü̧ tottü jä̧'i̧nü̧'a̧nü̧ ja̧'a̧. Tta̧'kua̧ wȩnä̧rü̧ tta̧mi̧ 'kittächi'ümä̧ oro toe'ächüttü'i̧nä̧ u̧wä̧mȩnä̧nü̧ mikuäu ja̧'a̧. Ja̧'wa̧nü̧ ja̧'a̧ttü̧ Jesucrito i̧jȩkuä̧cho̧mȩnä̧mä̧ Dio-rü kua̧'kua̧ ku̧wȩnä̧rä̧tu̧ku̧mä̧ adiutä ttukuokuäkuotü, isopäi'ünä̧ tta̧'kua̧ wȩnä̧rä̧kuä̧wä̧ kka̧kuä̧mü̧ toäkuäwänä̧ 'kuäopümä̧, ttesewa pä'ü jü̧ ja̧'a̧.

1 Corintios 3:20

Ja̧'wa̧ta̧nü̧ pä'a: «Tu̧ru̧wa̧mä̧ wo̧jua̧, wo̧juä̧wä̧ wȩnȩ kku̧nä̧rä̧tü̧ ttu̧wo̧juö̧mä̧, suräjuä wȩnȩtä̧ ja̧'a̧ pä'ü.»

Hebreos 9:12

Ja̧'wa̧ta̧nü̧ cabrío pä̧ttä̧u̧, pä̧kä̧yü̧ ppo̧'ä̧tü̧ ttukuoja'i̧nä̧ ttȩpa̧jü̧ jueimä̧ Chutä a̧mü̧nä̧ pa̧ja̧tü̧ ukuoja ȩpi̧nü̧, I̧so̧ka̧ Rü̧ȩnä̧ Ro̧ka̧nä̧, ya'utenä̧tä̧ do'ächinü̧ 'kuäopünä̧tä̧ mikuäwa pä'ü, surojü mikuäwächünä̧ mitäu kä'ädäji̧'ka̧mä̧.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

San Marcos 8:37

Ja̧'wa̧ta̧nü̧, ¿däjenä̧ i̧mi̧tü'anü̧ttü̧, ttü̧ja̧sa̧ a̧'kua̧rü̧ mikuämä̧?