1 Corintios 9:26 - Nuevo Testamento Uwotjüja

²⁶ Ja̧'wa̧nü̧ ja̧'a̧ttü̧ ttümä̧, päte'üra̧'a̧tä̧mä̧ jopoküsä; ja̧'wa̧ta̧nü̧ ja̧'a̧tä̧ isoppanä̧ 'ta'tatta'a 'kua̧rü̧nä̧mä̧ rowäwoküsä.

TÄ̧DO Ä̧CUÄ̧ I̧HUȨNȨ

²⁶ Ttömä adiunätä jopösä. Ja̧'hua̧ta̧nö̧ ja̧'a̧tä̧ra̧'a̧mä̧ rohuähuocösä ttömä.

1 Corintios 9:26 Referans Kwoze

2 Pedro 1:10

Ja̧'wa̧nü̧ ja̧'a̧ttü̧, chi̧jä̧wa̧tü̧, täkü Dio-mä̧ wopü pojopü ȩmi̧nä̧u̧jä̧ aditü 'kiyünä̧ kka̧kuä̧tu̧kui̧, ja̧'wa̧nü̧ jȩ'kuä̧tu̧ku̧ttü̧mä̧ yoriso ma̧'ä̧cho̧ko̧tü̧ kuäkuotüjä̧.

2 Timoteo 2:5

Ja̧'wa̧nü̧ jä̧'i̧nü̧ta̧'a̧nü̧, ya̧tȩ joäkuäwä i̧sa̧ joäkuäwä tü'kü jiäu ukuotoka'a jü̧ttü̧mä̧ premio-mä̧ ȩmo̧kü̧ jä̧kua̧.

Filipenses 1:21

Isopäi'ünä̧ ttürümä̧, pi̧jä̧ttü̧ kkä̧kuä̧wä̧mä̧ Crito-tä ja̧'a̧ ja̧'wa̧nü̧ ja̧'a̧nä̧ 'korujuoächäkuäwämä̧ mikuä po̧kui̧kuä̧ ja̧'a̧.

Colosenses 1:29

Jua̧u̧ ja̧'a̧tȩ'ü̧ usurä ȩmä̧u̧sä̧, Crito ujurunä̧, chutä chujuru iya'anä̧.

San Lucas 13:24

Kujuruku amükuädätukui äpate a̧'u̧kuatenä̧ dode'kuätukua; isopäi'ünä̧ rekuätü dodetta pä'ü jȩtta̧'a̧nä̧, dodepokotü ttäkuotü.

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

2 Corintios 5:8

Ja̧'wa̧nü̧ ja̧'a̧ttü̧, teseäkuäwätukua pi̧yȩ tidepä ikuipü; pärokuänä̧ Tu̧ru̧wa̧ku̧tä̧ tü̧ja̧kua̧ päta'attü̧.

2 Corintios 5:1

Isopäi'ünä̧ tojusode pi̧jä̧ isode, pode tabenákuro pättodemä̧, ya'ute mo̧ro̧ toe'ächäkuode pä'ü wo̧juä̧tü̧jä̧. Ja̧'wa̧nü̧ ja̧'a̧nä̧, mo̧ro̧jä̧nä̧mä̧ kku̧nä̧rä̧tü̧jä̧ tojusode beipokode, Dio adikuode, pi̧jä̧ ttü̧ja̧mä̧ adikuokode.

1 Corintios 14:9

Ja̧'wa̧nü̧ jü̧ta̧'a̧nü̧ ja̧'a̧ ukutu'i̧nä̧; kui̧wȩnȩtu̧ku̧nä̧ adiu wäjuönä̧ päkuätuku juiyüttümä̧ ¿Toku ttu̧wo̧jui̧pä̧kua̧'a̧jä̧ttü̧ kukuokuätukumä̧? jua'amä̧ isopparütä ukuokuätüjä̧.

San Mateo 11:12

Bautizo jȩä̧kuä̧wä̧ i̧sa̧, Ju̧a̧ ichino̧mȩttü̧ kkä̧mä̧dü̧ jitä pi̧yȩ mo̧ro̧bü päi'ünä̧, mo̧ro̧jä̧ jäwä weomȩmä̧ rowäkuäwätä kka̧'a̧ ja̧'wa̧ta̧nü̧ rowäkuäwä juruwätütä jua̧u̧mä̧ 'cho'ipätü.

Gálatas 2:2

Jua'amä̧ 'chi̧nü̧sä̧, chi̧'cha̧ pä'ü Dio i̧jȩpä̧jä̧ku̧. Ja̧'wa̧ta̧nü̧ jua'attümä̧ chaditä'ijü'i̧nä̧, chaditä̧kuȩ'i̧nä̧ ji̧ya̧'a̧kuä̧ra̧'a̧ aditü jui'ü, chu̧wo̧jua̧ pä'ü, ukuo isotüku i̧mi̧ku̧nä̧ ka̧ka̧kui̧pü̧ ukuokuinü̧sä̧, judío pokotürü chaditä'ijü jareü wȩnȩ tü'kü.

2 Timoteo 4:7

Surojükumä̧ adiwäjuei kuränä̧ rowäwinü̧sä̧, ja̧'wa̧nü̧ rowäu jo̧mȩnü̧ rȩbȩwi̧nü̧sä̧, Dio-rü'i̧nä̧ kädädi'oka'a cha̧'kua̧ wȩnä̧ri̧nü̧sä̧.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.