1 Juan 2:11 - Nuevo Testamento Uwotjüja

¹¹ Ja̧'wa̧nü̧ ja̧'a̧nä̧, a̧wa̧ru̧wa̧ ü̧jä̧wa̧rü̧ üjü'kü juiyüttümä̧, yo̧ü̧nä̧ kkä̧nü̧, yo̧ü̧nä̧tä̧ kue'ächü; i̧'cho̧mȩ'i̧nä̧ jȩru̧pa̧, yo̧ü̧ ä̧to̧dü̧ ikuinä̧ku̧ ja̧'a̧ttü̧.

TÄ̧DO Ä̧CUÄ̧ I̧HUȨNȨ

¹¹ Ya̧tȩ ö̧jä̧hua̧rö̧ öjö'cö juiyönä kö̧mä̧, yo̧ö̧cu̧ kö̧, yo̧ö̧cu̧ cue'ächö. I̧'cha̧'a̧cu̧mä̧ jȩru̧pa̧. Ja̧u̧ yo̧ö̧ttö̧ ä̧to̧cä̧chö̧.

1 Juan 2:11 Referans Kwoze

San Juan 12:35

Pättäku Jesú-mä̧ päinä̧u̧: —Tȩya̧u̧mä̧ ukutu ku̧'kä̧tȩtu̧ku̧nä̧mä̧ a̧'u̧kua̧'a̧tä̧ kkä̧kua̧'a̧. Ja̧'wa̧nü̧ ja̧'a̧ttü̧ tȩya̧u̧ kkä̧i̧tä̧, jua̧u̧ tȩya̧u̧nä̧mä̧ kue'ächätukui, yo̧ü̧ kuieruwätukua'anä̧ rȩbȩä̧kuä̧wä̧tu̧kuä̧ku̧; isopäi'ünä̧ yo̧ü̧nä̧ kue'ächümä̧, i̧'cho̧mȩ'i̧nä̧ jȩru̧pa̧.

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

Apocalipsis 3:17

Ukumä̧ pä'üjä̧: Ttümä̧ ru̧wa̧sä̧, täkü ru̧wa̧ juo'inü̧sä̧, rekuämä̧ rü̧jo̧ko̧ku̧sä̧; päkua'anä̧ usurä i̧sa̧jä̧, ä̧to̧ka̧jä̧, kuä̧ta̧'i̧nä̧ jui̧'a̧jä̧.

1 Juan 1:6

Jua̧u̧tä̧ku̧ ji̧nä̧ ji̧yȩtȩnä̧ kka̧kuä̧tü̧jä̧ päta'anä̧, yo̧ü̧nä̧ tü̧ja̧ku̧ttü̧mä̧, yaparewätüjä̧, jueü wȩnȩnä̧ tü̧ja̧kuo̧ka̧'a̧ttü̧.

1 Juan 2:9

Ya̧tȩ, tȩya̧u̧nä̧ kkü̧sä̧ pä'anä̧, a̧wa̧ru̧wa̧ ü̧jä̧wa̧rü̧ üjü'kü juiyüttümä̧; ji̧nä̧ yo̧ü̧nä̧tä̧ kkü̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

San Juan 12:40

Tti'äriyä ä̧to̧dü̧ iku. Ja̧'wa̧ta̧nü̧ tta̧mi̧ 'kittädäkuäunä̧ jȩi̧nä̧u̧, Tti'ärenä̧ tottü juiya pä'ü, ja̧'wa̧ta̧nü̧ tta̧mi̧so'kinä̧ ttu̧wo̧jui̧pü̧ juiya pä'ü. Ttü'ärowächomȩnä̧, ttü aditü chiku juiyatü pä'ü.

2 Corintios 3:14

Ja̧'wa̧nü̧ juätümä̧ pi̧yȩ tü'kümä̧ yorisotä wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧ttü̧, jitä pi̧yȩ mo̧ro̧bü päi'ünä̧, Moisé i̧wȩyu̧ti̧nü̧mä̧ wo̧jui̧'o̧ko̧tü̧, juä̧ta̧tä̧ mü̧ȩkuä̧ra̧'a̧ jä̧'i̧nü̧'a̧nü̧ ja̧'a̧ttü̧. Suro, ya̧tȩtä̧ ja̧'a̧ Crito-tä ttu̧wo̧jui̧pü̧nä̧ ba'epümä̧.

2 Pedro 1:9

Ja̧'wa̧nü̧ ja̧'a̧nä̧ jui̧'a̧mä̧ ä̧to̧ka̧ jä̧'i̧nü̧'a̧nü̧ wa̧ jo̧mȩttü̧ otomä̧ topokü; täbokü suronä̧ jȩi̧nü̧ jȩä̧chi̧'ina̧'a̧mä̧ unichi'inü̧.

1 Juan 2:10

A̧wa̧ru̧wa̧ ü̧jä̧wa̧rü̧ eseu repeüttümä̧, tȩya̧u̧nä̧ kkü̧; ja̧'wa̧nü̧ kkü̧mä̧ kka̧ra̧rü̧mä̧ ma̧ä̧chü̧nä̧mä̧ jȩpo̧kü̧.

1 Juan 3:15

O'katoi'ünä̧ ttawaruwä tti̧jä̧wa̧tü̧rü̧ kkü'kokotümä̧, ttü̧ja̧rü̧ kuäwä isotü ja̧'a̧; ukutumä̧ wo̧juä̧tü̧jä̧ ttü̧ja̧rü̧ kuäwä i̧sa̧mä̧, 'kuäopünä̧mä̧ kkä̧kuä̧wä̧ i'komä̧ jui̧ä̧kua̧ pä'ü.

1 Juan 4:20

Ja̧'wa̧nü̧ ja̧'a̧ttü̧, ya̧tȩ «Dio-rü eseu repe'üsä» pä'ükkä̧nü̧, a̧wa̧ru̧wa̧ i̧jä̧wa̧rü̧ eseu repeü juiyüttümä̧, yapareäkuäwä i̧sa̧ ja̧'a̧. Isopäi'ünä̧ tawaruwä ti̧jä̧wa̧ totäkuru'i̧nä̧ eseu repetoka'amä̧ ¿toku eseu repetäkua'ajä̧ttü̧, Dio-rümä̧, totokokurumä̧?