Biblia Todo Logo
Bib sou entènèt

- Piblisite -




1 Juan 4:1 - Nuevo Testamento Uwotjüja

1 Chawaruwä chi̧jä̧wa̧tü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ätürümä̧ o'katoi'ünä̧rü̧mä̧, kuesetätukuä, kka̧kuä̧mü̧ topätukui, isopäi'ünä̧ Dio iyinä̧ku̧ Epíritu-ru ttu̧ju̧nä̧ra̧ja̧ pä'ü. Isopäi'ünä̧ pi̧jä̧nä̧, rekuätü Dio i̧wȩnȩ ji'äwätü profetas 'kua̧rü̧nä̧ rä'ekuätü.

Gade chapit la Kopi

TÄ̧DO Ä̧CUÄ̧ I̧HUȨNȨ

1 Chö̧jä̧hua̧tö̧, cuesetätucuä' o'ca toi'önä “Espíritu Santo ttöcu kö̧” pä'ätörö. Jahuätörö ka̧cuä̧mö̧ topätucui, Espíritu Santo jahuätöcu ö̧ja̧ pä'ö. Jitä recuätö yapareu ucuocu “Dios i̧huȩnȩ ji'ähuätöjä” pä'ätömä pi̧jä̧ o'ca juiyönä cue'ächätö.

Gade chapit la Kopi




1 Juan 4:1
29 Referans Kwoze  

Kka̧kuä̧mü̧ topü adiwä jueitä jȩpä̧tu̧kui̧.


Ja̧'wa̧ta̧nü̧ Irae ttü̧ja̧ ttü̧'kä̧tȩnä̧mä̧ isopäi'ünä̧ jä̧'i̧nü̧'a̧nü̧ wotü profeta-tü̧ kka̧kui̧nä̧tü̧; ja̧'wa̧nü̧ ji̧nü̧ta'anü̧ ukutu ku̧'kȩtȩtu̧ku̧nä̧mä̧ isopäi'ünä̧ jä̧'i̧nü̧'a̧nü̧ wo̧juȩkuä̧ isotümä̧ ttü̧ja̧kuä̧kuo̧tü̧. Juätümä̧ suronä̧ tta̧mü̧kuädümä̧ dajiku ttu̧wo̧juȩtä̧kuo̧tü̧, chutä tu̧ru̧wa̧ surojüttü rä'epü ikuinü̧rü̧'i̧nä̧ tä̧ppü̧tä̧rä̧kuo̧tü̧; ja̧'wa̧nü̧ ja̧'a̧ttü̧ juätümä̧ tta̧ttä̧ro̧kü̧ jä̧ji̧ ro̧ȩkuä̧ra̧'a̧ ȩpä̧kuo̧tü̧.


Ja̧'wa̧nü̧ ja̧'a̧nä̧ Epíritumä̧ jueünä̧tä̧ pä'ü rüjí mo̧ro̧ päi'omȩnä̧ yotukunä̧mä̧ tta̧'kua̧ ttu̧wȩnä̧rü̧ kättädi'äkuȩmä̧, epíritu-tu̧ suropätü isopäi'ünä̧ jo̧kü̧ jittäu ä̧ju̧ku̧, ja̧'wa̧ta̧nü̧ epíritu-tu̧ suropätü ttu̧wo̧juȩtü̧ ttesetäkuȩmä̧.


Ja̧'wa̧ta̧nü̧ pi̧jä̧nä̧mä̧ rekuätü ttü̧ja̧rü̧ yaparetü Jesucrito-mä̧ isopäi'ünä̧ Ubo jü̧nä̧mä̧ ichokü pinü̧ pä'ü kue'ächü ji'äwätü. Ja̧'wa̧nü̧ wa̧mä̧ jerutu ikuäwä i̧sa̧tä̧ ja̧'a̧ ja̧'wa̧ta̧nü̧ Crito aboi̧ya̧tä̧ wa̧.


Ja̧'wa̧ta̧nü̧, profetas wotü'i̧nä̧ ta̧ju̧tä̧tä̧, wä̧mȩtukuätätä ukuokuätukui, kkorotü adiwomȩnä̧ pätta'anä̧.


Chi̧tti̧mü̧ wotü täkü rüjí mo̧ro̧ ja̧'a̧. Ukutumä̧ ä̧ju̧kui̧nä̧tü̧jä̧, Crito-rü to'ija̧'a̧ku̧ wa̧mä̧ täkü i̧chä̧kua̧, pätta'a; ja̧'wa̧nü̧ ja̧'a̧ttü̧ täkü rekuätü, Crito-rü to'ija̧'a̧ku̧ ukuokuätü rä'ätü; ja̧'wa̧nü̧ jo̧mȩttü̧ täkü rüjí mo̧ro̧ ja̧'a̧ pä'ü wo̧juä̧tü̧jä̧.


