1 Juan 5:8 - Nuevo Testamento Uwotjüja

⁸ Epíritu Dio weinä̧ku̧'i̧nä̧, ajiya bautizo jȩä̧kuä̧wi̧nü̧'i̧nä̧ ja̧'wa̧ta̧nü̧ ukuoja, ü̧jo̧kä̧ jäittü werächinoya'i̧nä̧, jü̧nä̧. Ja̧'wa̧nü̧ ja̧'a̧ttü̧, pi̧yȩ [wäbodäkuänä̧ jo̧mȩnä̧ jü̧mä̧, ji̧nä̧ ji̧yȩtȩtä̧ jiäwa'a.]

TÄ̧DO Ä̧CUÄ̧ I̧HUȨNȨ

⁸ Ja̧'hua̧ta̧nö̧ pi̧jä̧nä̧ ji'ähuätömä, huämetucuä ja̧'a̧: Espíritu Santo'inä, ajiya'inä, ucuoja'inä. Jahuätö huämetucuä ji̧nä̧ ji̧yȩtȩ ji'ähuätö.

1 Juan 5:8 Referans Kwoze

San Juan 15:26

Ja̧'wa̧nü̧ ja̧'a̧nä̧, ppädäkuäwä i̧sa̧, Chä'ottü wedäku, isopäi'ünä̧ jueünä̧ i̧sa̧ Epíritu, Chä'ottü ichomȩnä̧tä̧, jä̧kua̧'a̧ ttü chütü'kü jiäwäkua'amä̧.

1 Pedro 3:21

Ja̧'wa̧nü̧ ja̧'a̧ttü̧ ajiya ji̧no̧yamä̧ bautizo päwoya jü̧nä̧ wȩnȩkuä̧chi̧na̧'a̧, jitämä̧ ja̧u̧nä̧tä̧ suronä̧ jȩtä̧i'jü̧ttü̧mä̧ kka̧kui̧pä̧tü̧jä̧. Bautizo-mä̧ jättäpäyotümä̧ tükächi'okü, ja̧'wa̧nü̧ ja̧jü̧jueimä̧ adiu amükuädütä Dio-rümä̧ jä'epätukui, Jesucrito tto'ächäji̧'ka̧,

Romanos 8:16

Jua̧u̧ Epíritu-tätä ja̧'a̧, ujutunä̧ kkü̧ Epíritu-ru ji'äumä̧, Dio i̧tti̧mü̧jä̧ pä'ü.

San Marcos 14:56

Ja̧'wa̧nü̧ jȩpü̧, jua̧u̧ ütü'kümä̧ rekuätü yapareu ji'äwinä̧tü̧, jittäwa'anä̧, jittäumä̧ yorätewächi'okotü pinä̧tü̧.

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

Hechos 15:15

Pi̧yȩmä̧ profetas tti̧wȩyu̧ti̧nü̧nä̧ pa̧'a̧nü̧ pä'ijü'akuätä ja̧'a̧:

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

Hebreos 13:12

Ja̧'wa̧nü̧ ji̧nü̧ta'anü̧, Jesú-mä̧ Jerusarȩ́ ütawiyä u̧mi̧ttü̧ 'korujuo'ächinü̧, chutä ukuojanä̧, ȩmi̧nä̧u̧ suronä̧ jȩttä̧'i̧jü̧ Dio jȩpü̧ ikua pä'ümä̧.

Hebreos 6:4

Isopäi'ünä̧ weyekua'a, ya'utenä̧ tȩya̧u̧ kkȩdȩ'ä̧u̧, Dio mippoünä̧ iyü kkü'kü, Epíritu Sa̧tu̧rü̧ ȩmi̧nä̧tü̧ ppa̧ttä̧cha̧ pä'ümä̧,

San Juan 19:34

Ja̧'wa̧nü̧ ja̧'a̧nä̧, su̧ro̧do̧u̧ttü̧ ya̧tȩ, i'esubänä̧ dakuodänä̧ tawomȩnä̧, ukuojamä̧ ajiyakutä werächi'ina̧'a̧.

1 Juan 5:9

Ujutumä̧ ttü̧ja̧ pättütä mikuäunä̧ esetätüjä̧ ja̧'wa̧nü̧ ja̧'a̧nä̧ jua'a yabonä̧ mikuäunä̧ esetätüjä̧ Dio päümä̧, Chutä I̧tti̧ ütü'kü jiäwa'attü.