1 Corintios 9:5 - Nuevo Testamento Uwotjüja

⁵ ja̧'wa̧ta̧nü̧ kkorotü apótore jü̧ta̧'a̧nü̧, Tu̧ru̧wa̧ ü̧jä̧wa̧tü̧ jü̧ta̧'a̧nü̧, Cefa jü̧'a̧nü̧mä̧, Crito-rü esetäjuru tirekua päi'ünä̧ tȩpa̧ pä'ümä̧ jui'ätüjä̧ tä̧jí̧?

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ korotö Jesús hue'ähuotö'inä, Tu̧ru̧hua̧ ö̧jä̧hua̧tö̧'i̧nä̧, Pedro'inä kara'a 'chä̧nö̧ ttirecuarö ttȩpö̧'a̧nö̧, ttö'inä ttörö pä̧huä̧ rö̧jö̧ttö̧mä̧ chirecuarö, Diosrö esetäjuru chȩpö̧'a̧nö̧ ja̧'a̧.

1 Corintios 9:5 Referans Kwoze

San Juan 1:42

Jua̧u̧nü̧ o'ka'a, André-mä̧ ubüo Simón-rü̧, Jesú ü̧jo̧mȩku̧ o'ipü 'chi̧nü̧; i̧'chi̧'o̧mȩnä̧ Jesú-mä̧ topü päinä̧ku̧: —Ukumä̧ Simón-jä̧, Ju̧a̧ i̧tti̧ ja̧'wa̧nü̧ ja̧'a̧nä̧ jitämä̧ Cefa pä'ü kui̧mi̧kuä̧kua̧jä̧ (jua̧u̧mä̧ Peduru pä'ü päwä)

San Mateo 8:14

Peduru ojusodenä̧ ichi'omȩnä̧, Jesú-mä̧ jua̧u̧ ü̧sä̧da̧rü̧ cama-nä̧ du'unä̧ na̧'ä̧chü̧ kkü̧'a̧'a̧ topinü̧.

Hebreos 13:4

O'katoi'ünä̧ tti̧rȩkua̧mü̧rü̧ kku̧nä̧rä̧tü̧rü̧mä̧ ukuotätukui ja̧'wa̧ta̧nü̧ kuirekuamü̧tu̧ku̧ku̧ ku̧ja̧kuä̧kuä̧wä̧tu̧ku̧mä̧ surojü juiyünä̧tä̧ kka̧kuä̧wä̧tu̧kui̧; jua'amä̧ ttȩmä̧kuä̧wo̧ka̧'a̧nä̧ kka̧kuä̧wä̧tü̧rü̧'i̧nä̧ ja̧'wa̧ta̧nü̧ kkorotü tti̧rȩkua̧mü̧rü̧ jȩpä̧'chä̧tü̧rü̧'i̧nä̧, Dio-mä̧ ü̧tä̧bo̧tä̧kua̧ ja̧'a̧.

Gálatas 1:19

Ja̧'wa̧nü̧ ja̧'a̧nä̧ kkorotü apótore-rümä̧ topokü pinü̧sä̧, suro Tu̧ru̧wa̧ i̧jä̧wa̧ Sa̧ti̧a̧ku̧rü̧tä̧ topinü̧sä̧.

1 Corintios 7:39

Isaju kkirekuorü kkä̧ju̧mä̧, ji̧nä̧ a̧'kua̧rä̧i̧mä̧ kkirekuoku todepaju; ja̧'wa̧nü̧ ja̧'a̧nä̧, kkirekuo toe'ächomȩnä̧mä̧, täkü todepokoju, kka̧ra̧rü̧ kkȩma̧ päjüttümä̧ ȩmä̧ju̧ ja̧'wa̧nü̧ ja̧'a̧nä̧ Tu̧ru̧wa̧rü̧ esetürü.

1 Corintios 7:7

Ttütämä̧, o'katoi'ünä̧ u̧mä̧tü̧mä̧ ttü chü'anü̧tä̧ kuätukua pä̧wä̧rü̧jä̧ku̧sä̧; ja̧'wa̧nü̧ ja̧'a̧nä̧ Dio-mä̧ yotukunä̧rü̧ tti̧mi̧ku̧ pünä̧ ttü̧ja̧ pä'ü iyinü̧, yotukunä̧mä̧ i̧mi̧ku̧nä̧ tta'anä̧, kkorotütä i̧mi̧ku̧nä̧ jü̧nä̧.

