1 Juan 4:17 - Nuevo Testamento Uwotjüja

¹⁷ Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.

TÄ̧DO Ä̧CUÄ̧ I̧HUȨNȨ

¹⁷ Diosttö repeähuä jo̧mȩ päi'önä rö̧ä̧cha̧'a̧ ujuturu, Dios ttö̧ja̧rö̧ pojocuä mo̧ro̧ päi'omenä, yecuäcuähuä juiyönä tesehua pä'ö, pi̧jä̧nä̧ tö̧ja̧'a̧ttö̧ Jesucristo ö̧jö̧ ta'anö.

1 Juan 4:17 Referans Kwoze

1 Juan 4:12

Dio-mä̧ ya̧tȩ'i̧nä̧, yorisotä tookoku ja̧'a̧nä̧; ujutu yotükupünä̧ eseu repetäkuäuttümä̧, Dio-mä̧ ujutunä̧ kkü̧ ja̧'wa̧ta̧nü̧ Jua̧u̧ eseu repeü'i̧nä̧ ujutunä̧ kkä̧kua̧'a̧.

1 Juan 2:28

Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.

1 Juan 3:3

O'katoi'ünä̧ jua̧u̧ru̧ a̧mü̧kuä̧rü̧ tta̧'a̧rä̧tü̧mä̧, surojü adikuäkuäu ikuätü, jua'amä̧ Chutä Jesú'i̧nä̧ surojü jui̧'a̧ ja̧'a̧ttü̧.

1 Juan 2:5

Ja̧'wa̧nü̧ ja̧'a̧nä̧ i̧wȩnȩ ukuotü jȩpü̧ kkü̧nä̧tä̧ja̧'a̧, Dio eseu repeü juekuächäkumä̧; ja̧'wa̧nü̧ jo̧mȩttü̧ wo̧juä̧tü̧jä̧ Jua̧u̧nä̧ kkä̧tü̧jä̧ pä'ümä̧.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

San Juan 15:20

Pi̧yȩ pädinü̧ amükuädätukui: Ya̧tȩ ttu̧mü̧wä̧ya̧mä̧, u̧ru̧wa̧ttü̧'i̧nä̧ u̧wä̧mȩnä̧mä̧ wokü ja̧'a̧. Ttürü suronä̧ pä'ü ttusinü̧ta'anü̧, ukuturu'i̧nä̧, suronä̧ pä'ü ttusäkuotü; ttü chi̧wȩnȩ ma̧i̧pü̧ juiyünä̧ ukuoku jȩttä̧'i̧jü̧mä̧, ukuturu'i̧nä̧ ja̧'wa̧ta̧nü̧ jȩttä̧kuo̧tü̧.

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.

2 Pedro 3:7

Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.

2 Pedro 2:9

Tu̧ru̧wa̧mä̧ wo̧jua̧ churutä iyäwinü̧'kotü kka̧kuä̧tü̧rü̧mä̧, ji̧nä̧ iweyettü jȩä̧'chä̧ku̧rü̧ rä'epü ikua pä'ümä̧, ja̧'wa̧ta̧nü̧ wo̧jua̧ suronä̧ jȩpä̧tü̧rü̧ pojokuä mo̧ro̧ päi'omȩnä̧ ro̧ȩpä̧kua̧'a̧ kku̧nä̧rä̧kuä̧wä̧'i̧nä̧.

Santiago 2:22

Ja̧'wa̧ta̧nü̧ Abraha̧-mä̧ Dio-rü a̧'kua̧ i̧wȩnä̧rü̧mä̧, jȩpü̧ i̧jȩpi̧nü̧ ja̧'wa̧nü̧ jȩpü̧tä̧ a̧'kua̧ u̧wȩnä̧rü̧mä̧ jo̧mȩnü̧ jue'ekuächinü̧.

San Mateo 12:36

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧mä̧ o'kajuiyünä̧tä̧ ja̧'a̧tä̧ ttukuokuä'ijümä̧ i̧jȩkuä̧kua̧'a̧.

San Mateo 11:24

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧, ukuturumä̧ sodoma ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 11:22

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ päi'omȩnä̧ ukuturumä̧ Tiro ttü̧ja̧ttü̧'i̧nä̧, Sidón ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 10:25

Ya̧tȩ u̧wo̧juȩtä̧u̧mä̧, u̧ru̧wa̧ wo̧juȩtü̧ jo̧mȩbütä i̧rȩbȩwo̧mȩnä̧mä̧ täkü adiwa'a ja̧'wa̧ta̧nü̧ ya̧tȩ u̧mü̧wä̧ya̧mä̧ u̧ru̧wa̧ jo̧mȩbütä wa̧ jo̧mȩnä̧mä̧ adiwa'a. Isopäi'ünä̧ isode u̧ru̧wa̧rü̧'i̧nä̧ Beelzebú pä'ü ottina̧'a̧mä̧, ukutu chumüwäyotürümä̧, juȩnȩ abonä̧nü̧ jä̧kua̧'a̧.

San Mateo 10:15

Isopäi'ünä̧ pädäu̧jä̧, ü'ojo'ü mo̧ro̧ päi'omȩnä̧mä̧ Sodoma rȩjȩ ttü̧ja̧rü̧ ji̧no̧mȩttü̧'i̧nä̧, Gomorra rȩjȩ ttü̧ja̧rü̧ ji̧no̧mȩttü̧'i̧nä̧ abonä̧nü̧ usurä ttȩmä̧wä̧kuo̧tü̧ juȩnȩ ütawiyä ttü̧ja̧mä̧.

Santiago 2:13

Ja̧'wa̧ta̧nü̧ kkorotürü rȩrü̧jü̧nü̧ topokotü pä'ijätürümä̧, rȩrü̧jü̧ toäkuäwä juiyünä̧tä̧ ro̧ȩpä̧kuo̧tü̧, ja̧'wa̧nü̧ ja̧'a̧nä̧ rȩrü̧jü̧ toäkuäwä kku̧nä̧rä̧'i̧jä̧tü̧mä̧ Dio ro̧ȩpü̧ mo̧ro̧ adiu rä'opü tteseäkuäwäkuotü.

San Juan 17:22

Ttürü chukuo jäwä kuiyinü̧mä̧, ttü'i̧nä̧ chiyinä̧u̧, ji̧nä̧ ya̧tȩ tta pä'ü, ujutu jä̧'i̧jü̧ta̧'a̧nü̧, ji̧nä̧ ya̧tȩ ttäkua'anü̧.

Hebreos 9:27

Ja̧'wa̧nü̧ ja̧'a̧ttü̧ o'katoi'ünä̧ ya'utenä̧tä̧ 'korujuottächünä̧ pä'ü kku̧nä̧wa̧'a̧, juȩnȩ o'komȩnä̧mä̧ Dio ü'ojo'ü mo̧ro̧tä̧ ichäkua'a.

1 Juan 2:6

Isopäi'ünä̧ Jua̧u̧nä̧ kkü̧sä̧ pä'ümä̧; Chutä Jesucrito ü̧ji̧nü̧ta'anü̧, ü̧ja̧ pä'ü ja̧'a̧.

1 Juan 3:7

Chi̧tti̧mü̧ wotü, ya̧tȩrü̧'i̧nä̧ kuesetätukuä ya̧pa̧rȩwa̧rü̧mä̧. Adiwäjuei jȩpü̧ kkü̧mä̧, adiwä i̧sa̧ ja̧'a̧; Chutä Jesú adiwä i̧sa̧ jü̧ta̧'a̧nü̧;