1 Juan 2:20 - Nuevo Testamento Uwotjüja

²⁰ Ja̧'wa̧nü̧ ja̧'a̧nä̧, ukuturumä̧, Dio I̧tti̧ Jesucrito-mä̧ Epíritu Sa̧tu̧nä̧ mȩ'ü̧ 'kȩpi̧nä̧u̧jä̧ jueü wȩnȩ o'kajuiyünä̧ ku̧wo̧juä̧tu̧kua̧ pä'ü.

TÄ̧DO Ä̧CUÄ̧ I̧HUȨNȨ

²⁰ Jesucristo iyinö Espíritu Santorö ucutucu ö̧ja̧ pä'ö. Ja̧'hua̧nö̧ ja̧'a̧ttö̧ ucutu o'ca toi'önä iso päi'önä huȩnȩ huo̧juä̧tö̧jä̧.

1 Juan 2:20 Referans Kwoze

San Juan 14:26

Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

1 Juan 2:27

Ukuturumä̧ pä'üsä, täkü Chutä mȩ'ü̧ 'kȩpi̧nä̧u̧ kuätukua'amä̧ rekuä rü̧jo̧ko̧u̧jä̧ kkorotü ttu̧wo̧juȩtä̧tu̧kua̧ku̧ pä'ümä̧. Jua̧u̧ 'kȩ'ȩpü̧ ȩmi̧nü̧mä̧ ji̧nä̧so ji̧yȩtä̧ ja̧'a̧, yapare wȩnȩmä̧kü̧, jua̧u̧mä̧ o'kajuiyütä wo̧juȩtü̧. Chutä u̧wo̧juȩti̧nü̧ta̧'a̧nü̧, Chunä̧tä̧ kka̧kuä̧tu̧kui̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

San Juan 16:13

Ja̧'wa̧nü̧ ja̧'a̧nä̧, Epíritu Sa̧tu̧ ichomȩnä̧mä̧, o'kajuiyünä̧ jueünä̧ ku̧wo̧juä̧tu̧ku̧nä̧ juȩpä̧rä̧kuä̧u̧jä̧; ja̧'wa̧nü̧ ja̧'a̧ttü̧ pä̧wä̧rü̧jü̧mä̧ ukuokuokotü kuäkuotüjä̧, pä'a kuä̧ju̧kua̧'a̧ku̧tä̧ kukuokuäkuotüjä̧ ja̧'wa̧ta̧nü̧ 'kuäopä̧kuȩ wȩnȩ'i̧nä̧ ku̧wo̧juä̧tu̧ku̧nä̧ ji̧ä̧wä̧kuä̧u̧jä̧.

Hebreos 1:9

«Adiwomȩnä̧ jȩä̧kuä̧wä̧tä̧ esewinü̧jä̧, surojümä̧ kkü'kokü pinü̧jä̧; ja̧'wa̧nü̧ jo̧mȩnä̧ Dio-mä̧, pojopü ȩmi̧nä̧ku̧jä̧, kuä'o Dio jü̧nä̧, eseäkuäwä iyinä̧ku̧jä̧, kuawaruwättü'i̧nä̧ abonä̧nü̧.»

1 Juan 4:13

Pi̧yȩttü̧ topü wo̧juä̧tü̧jä̧, Chutä Dio-ku kkä̧tü̧jä̧ pä'ümä̧; ja̧'wa̧ta̧nü̧ Chutä Dio'i̧nä̧ ujutuku kkü̧ pä'ümä̧: Dio-ttü ichinü̧ Epíritu-ru ujuturu iyinomȩttü̧.

Hechos 3:14

Ukutumä̧ surojü jui̧'a̧rü̧, adiwä wȩnȩnä̧ kkü̧rü̧ iyü iku, jä'epinätü̧jä̧ ttü̧ja̧rü̧ kuäwä i̧sa̧rü̧tä̧.

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

San Marcos 1:24

—¿Tta̧'a̧nü̧ pä'ü, uku Jesú Nazare ttü̧ja̧sa̧mä̧, ujuturu mȩ'o̧pä̧rü̧ ichüjä̧ttü̧? ¿be'epäjipü iku kui̧chä̧jä̧u̧jä̧ tä̧jí̧? ukurumä̧, Dio ȩmi̧nä̧ku̧ pä'ü wo̧jua̧sä̧.

Apocalipsis 4:8

Juätü pa̧ja̧kuä̧nü̧ wotü a̧'kua̧rä̧tü̧ ya̧ku̧nä̧mä̧, kko̧ro̧mü̧ttü̧nü̧ ya'ute jo̧mȩnä̧ ttujuabiyämä̧ kku̧nä̧ri̧nä̧tü̧, ttü'äriyämä̧ wä̧mȩnä̧'i̧nä̧ jakuänä̧'i̧nä̧ o'kajuiyünä̧tä̧ kka̧kui̧nä̧u̧. Juätümä̧ mo̧ro̧'i̧nä̧, yodo'i̧nä̧ kättädi'oka'a 'kuäopünä̧tä̧ ra̧'i̧nä̧tü̧: Sa̧tu̧ wa̧, Sa̧tu̧ wa̧ Tu̧ru̧wa̧mä̧, Dio o'kajuiyünä̧tä̧ ju̧ru̧wa̧mä̧, «Jua̧u̧tä̧tä̧ ja̧'a̧ 'kuäopünä̧tä̧ kki̧nü̧mä̧, jitä'i̧nä̧ kkü̧mä̧, yodoji'i̧nä̧ i̧chä̧kua̧mä̧.»

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

Hebreos 8:11

Ya̧tȩ'i̧nä̧ a̧wa̧ru̧wa̧ ji̧jä̧tä̧ i̧sa̧rü̧mä̧, ja̧'wa̧ta̧nü̧ ü̧jä̧wa̧rü̧mä̧, wo̧juȩkuo̧ka̧'a̧ jä̧kua̧'a̧, pa̧'a̧nü̧ wo̧jui̧pi̧ ku̧ru̧wa̧rü̧ pä'ümä̧; jua'amä̧ o'katoi'ünä̧tä̧ ttürümä̧ ttu̧wo̧jua̧'a̧ttü̧, ppo̧'ä̧tü̧ttü̧ kkä̧mä̧da̧'a̧mä̧, tä̧mü̧rü̧'i̧nä̧.

1 Corintios 2:15

Ja̧'wa̧nü̧ ja̧'a̧nä̧, Dio i̧sa̧ Epíritu-ru kku̧nä̧rä̧tü̧mä̧, o'kajuiyünä̧tä̧ adiwomȩnä̧ pä'ätü; pärokua'aku juätürümä̧, kkorotümä̧ pättü juiyünä̧ ja̧'a̧.

San Lucas 4:34

Ja̧'a̧tä̧ topitü; ¿Däjé jȩ'kua̧ päkuätüttü̧ ujuturumä̧, Jesú Nazare ttü̧ja̧sa̧mä̧? ¿Ujuturu Be'epäjipü kuichäja'a? ukurumä̧ wo̧jua̧sä̧: Dio i̧sa̧ Sa̧tu̧ pä'ümä̧.

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

Judas 1:5

Jua'akumä̧ ya'utenä̧ ku̧wo̧jui̧'i̧nä̧tu̧ku̧ ja̧'a̧nä̧ pä'äjita'anü̧ ji̧dä̧wä̧u̧jä̧. Dio-mä̧ Irae ttü̧ja̧rü̧ Egito-ttü rä'epü ikuäji̧'ka̧mä̧, Jua̧u̧ru̧ esetokotü päjätürümä̧ si'epü ikuinü̧.