1 Corintios 9:6 - Nuevo Testamento Uwotjüja

⁶ ¿Juiyo ujutu Bernawé-kutätí̧, tu̧kuȩ tukua pä'ü aditü usurä ȩmä̧wä̧tü̧mä̧?

TÄ̧DO Ä̧CUÄ̧ I̧HUȨNȨ

⁶ ¿Ttöcutä, Bernabécutä Dios i̧huȩnȩ ji'äu kä̧nö̧, tamönä taditö'a̧nö̧ ja̧'a̧ pä'ö amöcuädätöjä tä̧ji̧ ucutumä?

1 Corintios 9:6 Referans Kwoze

1 Tesalonicenses 2:9

Chawaruwä chi̧jä̧wa̧tü̧ ukutu kuamükuädätukuttümä̧ wo̧juä̧tü̧jä̧, ujutu taditinü̧'i̧nä̧, usurä tȩmä̧wi̧nü̧'i̧nä̧, jü̧nä̧. Mo̧ro̧'i̧nä̧, yodo'i̧nä̧, aditinä̧tü̧jä̧ ukuturu jä̧'ȩpä̧rü̧ jui'ümä̧, Dio i̧wȩnȩ, jareü wȩnȩ jitäwa'a rekuä rü̧jä̧u̧mä̧.

Hechos 18:3

Ja̧'wa̧nü̧ ja̧'a̧ juätü jü̧ta̧'a̧nü̧, isotü tti̧jȩti̧yu̧ttü̧ odewiyä o̧ta̧ aditü ja̧'a̧, juätütäku kki̧'i̧nü̧ yo̧mȩtȩnä̧ adita pä'ü.

Hechos 4:36

Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).

Hechos 14:12

Ja̧'wa̧nü̧ ja̧'a̧ Bernawé-rümä̧, ttü̧ä̧nä̧wa̧ dio Zeus pättinä̧ku̧ ja̧'wa̧ta̧nü̧ Pauru-rütä, ttü̧ä̧nä̧wa̧ dio Hermes pä'ü ottinä̧ku̧, jua̧u̧mä̧ ji̧yȩtä̧ wȩnȩ ji̧ä̧wi̧yä̧u̧.

Hechos 11:22

Ja̧'wa̧nü̧ jua̧u̧ 'kuäopa'a ä̧ju̧ku̧, Jerusarȩ́-ttü̧ igresia jü̧nä̧ esetätümä̧; Bernawé-rü we'inä̧tü̧ Antioquía-ra̧'a̧ i̧'cha̧ pä'ü.

Hechos 13:50

Ja̧'wa̧nü̧ ja̧'a̧nä̧ judío-mä̧, juȩnȩ ütawiyättü, nä̧tü̧ adiu Dio-rü esetätürü'i̧nä̧, ukuo isotürü'i̧nä̧ ja̧'wa̧ta̧nü̧ ruwotürü'i̧nä̧ esekuinä̧tü̧, Pauru-rü'i̧nä̧, Bernawérü'i̧nä̧ juä̧jä̧ttü̧ rä'epü ttikunä̧.

1 Corintios 11:16

Ja̧'wa̧nü̧mä̧ jidäwa'anä̧, yotüte pi̧yȩ pättä'cha pättüttümä̧, ujutumä̧ ja̧'wa̧ta̧nü̧ Dio-rü esetätü'i̧nä̧ kkoromä̧ jerupätüjä̧.

2 Corintios 11:8

Ukuturu ppä'ädümä̧, kkoro igresia wotü pärätä ppättädünä̧tä̧ aditinü̧sä̧.