1 Pedro 1:15 - Nuevo Testamento Uwotjüja

¹⁵ Ja̧'wa̧nü̧ ja̧jü̧jueimä̧, jo̧mȩnü̧ surojü juiyünä̧ kka̧kuä̧tu̧kui̧, isopäi'ünä̧ Dio ukuturu wopinü̧mä̧, surojü jui̧'a̧ jo̧mȩttü̧.

TÄ̧DO Ä̧CUÄ̧ I̧HUȨNȨ

¹⁵ Pärocua'acu, adiunätä jȩpö̧ ka̧cuä̧tu̧cui̧. Dios, ucuturu ȩmi̧nö̧mä̧, yoröiso adiunätä jȩpö̧.

1 Pedro 1:15 Referans Kwoze

San Mateo 5:48

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

Hebreos 12:14

O'katoi'ünä̧ku̧ wȩnȩ juiyünä̧ ku̧jä̧tu̧kua̧ usätukui, surojü juiyünä̧ kka̧kuä̧tu̧kui̧; jua̧u̧ juiyünä̧mä̧, Tu̧ru̧wa̧rü̧mä̧ toäkuäwoka'a jä̧kua̧'a̧.

Santiago 3:13

Ukututtü ya̧tȩ wo̧juȩku̧nä̧ amükuädü ja̧'wa̧ta̧nü̧ wo̧jui̧pä̧rü̧ ü̧jü̧ttü̧mä̧, ukuo teäkuäwoka'a adiu jȩpü̧ kkä̧nü̧ i̧jȩpü̧'a̧nü̧ ja̧'a̧ u̧wo̧juö̧ wȩnȩ iyäwi'inü̧mä̧.

1 Juan 3:3

O'katoi'ünä̧ jua̧u̧ru̧ a̧mü̧kuä̧rü̧ tta̧'a̧rä̧tü̧mä̧, surojü adikuäkuäu ikuätü, jua'amä̧ Chutä Jesú'i̧nä̧ surojü jui̧'a̧ ja̧'a̧ttü̧.

1 Pedro 2:12

Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.

Hebreos 13:5

Pärätänä̧mä̧, juiyomä̧ kua̧'kua̧ rokuekuätukuä; ku̧ju̧nä̧rä̧tu̧ku̧tä̧ esewätukui, Dio-mä̧ pä'inü̧: «usurä kuȩmä̧u̧nä̧mä̧ chikuipokoku jä̧kua̧jä̧»;

Tito 3:14

Ja̧'wa̧ta̧nü̧ ujututtümä̧ adiu jȩä̧kuä̧wä̧'i̧nä̧ tawaruwä rekuä rü̧jä̧u̧ru̧ ppädäkuäwä'i̧nä̧ ttu̧wo̧jui̧'ü̧'a̧nü̧ ja̧'a̧, ja̧'wa̧nü̧tä̧ ttü̧jü̧nä̧mä̧ ppädäkuäwä isotü ttäkuotü.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

2 Timoteo 1:9

Dio-mä̧ surojüttü tü̧ji̧pü̧nä̧ ppädinä̧u̧jä̧, ja̧'wa̧nü̧ ppä'ädü umüwäyotü surojü jui'ätü jü̧nä̧ woinä̧u̧jä̧, ujutu adiu jȩtü̧nä̧mä̧kü̧ ja̧'wa̧nü̧ ja̧jü̧ jueimä̧ Dio ä̧kuo̧mȩnä̧ttü̧ kkä̧mä̧dü̧ rȩrü̧jü̧ topü Jesucrito-nä̧ amükuädü uju̧ni̧nü̧'a̧kuä̧ ji̧na̧'a̧.

