1 Juan 2:29 - Nuevo Testamento Uwotjüja

²⁹ Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.

TÄ̧DO Ä̧CUÄ̧ I̧HUȨNȨ

²⁹ Ucutu huo̧juä̧tö̧jä̧ Jesucristo adiu jȩpö̧ pä'ö. Ja̧'hua̧ta̧nö̧ cu̧huo̧juä̧tu̧cu̧'a̧nö̧ ja̧'a̧ o'ca toi'önä adiu jȩpö̧ ka̧cuä̧tö̧mä̧, Dios i̧tti̧mö̧ pä'ö.

1 Juan 2:29 Referans Kwoze

1 Juan 3:7

Chi̧tti̧mü̧ wotü, ya̧tȩrü̧'i̧nä̧ kuesetätukuä ya̧pa̧rȩwa̧rü̧mä̧. Adiwäjuei jȩpü̧ kkü̧mä̧, adiwä i̧sa̧ ja̧'a̧; Chutä Jesú adiwä i̧sa̧ jü̧ta̧'a̧nü̧;

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

San Juan 1:13

Ja̧'wa̧nü̧ ja̧'a̧ttü̧, juätümä̧ pi̧jä̧ ttü̧ja̧ ttukuojanä̧mä̧, ttidepä jäwänä̧mä̧ uwäbe'o̧ko̧u̧ pinä̧tü̧; pärokuä Dio jäwänä̧, Churutä pä̧wä̧rü̧jo̧mȩnä̧ uwäbe'i̧nä̧u̧.

1 Juan 4:7

Chawaruwä chü̧jä̧wa̧tü̧, eseu repeäkuäwämä̧ Dio-ttü ichü ja̧'a̧ttü̧, yotükupünä̧ eseu repetäkuäu'anü̧ ja̧'a̧. Isopäi'ünä̧ eseu repeäkuäwä kku̧nä̧rä̧tü̧mä̧ o'katoi'ünä̧ Dio i̧tti̧mü̧ ja̧'a̧ ja̧'wa̧ta̧nü̧ juätümä̧ Dio-rü wo̧juä̧tü̧ ja̧'a̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

Santiago 1:18

Chutämä̧, ja̧'wa̧nü̧tä̧ pä̧wä̧rü̧ji̧nä̧ku̧, isopäi'ünä̧ wȩnȩnä̧tä̧ kkä̧kuä̧wä̧ i'komä̧ iyinä̧u̧jä̧, uwäbe'inä̧u̧ttü̧ ä̧kuo̧mȩnä̧ u̧wä̧ju̧ wotüta pä'ümä̧.

1 Juan 5:4

O'katoi'ünä̧ Dio-ttü uwäpächinä̧tü̧mä̧ pi̧jä̧ jäwä surojü kkȩdü̧ ikuätü. Ja̧'wa̧ta̧nü̧ o'katoi'ünä̧ Jesucrito-rü tta̧'kua̧ wȩnä̧rä̧tü̧mä̧ pi̧jä̧ jäwä surojü abo 'kuä'o'ätü.

Hechos 10:35

Isopäi'ünä̧ kko̧ro̧jä̧ ttü̧ja̧rü̧'i̧nä̧ Churutä ukuotü esetätürümä̧, Dio-mä̧ repe'ü eseuti̧ pä'ü.

2 Pedro 1:4

Pi̧yȩ jäwänä̧tä̧ iya päinü̧mä̧ iyinä̧u̧jä̧, ja̧u̧mä̧ ri̧u̧ jäwä ja̧'wa̧ta̧nü̧ rü̧ä̧nä̧ mikuäu ja̧'a̧, ja̧u̧nä̧tä̧ Dio jäwä ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧ttü̧ pi̧jä̧ jäwä surojuoepü ttidepä kkü'keku pi̧jä̧ra̧'a̧ i'kächinü̧ttü̧mä̧ dü'ekuächätukui.