Hechos 1:14

Ja̧'wa̧nü̧ ja̧'a̧, juätü o'katoi'ünä̧ ka̧ka̧ku̧ Dio-rü ji̧nä̧ yo̧mȩtȩttü̧ ukuokuinä̧tü̧, juätükumä̧ nätü̧'i̧nä̧ ji̧na̧'a̧, Jesú ja̧ju̧ María'i̧nä̧, ü̧jä̧wa̧tü̧'i̧nä̧, jü̧nä̧.

Tito 1:6

Igresia-rü juȩ'ȩpä̧rü̧mä̧ ya̧tȩ yoriso suronä̧ jȩpä̧'i̧jü̧ pä'äwokü ja̧'a̧, irekuarü'i̧nä̧ yajuterütä kkü̧rü̧, ja̧'wa̧ta̧nü̧ i̧tti̧mü̧mä̧ Jesucrito-rü esetü ukuotü ttü̧ja̧kua̧ pä'ü wa̧ ja̧'a̧.

1 Timoteo 5:2

Ja̧'wa̧ta̧nü̧ nä̧tü̧ büäkuächätürümä̧, kua̧mü̧nä̧ kua̧ju̧ 'kua̧rü̧nä̧tä̧ ukuokuitü; nä̧tü̧ müäyotürütä kui̧jä̧woju̧tü̧ 'kua̧rü̧nä̧ ttu̧ȩkuä̧nä̧ surojü amükuädäkuäwä juiyünä̧ ukuokuitü.

1 Timoteo 3:2

Ja̧'wa̧nü̧ ja̧'a̧ttü̧, pi̧yȩ aditäwä kku̧nä̧rü̧mä̧, surojü jȩpä̧'i̧jü̧ jü̧nä̧mä̧ pä'äwokü ja̧'a̧. Irekuarümä̧ yajuterütä u̧ju̧nä̧ra̧ pä'ü ja̧'a̧, idepä kkü'kekumä̧ o'kajuiyünä̧tä̧ tta̧wä̧rä̧kuä̧wa̧ pä'ü wa̧, ja̧'wa̧ta̧nü̧ jȩä̧kuȩ'i̧nä̧ todärenä̧ amükuäda pä'ü ja̧'a̧. Ojusodenä̧ ttü̧ja̧rü̧ doäda pä'ümä̧ 'kuäopünä̧tä̧ jo̧mȩnü̧ ü̧ja̧ pä'ü ja̧'a̧; ja̧'wa̧ta̧nü̧ u̧wo̧juȩta̧ pä'ü'i̧nä̧ jo̧mȩnü̧ wa̧;

1 Corintios 7:15

Ja̧'wa̧nü̧ ja̧'a̧nä̧, ubo ja̧ pä'ü'i̧nä̧, isaju ja̧ pä'ü'i̧nä̧, Dio-rü esetokü ja̧'a̧ jaroi'a, päjüttümä̧, jaropi'i. Ta̧wa̧ru̧wa̧ ti̧jä̧wa̧ jü̧ttü̧'i̧nä̧, tijäwaju jü̧ttü̧'i̧nä̧ jua̧u̧ttü̧ rä'opächätü. Isopäi'ünä̧ Dio-mä̧ wȩnȩ juiyünä̧ tü̧ja̧ pä'ü woinä̧u̧jä̧, jua̧u̧ surojü kkȩdä̧ra̧tü̧ pä'ümä̧ wooko̧u̧ pinä̧tü̧jä̧.

1 Corintios 1:12

Ukututtü, yotüte pättü pä'üsä: «Ttümä̧ Pauru umüwäyotü i̧sa̧sä̧»; kkorotü pä'ätü: «Ttümä̧ Aporo umüwäyotü i̧sa̧sä̧»; kkorotütä pä'ätü: «Ttümä̧ Cefa umüwäyotü i̧sa̧sä̧,» ja̧'wa̧ta̧nü̧ ttümä̧: «Crito umüwäyotü i̧sa̧sä̧,» jü̧nä̧.

