1 Juan 2:28 - Nuevo Testamento Uwotjüja

²⁸ Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.

TÄ̧DO Ä̧CUÄ̧ I̧HUȨNȨ

²⁸ Ja̧'hua̧ ja̧'a̧ chi̧tti̧mö̧ huotö, Jesucristocu ka̧cuä̧tu̧cui̧, ja̧u̧tä̧ i̧jȩcua̧'a̧ totomenä tesehuätucua pä'ö, ja̧u̧tä̧ ä'ca jo̧mȩttö̧ tödäpecu juiya pä'ö ichomenä.

1 Juan 2:28 Referans Kwoze

1 Juan 4:17

Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.

San Marcos 8:38

Ja̧'wa̧nü̧ ja̧'a̧ttü̧ ya̧tȩ ttü chütü'kü'i̧nä̧, chi̧wȩnȩ'i̧nä̧, pitü ukuotokotü, suronä̧ jȩpä̧tü̧ ttü̧ja̧ ttä'ka jo̧mȩttü̧ udäpekuttümä̧ ja̧'wa̧nü̧ jü̧ta̧'a̧nü̧ Ttü Ubo I̧tti̧'i̧nä̧ chä'o uruwoku, á̧gȩrȩ-ku̧ chichomȩnä̧ chüdä̧pȩkuä̧kua̧sä̧ jua̧u̧rü̧mä̧.

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

1 Juan 3:21

Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧, ta̧mi̧ iso'ki, su̧ro̧pa̧jä̧ päü juiyüttümä̧, Dio ä'ka jo̧mȩttü̧ ta̧'kua̧ tu̧wȩnä̧rü̧nä̧ ja̧'a̧.

Colosenses 3:4

Kua̧'kua̧rä̧tu̧kuä̧ku̧, Crito ichomȩnä̧mä̧. Jua̧u̧tä̧ku̧ ukutu'i̧nä̧ kui̧jȩkuä̧chä̧kuo̧tü̧jä̧, uruwo jäwänä̧.

1 Juan 2:1

Chi̧tti̧mü̧ wotü, pi̧yȩ wȩnȩ wȩyu̧tu̧ wȩdä̧u̧jä̧, surojü jȩ'kuä̧tu̧ku̧ juiya pä'ü. Ja̧'wa̧nü̧ ja̧'a̧nä̧, yotukunä̧ surojü jȩttü̧ttü̧mä̧, Jä'o Dio ä'ka jo̧mȩ, ya̧tȩ ujuturu ppädäkuäwä i̧sa̧, ppä̧'ä̧dä̧rü̧rü̧ kku̧nä̧rä̧tü̧jä̧: Jua̧u̧mä̧ Jesucrito ja̧'a̧, adiwomȩnä̧ jȩä̧kuä̧wä̧ i̧sa̧mä̧.

1 Tesalonicenses 3:13

Ja̧'wa̧ta̧nü̧ Tu̧ru̧wa̧rü̧ jä'epätüjä̧, Chutätä rü̧ȩnä̧ kua̧'kua̧ ku̧wȩnä̧rä̧tu̧ku̧nä̧, surojü juiyünä̧ kujurutuku iyätukuaku pä'ü. Ja̧'wa̧nü̧ jo̧mȩnä̧ chutä pojopü ȩmi̧nä̧u̧ku̧ ichomȩnä̧ Dio ä'ka jo̧mȩttü̧ ukuturu, jitüjamä̧ suropätü pä'ü jittäu juiyäkua'anü̧. Amȩ́.

1 Juan 5:14

Pa̧'a̧nü̧ jo̧mȩttü̧ Dio-rümä̧ ta̧'kua̧ wȩnä̧rä̧tü̧jä̧, Churutä pä̧wä̧rü̧jo̧mȩnä̧ jätepomenä̧mä̧, Jua̧u̧mä̧ ä̧ju̧kuä̧tü̧jä̧ pä'ü tu̧wo̧jua̧'a̧ttü̧.

1 Pedro 5:4

Ja̧'wa̧nü̧tä̧ chutä pató ichomȩnä̧mä̧, ukutumä̧ ukuo corona kuȩmä̧kuo̧tü̧jä̧, ja̧u̧ corona-mä̧ yoriso joächächokü jä̧kuȩ.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

Hebreos 9:28

Ja̧'wa̧ta̧nü̧ Crito'i̧nä̧ ya'utenä̧tä̧ usurä ȩmä̧u̧ iyäwinü̧, rekuätü suronä̧ jȩttü̧ jȩpü̧ ikua pä'ümä̧. Juȩnȩ o'komȩnä̧mä̧ i̧chä̧kua̧, täkü surojü jȩpü̧ ikumä̧kü̧, Churutä tta̧'a̧rä̧tü̧rü̧ rä'epü iku ichütä.