1 Pedro 1:3

Tu̧ru̧wa̧ Jesucrito jä'o Dio-rü tesewätukua, rü̧ä̧nä̧ rȩrü̧jü̧ toa'a'ttü̧ Jesucrito ttoächinünä̧ jareünä̧ tuwäpächünä̧ jȩi̧nä̧u̧jä̧, pi̧yȩ ja̧'a̧ tta̧wa̧rä̧kuä̧wä̧ iyümä̧,

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Hechos 22:14

Ja̧'wa̧ta̧nü̧ pä'inü̧: Tü̧tä̧mü̧ mi̧nä̧ Ttü̧ä̧nä̧wa̧ Dio-mä̧ ȩmä̧jä̧ku̧jä̧, Churutä pä̧wä̧rü̧jü̧ ku̧wo̧jua̧ pä'ü'i̧nä̧, adiwä i̧sa̧rü̧ to'kua pä'ü'i̧nä̧ ja̧'wa̧ta̧nü̧ chutä i̧wȩnȩ kuä̧ju̧kua̧ pä'ü'i̧nä̧, jü̧nä̧.

3 Juan 1:11

Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.

1 Juan 5:18

O'katoi'ünä̧ Dio-ttü uwäpächinä̧tü̧mä̧ surojümä̧ jȩpȩ'ü̧ kko̧ko̧tü̧. Jua'amä̧ Dio I̧tti̧tä̧ tta̧wä̧ra̧'a̧ttü̧, äwettä mȩü̧ juiyünä̧.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

1 Juan 2:1

Chi̧tti̧mü̧ wotü, pi̧yȩ wȩnȩ wȩyu̧tu̧ wȩdä̧u̧jä̧, surojü jȩ'kuä̧tu̧ku̧ juiya pä'ü. Ja̧'wa̧nü̧ ja̧'a̧nä̧, yotukunä̧ surojü jȩttü̧ttü̧mä̧, Jä'o Dio ä'ka jo̧mȩ, ya̧tȩ ujuturu ppädäkuäwä i̧sa̧, ppä̧'ä̧dä̧rü̧rü̧ kku̧nä̧rä̧tü̧jä̧: Jua̧u̧mä̧ Jesucrito ja̧'a̧, adiwomȩnä̧ jȩä̧kuä̧wä̧ i̧sa̧mä̧.

1 Pedro 1:23

Ja̧'wa̧nü̧ ja̧'a̧ttü̧ ukutumä̧ pä'äjita'anü̧ uwäpächinä̧tü̧jä̧, pi̧yȩnä̧mä̧ kuä̧o̧tu̧ku̧ pi̧jä̧ ttü̧ja̧ 'korujuo'ächätüttümä̧ uwäpächokotüjä̧, ja̧'wa̧nü̧ ja̧jü̧jueimä̧ Dio i̧wȩnȩ toe'ächokü 'kuäopünä̧ kkü̧nä̧tä̧.

Hebreos 7:2

ja̧'wa̧nü̧ ja̧'a̧ Abraha̧-mä̧, Mequisede-rü iyinü̧ iäre diezmo o'kajuiyünä̧, kurä rowäu ȩmä̧ji̧ttü̧. Jua̧u̧ i̧mi̧ Mequisede pä'ümä̧ «ru̧wa̧ adiwä i̧sa̧» pä'ü päwä ja̧'a̧ ja̧'wa̧nü̧ ja̧'a̧nä̧ Salem ütawiyä ru̧wa̧ pä'ümä̧, «ru̧wa̧ wȩnȩ juiyünä̧ wa̧» pä'ü päwä ja̧'a̧.

Hechos 3:14

Ukutumä̧ surojü jui̧'a̧rü̧, adiwä wȩnȩnä̧ kkü̧rü̧ iyü iku, jä'epinätü̧jä̧ ttü̧ja̧rü̧ kuäwä i̧sa̧rü̧tä̧.

San Juan 7:18

Ya̧tȩ chutä a̧mü̧nä̧ pa̧ja̧tü̧ amükuädäkuäu ukuokumä̧, churutä tesewarü pä'ü usú ja̧'wa̧nü̧ ja̧'a̧nä̧, churutä we'inü̧rü̧ ttesewiyarü pä'ü usomȩnä̧mä̧, jueü wȩnȩtä̧ ukuoku, surojü jui'attü.