1 Timoteo 4:12

Ya̧tȩ'i̧nä̧ mü̧ä̧ya̧ pä'ü kkü'kü jui'ü pättä'cha'anä̧mä̧ kuiyäwä; ja̧'wa̧nü̧ ja̧jü̧ jueimä̧ kukuokunä̧'i̧nä̧, jȩpü̧ku̧ju̧nä̧'i̧nä̧, eseu repekunä̧'i̧nä̧, kua̧'kua̧rü̧nä̧'i̧nä̧, kua̧'kua̧ ku̧wȩnä̧rü̧nä̧'i̧nä̧, ja̧'wa̧ta̧nü̧ surojü juiyünä̧tä̧ ku̧ju̧ta̧'a̧nü̧ Crito-rü esetätümä̧ jȩpü̧ ttü̧jä̧kua̧'a̧nü̧ jȩpü̧ kkä̧wi̧.

Filipenses 3:20

Ja̧'wa̧nü̧ ja̧'a̧nä̧ ujutumä̧ mo̧ro̧jä̧ ttü̧ja̧jä̧, jua'attü Tu̧ru̧wa̧ ra̧wä̧pi̧jü̧ttü̧ rä'epü ikuinü̧ Jesucrito-rü icha'a tetäwäkuotüjä̧.

Filipenses 3:14

Chi̧rȩbȩwa̧ pä'ü jȩpü̧ kku̧nä̧wo̧mȩ chi̧rȩbȩwa̧ pä'ü ususä, mo̧ro̧jä̧ jäwä Dio woinü̧nä̧ Chu̧ru̧wa̧ Jesucrito-nä̧ chȩma̧ pä'ü.

Apocalipsis 6:10

Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

1 Pedro 3:16

Ja̧'wa̧nü̧ ja̧'a̧nä̧ ukuo tekuäwätukuoka'a ukuotünü̧ jȩpü̧ adiwomȩnä̧ amükuädätukui, Crito-rü esetätü jü̧nä̧ adiu ku̧jä̧tu̧kuo̧mȩnä̧ suronä̧ ukuokuä'ijätümä̧, jitütä tti̧wȩnȩnä̧ dä'ättuttäkua'anü̧.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

1 Tesalonicenses 2:12

Jitäwä'i̧jä̧u̧jä̧ Dio i̧tti̧mü̧ ttü̧ja̧ku̧'a̧nü̧ ku̧ja̧kuä̧tu̧kuä̧kua̧'a̧nü̧, ttu̧ju̧nä̧ra̧ pä'ü woinä̧u̧ jü̧nä̧.

Apocalipsis 4:8

Juätü pa̧ja̧kuä̧nü̧ wotü a̧'kua̧rä̧tü̧ ya̧ku̧nä̧mä̧, kko̧ro̧mü̧ttü̧nü̧ ya'ute jo̧mȩnä̧ ttujuabiyämä̧ kku̧nä̧ri̧nä̧tü̧, ttü'äriyämä̧ wä̧mȩnä̧'i̧nä̧ jakuänä̧'i̧nä̧ o'kajuiyünä̧tä̧ kka̧kui̧nä̧u̧. Juätümä̧ mo̧ro̧'i̧nä̧, yodo'i̧nä̧ kättädi'oka'a 'kuäopünä̧tä̧ ra̧'i̧nä̧tü̧: Sa̧tu̧ wa̧, Sa̧tu̧ wa̧ Tu̧ru̧wa̧mä̧, Dio o'kajuiyünä̧tä̧ ju̧ru̧wa̧mä̧, «Jua̧u̧tä̧tä̧ ja̧'a̧ 'kuäopünä̧tä̧ kki̧nü̧mä̧, jitä'i̧nä̧ kkü̧mä̧, yodoji'i̧nä̧ i̧chä̧kua̧mä̧.»

Romanos 9:24

Ja̧'wa̧nü̧ ja̧'a̧ttü̧ woinä̧u̧jä̧ Dio-mä̧ suro, judío ttütämä̧kü̧ ja̧'wa̧ta̧nü̧ judío pokotürü'i̧nä̧, jü̧nä̧.