1 Tesalonicenses 2:19

Ja̧'wa̧nü̧ ja̧'a̧ttü̧mä̧ ¿ti̧yȩjä̧ttü̧ ujutu tesewa pä'ü tta̧tä̧rü̧mä̧, corona pättü jü̧nä̧ tesewä̧kuȩmä̧, Tu̧ru̧wa̧ Jesucrito ichomȩnä̧, ä'kattümä̧? Kkorotümä̧ toa'a, Jua̧u̧mä̧ ukututä jä̧kua̧'a̧.

1 Corintios 1:7

Ja̧'wa̧nü̧ ja̧'a̧ttü̧ Dio mippoünä̧ iyümä̧ juiyoko̧u̧jä̧, Tu̧ru̧wa̧ Jesucrito pä'äjita'anü̧ icha'anä̧ tta̧'a̧rü̧ ku̧jä̧tu̧kua̧'a̧nä̧mä̧.

Romanos 9:33

Ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧ pä'a: Jerusarȩ́-nä̧ ido'ki kku̧nu̧sä̧ Juo'kinä̧ ppe'okuächü, rekuätü ma̧ttä̧chä̧'chä̧kuo̧tü̧. Ja̧'wa̧nü̧ ja̧'a̧nä̧ Dio-mä̧ churutä tta̧'kua̧ wȩnä̧rä̧tü̧rü̧mä̧, jaropi'okü jä̧kua̧.

Tito 2:13

Pa̧'a̧nü̧ tü̧ja̧ku̧'a̧nü̧ ja̧'a̧ o'katoi'ünä̧ tta̧tä̧rä̧'i̧jü̧ eseäkuäwä mo̧ro̧ rȩbȩwa̧'a̧nä̧; Tü̧ä̧nä̧wa̧ Dio'i̧nä̧, surojüttü tü̧ji̧pü̧nä̧ ppä'ädinü̧ Jesucrito'i̧nä̧ ppa̧wä̧cha̧'a̧nä̧mä̧.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

1 Timoteo 6:14

O'kajuiyünä̧ wedümä̧ kukuota pä'ü wedäkujä̧, ya̧tȩ'i̧nä̧ suronä̧ ukuoku yapare ji'äu i̧wȩnȩtü̧ juiyaku pä'ümä̧. Pi̧yȩtä̧ jȩpü̧ kkä̧wi̧ Tu̧ru̧wa̧ Jesucrito pä'äjita'anü̧ ichomȩbü päi'ünä̧.

1 Tesalonicenses 5:23

Chutä Dio-tätä, wȩnȩ juiyünä̧ kkä̧kuä̧wä̧ iyütä, jo̧mȩnü̧ surojümä̧ jȩpü̧ ikuätukuäku; ja̧'wa̧ta̧nü̧ o'kajuiyütä kua̧'kua̧rä̧tu̧ku̧mä̧, kua̧'kua̧ru̧wa̧tu̧ku̧'i̧nä̧, kuidepä jättäji'i̧nä̧ Tu̧ru̧wa̧ Jesucrito ichomȩbü päi'ünä̧ surojümä̧ juiyünä̧ tta̧'ä̧rä̧kuä̧wä̧tu̧kui̧.

1 Corintios 15:23

Ja̧'wa̧nü̧ ja̧'a̧nä̧ yotukunä̧rü̧ pä'ü rütäu'akuä jä̧kua̧'a̧: Ä̧kuo̧mȩnä̧mä̧ Crito ji̧na̧'a̧, jua̧u̧nü̧ o'ka'amä̧ Crito-rü esetätürü jä̧kua̧'a̧, Chutä ichomȩnä̧.

1 Pedro 1:7

Isopäi'ünä̧ kua̧'kua̧ ku̧wȩnä̧rä̧tu̧ku̧mä̧ oro jä̧'i̧nü̧'a̧nü̧ jü̧: üadiwämä̧ ukuränä̧ kka̧kuä̧mü̧ tottü jä̧'i̧nü̧'a̧nü̧ ja̧'a̧. Tta̧'kua̧ wȩnä̧rü̧ tta̧mi̧ 'kittächi'ümä̧ oro toe'ächüttü'i̧nä̧ u̧wä̧mȩnä̧nü̧ mikuäu ja̧'a̧. Ja̧'wa̧nü̧ ja̧'a̧ttü̧ Jesucrito i̧jȩkuä̧cho̧mȩnä̧mä̧ Dio-rü kua̧'kua̧ ku̧wȩnä̧rä̧tu̧ku̧mä̧ adiutä ttukuokuäkuotü, isopäi'ünä̧ tta̧'kua̧ wȩnä̧rä̧kuä̧wä̧ kka̧kuä̧mü̧ toäkuäwänä̧ 'kuäopümä̧, ttesewa pä'ü jü̧ ja̧'a̧.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

San Lucas 17:30

Ja̧'wa̧nü̧ jä̧kua̧'a̧ ubo I̧tti̧ i̧jȩkuä̧chü̧ mo̧ro̧mä̧.

Efesios 3:12

Ja̧'wa̧ta̧nü̧ jua̧u̧nä̧tä̧ ta̧'kua̧ wȩnä̧rü̧ Dio-rümä̧ wäjuönä̧ dodetünä̧ ja̧'a̧.