1 Juan 2:15 - Nuevo Testamento Uwotjüja

¹⁵ Pi̧jä̧'i̧nä̧, pi̧jä̧nä̧ kka̧ku̧'i̧nä̧ eseumä̧ repekuä. Isopäi'ünä̧, ya̧tȩ pi̧jä̧ eseu repeüttümä̧, Jä'o Dio eseu repeümä̧ jui̧'a̧;

TÄ̧DO Ä̧CUÄ̧ I̧HUȨNȨ

¹⁵ Pi̧jä̧ jähuä'inä, pi̧jä̧nä̧ ka̧cu̧'i̧nä̧ pä̧huä̧ rö̧jö̧ cuamöcuädätucuä'. Pi̧jä̧ jähuä pä̧huä̧ rö̧jö̧ amöcuädömä, Tä'o Diosrö repe'ocö.

1 Juan 2:15 Referans Kwoze

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

San Mateo 6:24

Ya̧tȩ'i̧nä̧ uruwotü ta̧ju̧ru̧mä̧ ukuotü juiyünä̧ ja̧'a̧, jua'amä̧ ya̧tȩrü̧tä̧ eseu repea'anä̧, kka̧ra̧rü̧mä̧ üjü'kü juiyünä̧ ja̧'a̧ttü̧. Ja̧'wa̧nü̧ jü̧ta̧'a̧nü̧ ji̧nä̧ yo̧mȩtȩnä̧mä̧ Dio-rü'i̧nä̧ ukuotü kkä̧nü̧ pärätä'i̧nä̧ ukuotü ttü̧jü̧ juiyünä̧ ja̧'a̧.

San Lucas 16:13

Ya̧tȩ'i̧nä̧ uruwotü ta̧ju̧ru̧ u̧ju̧nä̧ra̧ pä'ümä̧ weyekua'a; jua'amä̧ ya̧tȩrü̧ üjü'kü juiyünä̧ ja̧'a̧nä̧, kka̧ra̧rü̧tä̧ eseunä̧ ja̧'a̧ttü̧; ja̧'wa̧ta̧nü̧ kka̧ra̧rü̧mä̧ ye pä'anä̧, kka̧ra̧rü̧mä̧ ukuotü juiyünä̧ jä̧kua̧'a̧. Ja̧'wa̧nü̧ ja̧'a̧ttü̧ Dio-rü ttu̧ru̧wa̧ ja̧'a̧nä̧mä̧, pärätä'i̧nä̧ ttu̧ru̧wa̧ ja̧ pä'ümä̧ weyekua'a.

San Juan 15:19

Ukutu pi̧jä̧ ttü̧ja̧ kuätukuttümä̧, pi̧jä̧ ttü̧ja̧mä̧ eseu repe'ajatü; ja̧'wa̧nü̧ ja̧'a̧nä̧ ukutumä̧ pi̧jä̧ ttü̧ja̧ kuätukuoka'attü̧, pi̧jä̧ttü̧ pojopü chȩmi̧nä̧u̧ kuätukua'attü pi̧jä̧ ttü̧ja̧mä̧ ttüjü'koko̧u̧jä̧.

1 Juan 3:17

Isopäi'ünä̧, yotüte ttiäre pärätä kku̧nä̧rä̧tü̧, tta̧wa̧ru̧wa̧ tti̧jä̧wa̧rü̧ rekuä rü̧ja̧'a̧ totta'anä̧; jua̧u̧ru̧ re ttü̧jü̧ juiyüttümä̧, ¿Toku kkä̧kua̧'a̧jä̧ttü̧, tta̧mi̧so'kinä̧mä̧, Dio eseu repeü jäwämä̧?

1 Timoteo 6:10

Ja̧'wa̧ta̧nü̧ pärätä kkü'kekunä̧ toäkuäwämä̧ surojü kkada'ka ja̧'a̧; kkorotü kka̧kuä̧tü̧ pärätä rü̧ȩnä̧ kku̧nä̧rü̧ Dio-rü unichi'inä̧tü̧, juätümä̧ rü̧ȩnä̧ ubara ttu'u usurä ȩmä̧wä̧tü̧.

Gálatas 1:10

Ja̧'wa̧nü̧ ja̧'a̧ttü̧ ttü̧ja̧rü̧ pä̧wä̧rü̧jü̧ jȩcha̧ pä'ümä̧ usoküsä, Dio-rü pä̧wä̧rü̧jü̧tä̧ jȩcha̧ pä'ü wa̧sä̧. Ja̧'wa̧nü̧ ttü̧ja̧rü̧ pä̧wä̧rü̧jü̧ jȩchü̧ttü̧mä̧, Crito-mä̧ u̧mü̧wä̧ya̧mä̧ poküsä.

1 Juan 4:5

Juätümä̧ iweye pi̧jä̧ isotü wotü ja̧'wa̧nü̧ ja̧'a̧ttü̧ pi̧jä̧ jäwä ttukuokuomȩnä̧mä̧ ttä̧ju̧kuä̧u̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

1 Juan 5:10

Dio I̧tti̧rü̧ ta̧'kua̧ tu̧wȩnä̧ro̧mȩnä̧mä̧, Dio pä'inü̧ esetätüjä̧. Ja̧'wa̧nü̧ ja̧'a̧nä̧ Dio-rü esetokümä̧, Jua̧u̧ru̧ ya̧pa̧rȩwa̧ jü̧nä̧ kku̧ni̧pü̧, jua'amä̧ Chutä Dio I̧tti̧ Jesucrito ütü'kü ukuokuinü̧ esetoka'attü̧.

San Mateo 4:8

Pä'äjita'anü̧ Äwettämä̧, mü̧ä̧'ka rü̧ȩnä̧ ju'toju jä'kara̧'a̧ o'ipäji̧'ka̧, pi̧jä̧ ruwäkuiyä uruwo'i̧nä̧, üadiwä'i̧nä̧ i̧jȩpü̧,

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.