Biblia Todo Logo
Bib sou entènèt

- Piblisite -




1 Juan 3:21 - Nuevo Testamento Uwotjüja

21 Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧, ta̧mi̧ iso'ki, su̧ro̧pa̧jä̧ päü juiyüttümä̧, Dio ä'ka jo̧mȩttü̧ ta̧'kua̧ tu̧wȩnä̧rü̧nä̧ ja̧'a̧.

Gade chapit la Kopi

TÄ̧DO Ä̧CUÄ̧ I̧HUȨNȨ

21 Chö̧jä̧hua̧tö̧, ujututä suronä jȩpo̧co̧tö̧jä̧ pä'ö tamöcuädöttömä, Dios ä'ca jo̧mȩ tesehuäcuotöjä.

Gade chapit la Kopi




1 Juan 3:21
17 Referans Kwoze  

Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.


Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.


Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.


Pa̧'a̧nü̧ jo̧mȩttü̧ Dio-rümä̧ ta̧'kua̧ wȩnä̧rä̧tü̧jä̧, Churutä pä̧wä̧rü̧jo̧mȩnä̧ jätepomenä̧mä̧, Jua̧u̧mä̧ ä̧ju̧kuä̧tü̧jä̧ pä'ü tu̧wo̧jua̧'a̧ttü̧.


Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.


Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.


Jua'akumä̧, ttü suronä̧ jȩchi̧na̧'a̧mä̧, wäitä chieruwuönä̧ jä̧ku̧sä̧, adiu jȩpü̧ pä'ümä̧ pättoka'anä̧. Ja̧'wa̧nü̧ ja̧'a̧nä̧, ji̧nä̧so jȩchü̧ wȩnȩ pä'ümä̧ Dio-tä ja̧'a̧.


Ja̧'wa̧nü̧ ja̧'a̧ttü̧, u̧mä̧tü̧mä̧ ttü̧ja̧kuo̧mȩ pünä̧ tta̧mi̧so'kinä̧ surojü juiyünä̧, ttü̧ra̧wä̧ro̧ka̧'a̧, pättä'chäkuäwoka'a, ttu̧mü̧ kä'epü Dio-rü ttukuokua pä̧wä̧rü̧jä̧ku̧sä̧.


¿Kua̧'kua̧ wȩnä̧rü̧jä̧? ukutätä kua̧'kua̧ wȩnä̧ri̧ Dio ä'ka jo̧mȩttü̧. ¡Eseäkuäwä po̧kui̧pä̧tü̧ surojü juiyünä̧ jȩpä̧tü̧mä̧; jȩtto̧mȩnä̧mä̧ surojoko̧u̧!


Ja̧'wa̧ta̧nü̧ jua̧u̧nä̧tä̧ ta̧'kua̧ wȩnä̧rü̧ Dio-rümä̧ wäjuönä̧ dodetünä̧ ja̧'a̧.


Chawaruwä chi̧jä̧wa̧tü̧, ukuturu wȩyu̧tu̧ wedümä̧ jareünä̧ weäwä wȩnȩmä̧kü̧ ja̧'a̧; mo̧ täbokü, ä̧kuo̧mȩnä̧ttü̧tä̧ päi'ünä̧ ku̧ju̧nä̧ri̧nä̧tu̧ku̧ wȩnȩ ja̧'a̧. Pi̧yȩmä̧ täbokütä päi'ünä̧ Weäwä wȩnȩ ji̧na̧'a̧, jitä ja̧'a̧ku̧ kuä̧ju̧kui̧nä̧tu̧ku̧mä̧.


Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.


Ja̧'wa̧nü̧ ja̧'a̧nä̧ tta̧mi̧ iso'ki, ukumä̧ su̧ro̧pa̧jä̧ päüttümä̧, Dio-mä̧ ta̧mi̧ iso'kittü'i̧nä̧ abonä̧nü̧ büó ja̧'a̧ttü̧, o'kajuiyünä̧tä̧ wo̧jua̧.


Swiv nou:

Piblisite


Piblisite