Romanos 16:1

Ukuturu we'üsä tawaruwaju tüjäwaju Febe-rü; juäjumä̧ Cencrea ütawiyättü igresia-nä̧ diákunu̧ isaju waju ja̧'a̧.

San Juan 2:12

Jua̧u̧ 'kuäopäji o'ka'a Cafarnaúm ütawiyära̧'a̧ 'chi̧nä̧tü̧, ja̧ju̧'i̧nä̧, ü̧jä̧wa̧tü̧'i̧nä̧, u̧wo̧juȩtä̧u̧'i̧nä̧ jü̧nä̧; juȩnȩmä̧ a̧'u̧ku̧nä̧tä̧ mo̧ro̧ kka̧kui̧nä̧tü̧.

San Lucas 6:15

Mateo'i̧nä̧, Tomá'i̧nä̧, Alfeo i̧tti̧ Sa̧ti̧a̧ku̧'i̧nä̧, Simón Zerote pä'ü oinä̧ku̧'i̧nä̧.

San Marcos 6:3

¿Pidemä̧, María kki̧tti̧ (Carpintero) pä'ijümä̧kü̧ ja̧'wa̧ta̧nü̧ Jacobo'i̧nä̧, José'i̧nä̧ Juda'i̧nä̧ Simón'i̧nä̧ ttubüo pä'ijümä̧kü̧? ¿Ja̧'wa̧ta̧nü̧ ü̧jä̧wa̧tü̧ nä̧tü̧mä̧ ujututä ttü̧jä̧'i̧jä̧ttü̧? —Ja̧'wa̧nü̧ pä'ü rü̧ȩnä̧juo'eku, esetokotü pinä̧tü̧.

San Marcos 1:30

I̧'chi̧'o̧mȩnä̧, Simón ü̧sä̧da̧, kkiäre ka̧ma̧nä̧, rü̧ȩnä̧ du'unä̧ na̧'ä̧chü̧ kkü̧'a̧'a̧ jittäwinä̧ku̧.

San Mateo 13:55

¿Pidemä̧, dau odiyä adikuä i̧sa̧ i̧tti̧ pä'ijü i̧tti̧mä̧kü̧?, ¿ja̧ju̧mä̧ María pä'ijäjumä̧kü̧, Sa̧ti̧a̧ku̧'i̧nä̧, José'i̧nä̧, Simón'i̧nä̧, Juda'i̧nä̧ ttubüo pä'ijümä̧kü̧?,

1 Timoteo 4:3

Juätü ttü̧ja̧mä̧, ttirekuarü ttȩma̧ pä'ü'i̧nä̧ we'okotü ja̧'wa̧ta̧nü̧ Crito-rü esetätü isopäi'ünä̧ wȩnȩ wo̧juȩtä̧tü̧ Dio kuäkuäwä uwäbe'inü̧rü̧ eseu ttukua pä'ü'i̧nä̧ we'okotü ttäkuotü.

1 Corintios 7:8

Ttümä̧ pä̧wä̧rü̧jä̧ku̧sä̧, ttirekua to'ätü'i̧nä̧, rȩkua̧mü̧'i̧nä̧, tti̧rȩkua̧mü̧rü̧ ttȩmo̧ka̧'a̧ ttü̧ja̧ pä'ütä; Ja̧'wa̧nü̧ ja̧'a̧nä̧ Dio-mä̧ yotukunä̧rü̧ jȩpü̧ ttü̧jä̧kuȩmä̧ iyinü̧, yotukunä̧mä̧ pi̧yȩ pädü jȩttü̧nä̧, kkorotümä̧ kkoro jȩttü̧nä̧, jü̧nä̧.

San Lucas 8:20

Ja̧'wa̧nü̧ ja̧'a̧, ya̧tȩ Jesú-ru ji'äwinü̧: —Kua̧ju̧'i̧nä̧, kui̧jä̧wa̧tü̧'i̧nä̧ u̧mi̧nä̧ kka̧ku̧ ukuru totta pä'ätü.