1 Corintios 9:23 - Nuevo Testamento Uwotjüja

²³ Pi̧yȩ o'kajuiyünä̧ jȩpü̧sä̧, jareü wȩnȩ jäwänä̧, jua̧u̧ jäwä ji̧nä̧ ji̧yȩtȩnä̧ cha pä'ü.

TÄ̧DO Ä̧CUÄ̧ I̧HUȨNȨ

²³ Ttömä ja̧'hua̧nö̧ jȩpö̧sä̧ Dios i̧huȩnȩ, ttö̧ja̧ suronä jȩttö̧ jȩpö̧ icu huȩnȩ esetö, ttö'inä chȩmä̧cua̧'a̧nö̧ adihuä juäi, ja̧u̧ huȩnȩ päö'a̧nö̧.

1 Corintios 9:23 Referans Kwoze

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

San Marcos 8:35

Ja̧'wa̧nü̧ ja̧'a̧ttü̧ ya̧tȩ a̧'kua̧rü̧ ü̧ji̧pa̧ pä'ümä̧, toe'ächä̧kua̧; ja̧'wa̧nü̧ ja̧'a̧nä̧ ttü jäwänä̧, a̧'kua̧rü̧ to'e'ächümä̧, a̧'kua̧rü̧mä̧ ü̧ji̧pä̧kua̧.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Gálatas 2:5

Ja̧'wa̧nü̧ ja̧'a̧nä̧, juätü pätta'akumä̧ jȩpo̧ko̧tü̧ pi̧nä̧tu̧jä̧, ukutunä̧ jareünä̧ jueü wȩnȩ kka̧ päta'attü̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

2 Timoteo 2:6

Ja̧'wa̧ta̧nü̧ pätta adikuä i̧sa̧'i̧nä̧ u̧wä̧ju̧ ukua pä'ümä̧, ä̧kuo̧mȩnä̧mä̧ adita pä'ü ja̧'a̧.

2 Corintios 2:4

Jua̧u̧ wȩyu̧tu̧ kkä̧nü̧mä̧, cha̧'kua̧ tta̧'ȩkui̧nü̧sä̧, chajuäunä̧tä̧ päi'ünä̧. Ukutu kua̧'kua̧ tta̧kuȩkuä̧tu̧kua̧mä̧ pä'okü pinü̧sä̧; suro, ukuturu rü̧ȩnä̧ eseu repedütä ku̧wo̧juä̧tu̧kua̧ pä'inü̧sä̧.

1 Corintios 9:12

Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

Romanos 11:17

Olivo dau wotü judío-mä̧, kuä̧na̧jui̧yä̧ jui̧rä̧chi̧'i̧nä̧u̧jä̧, juȩnȩ o'komȩmä̧ olivo müä'kiyu jäwätä u̧ju̧ni̧nä̧u̧jä̧, juätümä̧ ukutu ja̧'a̧. Ja̧'wa̧nü̧ jȩpü̧ kkada'ka ujukäkä päi'ünä̧ jȩpü̧ kkä̧kuä̧wä̧ olivo a̧'kua̧rü̧ iyinä̧u̧jä̧.

1 Corintios 9:22

Juiyupätuku chü̧jo̧mȩnä̧'i̧nä̧, juiyupätü 'kua̧rü̧nä̧ kkü̧sä̧, juätü juiyupätü Crito-rü esetü ttikua pä'ü; o'katoi'ünä̧ ttü̧jü̧'a̧kuä̧tä̧ kkü̧sä̧, esetätü pünä̧ esetü ttikua pä'ü.

1 Corintios 9:24

Isopäi'ünä̧ wo̧juä̧tü̧jä̧, joäkuäwä isotü jottomȩnä̧mä̧, o'katoi'ünä̧tä̧ jopätü pä'ü ja̧'wa̧nü̧ ja̧'a̧nä̧ ya̧tȩtä̧ ja̧'a̧ joäji mikuä premio pättü ȩmi̧pü̧mä̧. Ja̧'wa̧nü̧ jü̧ta̧'a̧nü̧, ukutu'i̧nä̧ premio pättü kuȩmä̧tu̧ku̧nä̧ päi'ünä̧ jopätukui.