1 Juan 3:8 - Nuevo Testamento Uwotjüja

⁸ Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

TÄ̧DO Ä̧CUÄ̧ I̧HUȨNȨ

⁸ Suronä jȩpö̧ kö̧mä̧, ähuettä i̧tti̧. Ähuettä äcuomenä kä̧mä̧dö̧ suronä jȩi̧na̧'a̧ ja̧'a̧'i̧nä̧, ji̧nä̧ suronä jȩpö̧. Dios I̧tti̧ ichinö ähuettä jȩi̧nö̧mä̧ o'ca juiyönä be'epäjipö icua pä'ö.

1 Juan 3:8 Referans Kwoze

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

Colosenses 2:15

Dio-mä̧ ttujuru jȩpü̧ ikuinü̧ isotü uwäpokotü ttukuo kku̧nä̧rä̧tü̧rü̧mä̧, ja̧'wa̧ta̧nü̧ Jesucrito-nä̧tä̧ o'katoi'ünä̧ ttä'ka jo̧mȩttü̧ i̧jȩpü̧ ikuinü̧, ü̧jo̧kä̧nü̧ jäinä̧ 'korujuoächomȩnä̧ juätüttü'i̧nä̧ ttu̧wä̧mȩnä̧ pä'i'inü̧.

Romanos 16:20

Ja̧'wa̧nü̧ jȩ'kuä̧tu̧kuo̧mȩnä̧ Dio eseäkuäwä iyümä̧, ku̧jä̧pi̧yä̧tu̧ku̧nä̧ kkȩdü̧ kuikuätukunä̧ jȩä̧kua̧ Satanás-rü̧. Tu̧ru̧wa̧ Jesucrito ukuturu ppädinünä̧ kka̧kuä̧tu̧kui̧.

San Juan 16:11

Ja̧'wa̧ta̧nü̧ Dio ro̧ȩpä̧kuȩttü̧'i̧nä̧, pädümä̧, täkü pi̧jä̧nä̧ we'ä'ijürü ro̧ȩkui̧'ä̧kuȩ, päwi'a'a päda'attü.

San Juan 12:31

Jitä porü kkä̧mä̧dü̧ pi̧jä̧ ttü̧ja̧rü̧ adiu jȩtta̧ja̧ pä'ü'i̧nä̧, surojü jȩtta̧ja̧ pä'ü'i̧nä̧ päwi'äkua'a; jitä kkä̧mä̧dü̧ pi̧jä̧nä̧ we'ä'ijürü rä'epü ikuäwächa'a.

2 Pedro 2:4

Dio-mä̧ á̧gȩrȩ suronä̧ jȩpi̧tü̧rü̧mä̧ jȩpo̧ko̧tü̧ jü̧nä̧mä̧ topokü pinü̧, ja̧'wa̧nü̧ ja̧jü̧jueimä̧ okurära̧'a̧tä̧ kkisäu ikuinä̧u̧ ja̧'wa̧ta̧nü̧ yo̧mȩtä̧, kä̧rȩnä̧sa̧nä̧ nü̧'kü rütäwomȩ ütinä̧u̧ pojokuä mo̧ro̧bü päi'ünä̧.

San Marcos 1:24

—¿Tta̧'a̧nü̧ pä'ü, uku Jesú Nazare ttü̧ja̧sa̧mä̧, ujuturu mȩ'o̧pä̧rü̧ ichüjä̧ttü̧? ¿be'epäjipü iku kui̧chä̧jä̧u̧jä̧ tä̧jí̧? ukurumä̧, Dio ȩmi̧nä̧ku̧ pä'ü wo̧jua̧sä̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

San Lucas 10:18

Pättiyäku, Jesú-mä̧ päinä̧u̧: —Ttümä̧ topinü̧sä̧, Satanás-rü̧, ku'upä ürowa'a jä̧'i̧nü̧'a̧nü̧, mo̧ro̧jä̧ra̧'a̧ttü̧ ma̧'ä̧chü̧ juiächa'a.

1 Juan 3:10

Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Judas 1:6

Ja̧'wa̧ta̧nü̧ á̧gȩrȩ-rü ttaditäwä tta̧ttä̧rä̧kuä̧wo̧ka̧'a̧, ttü̧ja̧kuo̧mȩttü̧ rä'opächinä̧tü̧rü̧mä̧, Dio-mä̧ yo̧mȩ 'kuäopünä̧tä̧ ttü̧'ȩjü̧nä̧ kärenä̧ ütinä̧u̧, ji̧yȩnü̧ ü'ojo'ü mo̧ro̧bü päi'ünä̧.

San Mateo 4:3

Ja̧'wa̧nü̧ ja̧'a̧ Äwettämä̧ kka̧kuä̧mü̧ toa pä'ü, Jesú ü̧jo̧mȩku̧ ichi'ü päinä̧ku̧: —Isopäi'ünä̧ Dio I̧tti̧ kuttümä̧, pi̧yȩ inä̧du kuäkuäwä päi'ünä̧ pärowächünä̧, pä'i.

San Mateo 12:28

Ja̧'wa̧nü̧ ja̧'a̧nä̧, Dio i̧sa̧ Epíritu jäwänä̧ epíritu-tu̧ suropätürü rä'epe'ü chikuttümä̧, jua'amä̧ täkü ru̧wa̧ Dio weü wȩnȩ ukuturu rȩbȩä̧kuä̧wa̧'a̧ ja̧'a̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

Hebreos 9:26

Ja̧'wa̧nü̧ jü̧ juiyüttümä̧, Crito-mä̧ kko̧ro̧nü̧ jü̧ta̧'a̧nü̧, pi̧jä̧ uwäbe'inomȩttü̧ kkä̧mä̧dü̧ 'koru juoächä'cha pä'ü ji̧na̧'a̧. Ja̧'wa̧nü̧ ja̧'a̧nä̧, jitä rüjí mo̧ro̧ päi'omȩnä̧, ya'utenä̧tä̧ usurä ȩmä̧u̧ iyäu ikuinü̧, suronä̧ jȩttä̧'i̧jü̧ jȩpü̧ ikua pä'ümä̧.

1 Juan 1:2

Jua̧u̧ kkä̧kuä̧wä̧ ji̧na̧'a̧ ujuturu i̧jȩkui̧nü̧mä̧. Jua̧u̧ topinü̧'kotü, ukuturu ji'äwätüjä̧, Jua̧u̧ kkä̧kuä̧wä̧ i'komä̧ Jä'oku kki̧na̧'a̧, ujuturu i̧jȩkuä̧chä̧kuȩmä̧ pä'ü.