¿Tta̧'a̧nü̧ pä'ü, adiwomȩnä̧ jü̧mä̧ kua̧mü̧nä̧ pa̧ja̧tü̧ amükuädäkuäu to'kuäkuäwätukuoka'a jä̧u̧ jä̧ttü̧?


Ädätinä̧u̧: Yapareu jittäu kuesetätukuoka'a ttu̧'ȩpä̧rü̧nü̧ kka̧kuä̧tu̧kui̧. Isopäi'ünä̧ rekuätü ttü chi̧mi̧nä̧ ttichäkuotü. Pa̧'a̧nü̧ pä'ätü: «Ttütäsä Crito-mä̧, täkü jitä mo̧ro̧ pätekuächa'a» pätta'anä̧ kuesetätukuä.


Ja̧'wa̧nü̧ ja̧'a̧nä̧ suronä̧ jȩpä̧tü̧mä̧ ja̧'wa̧ta̧nü̧ yaparewätümä̧ yabokutä surojuottächäkuotü, ja̧'wa̧ta̧nü̧ yotüterü yaparewätürümä̧ kkorotü ttüyaparewäkuotü.


Ttümä̧ ukú kuaditäwämä̧ o'kajuiyünä̧ wo̧jua̧sä̧, usurä kuȩmä̧u̧'i̧nä̧, kua̧mi̧ 'ki'ächi'ü kui̧'chü̧'i̧nä̧, jü̧nä̧; ja̧'wa̧ta̧nü̧ surojünä̧ jȩpä̧tü̧rü̧ kuju'kokü'i̧nä̧ wo̧jua̧sä̧. Ja̧'wa̧ta̧nü̧ Apótore-jä̧ pä'ü yaparewätürü, kka̧kuä̧mü̧ topü ku̧wo̧juö̧'i̧nä̧ wo̧jua̧sä̧.


Kkorotürümä̧ iyü ttujuru'i̧nä̧, jȩtto̧kü̧ juei jȩtta̧ pä'ü'i̧nä̧; kkorotürütä iyü Dio i̧mi̧nä̧ jittäwa pä'ü'i̧nä̧. Yotüterümä̧ iyü epíritu-tu̧ yaparewätürü'i̧nä̧, isopäi'ünä̧ isotürü'i̧nä̧ ttu̧wo̧jua̧ pä'ü ja̧'wa̧ta̧nü̧ kkorotürümä̧ iyü kkorotü tti̧wȩnȩ wo̧juȩku̧nä̧ ttukuokua pä'ü'i̧nä̧; ja̧'wa̧ta̧nü̧ kkorotürümä̧ iyü, kkorotü tti̧wȩnȩnä̧ ttukuokuomȩnä̧ rä'epü iku jittäwa pä'ü'i̧nä̧.


Ja̧'wa̧nü̧ ja̧'a̧ttü̧ wo̧jua̧sä̧, ttü cho'komȩ päi'omȩnä̧, ku̧'kä̧tȩtu̧ku̧nä̧ dodettäkuotü Rowo isotü pä̧i̧kuä̧tü̧ igresia ttü̧ja̧rü̧ be'epäjipü ttikua pä'ü.


Ja̧'wa̧nü̧ ja̧'a̧ttü̧ ukuturu: Topätukui Crito-mä̧ yȩna̧ja̧ kkü̧, yȩnȩ ichi'äji pättüttümä̧ kuesetätukuätü.


Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.


Dio i̧wȩnȩ (jä̧kuȩ wȩnȩ) jittäwomȩnä̧ esetätukui.


kuamükuädätukumä̧ 'kuäunä̧tä̧mä̧ ku'ärowächätukuä, ya̧tȩ yapare jiäwa'anä̧mä̧ ja̧'a̧tä̧mä̧ to'kuäkuäwätukuä, epíritu jiäwäjäkusä, ja̧'wa̧ta̧nü̧ juätümä̧ pa̧'a̧nü̧ jittäwäjäkusä päüttü'i̧nä̧ ja̧'wa̧ta̧nü̧ pauru wȩyu̧tu̧ we'äji pättüttü'i̧nä̧.


Chawaruwä chi̧jä̧wa̧tü̧, ukuturu wȩyu̧tu̧ wedümä̧ jareünä̧ weäwä wȩnȩmä̧kü̧ ja̧'a̧; mo̧ täbokü, ä̧kuo̧mȩnä̧ttü̧tä̧ päi'ünä̧ ku̧ju̧nä̧ri̧nä̧tu̧ku̧ wȩnȩ ja̧'a̧. Pi̧yȩmä̧ täbokütä päi'ünä̧ Weäwä wȩnȩ ji̧na̧'a̧, jitä ja̧'a̧ku̧ kuä̧ju̧kui̧nä̧tu̧ku̧mä̧.


Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.


Swiv nou:

Piblisite


Piblisite