1 Corintios 9:7 - Nuevo Testamento Uwotjüja

⁷ ¿Ditä jä̧'i̧jä̧ttü̧, su̧ro̧do̧u̧ i̧sa̧ kkä̧nü̧, u̧kuȩ'i̧nä̧, iäre'i̧nä̧ mitäu kkü̧mä̧? ¿Ditä jä̧'i̧jä̧ttü̧ uwa pättiyu adita'anä̧, jua̧u̧ u̧wä̧ju̧ kuokümä̧? ¿Ditä jä̧'i̧jä̧ttü̧ oweja-tü̧rü̧ tta̧wä̧ra̧'a̧nä̧, oweja-tü̧ ttatate isoya awokümä̧?

TÄ̧DO Ä̧CUÄ̧ I̧HUȨNȨ

⁷ Ya̧tȩ su̧ro̧da̧u̧ rohuäu i̧'cho̧mȩnä̧, ¿chutä öäre pärätänä mitö tä̧ji̧? ¿Dijä̧ttö̧ cuäcuähuä ku̧nu̧mä̧, chutä'inä ucuoca'a kä̧nö̧? ¿Dijä̧ttö̧ o̧vȩja̧stö̧rö̧ tta̧'ä̧rö̧mä̧, chutä'inä ttatate isoya ahuoca'a kä̧nö̧?

1 Corintios 9:7 Referans Kwoze

1 Timoteo 1:18

Chi̧tti̧, Timoteo, pi̧yȩ wedäkujä̧ kurä adiwäjuei kurowäwa pä'ü kua̧'kua̧ wȩnä̧rü̧ kkä̧nü̧, adiwomȩnä̧ amükuädü, 'kuäopä̧kuȩ wȩnȩ uku kutü'kü jittäwinü̧'a̧kuä̧.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

1 Pedro 5:2

Dio ä̧ji̧mü̧ oweja-tü̧ iyinä̧u̧ru̧mä̧ adiu Dio-rü pä̧wä̧rü̧ja̧'a̧ku̧ tta̧'a̧rä̧tu̧kui̧, kujurutukumä̧kü̧, pärätänä̧mä̧kü̧, ja̧'wa̧nü̧ ja̧jü̧ jueimä̧ adiu eseunü̧tä̧.

2 Timoteo 4:7

Surojükumä̧ adiwäjuei kuränä̧ rowäwinü̧sä̧, ja̧'wa̧nü̧ rowäu jo̧mȩnü̧ rȩbȩwi̧nü̧sä̧, Dio-rü'i̧nä̧ kädädi'oka'a cha̧'kua̧ wȩnä̧ri̧nü̧sä̧.

1 Timoteo 6:12

Tta̧'kua̧ wȩnä̧rä̧kuä̧wä̧nä̧ surojümä̧ adiwäjuei kuränä̧ rowäwi; kkä̧kuä̧wä̧ i'ko'i̧nä̧ dajawächa'anä̧mä̧ ja̧'a̧tä̧ to'kuä, jua̧u̧tä̧ pätetü Dio-mä̧ woinä̧ku̧jä̧, ja̧'wa̧nü̧ ja̧'a̧ttü̧ ttü̧ja̧ rekuätü ttä'ka jo̧mȩttü̧ kua̧'kua̧ ku̧wȩnä̧rü̧mä̧ ji'äwinü̧jä̧.