1 Juan 5:4 - Nuevo Testamento Uwotjüja

⁴ O'katoi'ünä̧ Dio-ttü uwäpächinä̧tü̧mä̧ pi̧jä̧ jäwä surojü kkȩdü̧ ikuätü. Ja̧'wa̧ta̧nü̧ o'katoi'ünä̧ Jesucrito-rü tta̧'kua̧ wȩnä̧rä̧tü̧mä̧ pi̧jä̧ jäwä surojü abo 'kuä'o'ätü.

TÄ̧DO Ä̧CUÄ̧ I̧HUȨNȨ

⁴ O'ca toi'önä Dios i̧tti̧mö̧ pi̧jä̧ jähuättö'inä abonänö juruhuätö. Ja̧'hua̧nö̧ ja̧'a̧ adiu tesetomenä, pi̧jä̧ jähuättö'inä abonänö juruhuätöjä.

1 Juan 5:4 Referans Kwoze

1 Corintios 15:57

¡Ja̧'wa̧nü̧ ja̧'a̧nä̧, Dio-rü esewätüjä̧, Tu̧ru̧wa̧ Jesucrito-nä̧tä̧ kkȩdü̧ ikuäwä iyina̧'a̧ttü̧!

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

1 Juan 3:9

O'katoi'ünä̧ Dio-ttü uwäpächinä̧tü̧mä̧ surojümä̧ jȩpü̧ kko̧ko̧tü̧, Dio i̧tti̧mä̧ juätünä̧ ü̧ja̧'a̧ttü̧. Surojümä̧ jȩpü̧ ttü̧jü̧ juiyünä̧ jä̧u̧, Dio-ttü ttuwäpächina̧'a̧ttü̧.

1 Juan 5:5

Jesucrito-mä̧ Dio I̧tti̧ ja̧'a̧ pä'ü esetümä̧ pi̧jä̧ jäwä surojü kkȩdü̧ iku.

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.

Apocalipsis 2:11

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Wȩnȩttü̧ abo 'kuä'o'ü iso juo'epürümä̧, yȩnȩta̧'a̧nü̧ wa'ü ikuäwämä̧ wa'ü ikuokü jä̧kua̧.

Apocalipsis 3:12

Isó juo'epü surojü abo 'kuä'o'ürümä̧ chu̧ru̧wa̧ Dio-rü ukuokuäkuäwode 'chu̧ä̧rä̧'ka jü̧nä̧ jȩchä̧kuä̧u̧, juorümä̧ yoriso rättopü juiyünä̧tä̧; ja̧'wa̧ta̧nü̧ juätürümä̧ chü̧ä̧nä̧wa̧ Dio i̧mi̧'i̧nä̧, jareü ütawiyä Jerusarȩ́ mo̧ro̧jä̧ra̧'a̧ Dio-ttü ichü i̧mi̧'i̧nä̧, jareünä̧ chi̧mi̧'i̧nä̧ wȩyu̧tu̧ chü̧tä̧kua̧sä̧.

Apocalipsis 2:26

Ja̧'wa̧nü̧ ja̧'a̧ttü̧ surojü abo 'kuä'o'ü rüjí mo̧ro̧bü päi'ünä̧ ttü chaditäwä 'chu̧'ä̧rä̧kuä̧u̧ru̧mä̧, ttü̧ja̧ tti̧rȩji̧yä̧ o'kajuiyünä̧ wettünä̧ ttukuo chi̧yä̧kuä̧u̧,

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

Apocalipsis 15:2

Ja̧'wa̧ta̧nü̧ topinü̧sä̧, rü̧ä̧ dubora i̧sä̧yu̧ jäwä jä̧'i̧nü̧'a̧nü̧ säruwora, okuräku wiwakua'a jä̧'i̧nü̧'a̧nü̧ jora; juora jäyoranä̧ kka̧kui̧nä̧tü̧, i̧sa̧ büó betia-rü abó 'kuä'o'inä̧tü̧, jua̧u̧ i̧mi̧ número ttütatü pä'ü we'äkuäwokotü pinä̧tü̧, ja̧'wa̧ta̧nü̧ a̧'kua̧juä̧ jü̧nä̧ tätäwä'karü'i̧nä̧ ttiwe'kiyunä̧ pȩjä̧mü̧ esewokotü pinä̧tü̧, juätürü Dio-mä̧ arpa pättü iyinä̧u̧ ji̧na̧'a̧.

Apocalipsis 2:7

Ä̧ju̧kuä̧kuä̧wä̧ kku̧nä̧rü̧mä̧, Dio i̧sa̧ Epíritu igresia wotürü jiäu ä̧ju̧kui̧: Pi̧yȩ Isó juo'epürümä̧, kkä̧kuä̧wä̧ dauttü ukua pä'ü chi̧yä̧kua̧, Dio ü̧jo̧mȩ paraíso pättomȩ kkä'ko kkäittü.

Apocalipsis 2:17

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Surojü abo 'kuä'o'ü iso juo'epürümä̧, maná pättü dajü kku̧nä̧wä̧ttü̧ ukua pä'ü chi̧yä̧kua̧; ja̧'wa̧ta̧nü̧ ido'ki a̧'u̧kuo'ki teo'ki'i̧nä̧ chi̧yä̧kua̧, ji̧yȩtȩ i̧mi̧ jareü wȩyu̧kua̧'a̧ po̧'ki, jua̧u̧ i̧mi̧mä̧ ya̧tȩ'i̧nä̧ jȩru̧pa̧, chutä juo'ki ȩmü̧tä̧tä̧ u̧wo̧juä̧kua̧.

San Juan 1:13

Ja̧'wa̧nü̧ ja̧'a̧ttü̧, juätümä̧ pi̧jä̧ ttü̧ja̧ ttukuojanä̧mä̧, ttidepä jäwänä̧mä̧ uwäbe'o̧ko̧u̧ pinä̧tü̧; pärokuä Dio jäwänä̧, Churutä pä̧wä̧rü̧jo̧mȩnä̧ uwäbe'i̧nä̧u̧.

San Juan 3:3

Jesú-mä̧ jua̧u̧ru̧ pä'inü̧: —Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.

1 Juan 2:29

Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.

1 Juan 5:18

O'katoi'ünä̧ Dio-ttü uwäpächinä̧tü̧mä̧ surojümä̧ jȩpȩ'ü̧ kko̧ko̧tü̧. Jua'amä̧ Dio I̧tti̧tä̧ tta̧wä̧ra̧'a̧ttü̧, äwettä mȩü̧ juiyünä̧.