1 Juan 3:3 - Nuevo Testamento Uwotjüja

³ O'katoi'ünä̧ jua̧u̧ru̧ a̧mü̧kuä̧rü̧ tta̧'a̧rä̧tü̧mä̧, surojü adikuäkuäu ikuätü, jua'amä̧ Chutä Jesú'i̧nä̧ surojü jui̧'a̧ ja̧'a̧ttü̧.

TÄ̧DO Ä̧CUÄ̧ I̧HUȨNȨ

³ O'ca toi'önä Jesucristo jö̧ ta'anö pätti'a pä'ö esetö tta̧'ä̧rä̧tö̧mä̧, iso päi'önä suronä jȩä̧cuä̧huä̧ jaropi'ö ka̧cuä̧tö̧, Jesucristo suronä jȩä̧cuä̧huä̧ juiyönä ö̧jö̧ ta'anö.

1 Juan 3:3 Referans Kwoze

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

1 Juan 2:6

Isopäi'ünä̧ Jua̧u̧nä̧ kkü̧sä̧ pä'ümä̧; Chutä Jesucrito ü̧ji̧nü̧ta'anü̧, ü̧ja̧ pä'ü ja̧'a̧.

2 Pedro 3:14

Ja̧'wa̧nü̧ ja̧'a̧ttü̧ chi̧jä̧wa̧tü̧, ji̧nä̧ pi̧yȩ tta̧'a̧rü̧ kkä̧nü̧, o'kajuiyünä̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, wȩnȩ'i̧nä̧ juiyünä̧, surojü'i̧nä̧ jȩpo̧ko̧tü̧ jü̧nä̧ ja̧'wa̧ta̧nü̧ idiku'i̧nä̧ juiyünä̧ Dio-mä̧ ü̧'o̧kui̧'ä̧kua̧'a̧nü̧.

San Mateo 5:48

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

Hebreos 12:14

O'katoi'ünä̧ku̧ wȩnȩ juiyünä̧ ku̧jä̧tu̧kua̧ usätukui, surojü juiyünä̧ kka̧kuä̧tu̧kui̧; jua̧u̧ juiyünä̧mä̧, Tu̧ru̧wa̧rü̧mä̧ toäkuäwoka'a jä̧kua̧'a̧.

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,

Hechos 15:9

ja̧'wa̧nü̧ ja̧'a̧ttü̧, Dio-mä̧ ujutu jü̧ta̧'a̧nü̧tä̧ jȩi̧nä̧u̧, tta̧'kua̧ ttu̧wȩnä̧ra̧'a̧ttü̧, tta̧mi̧ iso'ki tükü ikumä̧.

Tito 3:7

rü̧ȩnä̧ repeomȩttü̧, Dio-mä̧ ȩmi̧nä̧u̧jä̧ kkä̧kuä̧wä̧ i'ko tȩma̧ pä'ü iyinä̧u̧jä̧ tȩmä̧kuo̧tü̧jä̧ tta̧tä̧rä̧'i̧jü̧mä̧.

2 Pedro 1:4

Pi̧yȩ jäwänä̧tä̧ iya päinü̧mä̧ iyinä̧u̧jä̧, ja̧u̧mä̧ ri̧u̧ jäwä ja̧'wa̧ta̧nü̧ rü̧ä̧nä̧ mikuäu ja̧'a̧, ja̧u̧nä̧tä̧ Dio jäwä ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧ttü̧ pi̧jä̧ jäwä surojuoepü ttidepä kkü'keku pi̧jä̧ra̧'a̧ i'kächinü̧ttü̧mä̧ dü'ekuächätukui.

San Lucas 6:36

Ukutu'i̧nä̧ rȩrü̧jü̧ topätukui, Kuä'o Dio-tuku'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

1 Juan 4:17

Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.

Hebreos 6:18

Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

Romanos 15:12

Ja̧'wa̧ta̧nü̧ Isaía'i̧nä̧ wȩyu̧ti̧nü̧: «Isaí i̧tti̧mü̧ttü̧, räopä̧kua̧ judío pokotürü ttu̧ru̧wa̧ jü̧nä̧ wȩä̧kua̧mä̧; Judío pokotümä̧ jua̧u̧ru̧tä̧ tta̧ttä̧rä̧kuo̧tü̧.»

San Juan 17:19

Ja̧'wa̧ta̧nü̧ pitü jäwänä̧, ttümä̧ cha̧mü̧nä̧ pa̧ja̧tü̧ usurä ȩmä̧u̧ iyäkuäusä ja̧'wa̧ta̧nü̧ jueü wȩnȩ pä'aku pitü'i̧nä̧ ttiyäkuäwa pä'üsä.

Santiago 4:8

Dio-rütä tü'küpächätukui, ja̧'wa̧nü̧ jo̧mȩnä̧tä̧ chutä'i̧nä̧ ütü'küwächäkuotüjä̧. Surojü jȩpä̧tü̧mä̧, ku̧mü̧tu̧ku̧ tükäu ikuätukui; ja̧'wa̧ta̧nü̧ todärenä̧ pä̧wä̧rü̧jä̧u̧mä̧ kua̧mi̧'iso'kituku tükäu ikuätukui.

1 Pedro 1:3

Tu̧ru̧wa̧ Jesucrito jä'o Dio-rü tesewätukua, rü̧ä̧nä̧ rȩrü̧jü̧ toa'a'ttü̧ Jesucrito ttoächinünä̧ jareünä̧ tuwäpächünä̧ jȩi̧nä̧u̧jä̧, pi̧yȩ ja̧'a̧ tta̧wa̧rä̧kuä̧wä̧ iyümä̧,

1 Pedro 1:15

Ja̧'wa̧nü̧ ja̧jü̧jueimä̧, jo̧mȩnü̧ surojü juiyünä̧ kka̧kuä̧tu̧kui̧, isopäi'ünä̧ Dio ukuturu wopinü̧mä̧, surojü jui̧'a̧ jo̧mȩttü̧.