1 Corintios 9:19 - Nuevo Testamento Uwotjüja

¹⁹ Ya̧tȩ'i̧nä̧, esclavo chunä̧ u̧mü̧wä̧ya̧mä̧ choka'anä̧, o'katoi'ünä̧ esclavo jü̧nä̧ ttu̧mü̧wä̧ya̧tä̧ juo'ächinü̧sä̧, rekuätü Jesucrito-rü esetü ttikunä̧ jidäwa pä'ü.

TÄ̧DO Ä̧CUÄ̧ I̧HUȨNȨ

¹⁹ Ttömä ka̧ra̧ huȩ'ä̧hua̧mä̧cö̧sä̧. Juhuorö'inä o'ca toi'önä Cristorö tteseta pä'ö, huȩ'ä̧hua̧ i̧sa̧ jö̧'a̧nö̧ kö̧sä̧.

1 Corintios 9:19 Referans Kwoze

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

San Mateo 18:15

Kua̧wa̧ru̧wa̧ kui̧jä̧wa̧ ukuru suronä̧ jȩü̧ttü̧mä̧, kkatärütä o'ipächü ro̧'ȩpü̧nü̧ ukuokuirü u̧wo̧jui̧pü̧nä̧; u̧wo̧jui̧pü̧ttü̧mä̧, kua̧wa̧ru̧wa̧rü̧ esekujä̧.

1 Corintios 10:33

O'kajuiyünä̧tä̧ jȩchü̧mä̧, o'katoi'ünä̧rü̧ ttesewomȩnä̧ jȩcha̧ pä'üsä, ttürütä ppädütämä̧kü̧, rekuätürü ppädü, juätü'i̧nä̧ surojüttü ttü̧ja̧kui̧'a̧ pä'ü.

1 Timoteo 4:16

Kua̧mü̧nä̧ pa̧ja̧tü̧'i̧nä̧ tta̧'a̧rä̧kuä̧wi̧ ja̧'wa̧ta̧nü̧ kkorotürü ku̧wo̧juȩtü̧mä̧ ttu̧'ȩpä̧rü̧nü̧ wo̧juȩti̧, o'kajuiyünä̧ adiwomȩnä̧tä̧ jȩpi̧. Ja̧'wa̧nü̧ jȩ'kuo̧mȩnä̧tä̧ ukutä'i̧nä̧, ku̧wo̧juȩtü̧ ä̧ju̧kuä̧tü̧'i̧nä̧ surojü jȩä̧kuä̧wä̧ttü̧mä̧ ttü̧ja̧kui̧'ä̧kuo̧tü̧.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

Romanos 15:2

Ujutu yotukunä̧mä̧ ta̧wa̧ru̧wa̧rü̧mä̧ adiwä jueitä jȩtü̧'a̧nü̧ ja̧'a̧, ä̧rä̧ma̧ pä'ü ppä'ädütä.

1 Pedro 3:1

Ja̧'wa̧ta̧nü̧ ukutu tti̧tti̧mü̧ tta̧ju̧tu̧'i̧nä̧, kui̧tti̧mü̧tu̧ku̧ ttä̧'o̧tü̧rü̧ ukuotätukui, yotüte Dio i̧wȩnȩ ttesetü juiyüttü'i̧nä̧, ukutu kukuokuätukuoka'anä̧ ku̧jä̧tu̧ku̧ttü̧ topü ttesetäkua'anü̧,

1 Corintios 9:1

¿Ttümä̧ apóto-mä̧kü̧sä̧? ¿Ttümä̧ unichä̧rü̧ chu̧ju̧nä̧ rä'epü ikuokoku pinü̧sä̧? ¿Ttümä̧ Tu̧ru̧wa̧ Jesucrito-rü topokü pinü̧sä̧? ¿Ukutumä̧ Tu̧ru̧wa̧ a̧'kua̧ iweyenä̧ chaditäwämä̧kü̧jä̧?

Romanos 1:14

Grecia ttü̧ja̧rü̧'i̧nä̧ ja̧'wa̧ta̧nü̧ Grecia ttü̧ja̧ wokotürü'i̧nä̧ ja̧'wa̧ta̧nü̧ wo̧juä̧tü̧rü̧'i̧nä̧, jerupätürü'i̧nä̧ pi̧yȩmä̧ mi̧ppotüsä;

Gálatas 5:1

Crito rä'epü ikuinü̧nä̧tä̧, 'kiyünä̧ kka̧kuä̧tu̧kui̧, pä'äjita'anü̧mä̧ weäwä wȩnȩ kkȩdä̧ra̧'a̧ku̧mä̧ ku̧ja̧kuä̧tu̧kuä̧.

1 Corintios 7:16

Isopäi'ünä̧ ¿Toku ku̧wo̧jua̧'a̧jä̧ttü̧ ukú isajumä̧, kuirekuorü surojüttü ü̧ji̧pü̧nä̧ ppädädäkuajusä 'kua̧ra̧'a̧ pä'ümä̧? ¿Ja̧'wa̧ta̧nü̧ toku, ku̧wo̧jua̧'a̧jä̧ttü̧ uku kkirekuomä̧, chirekuarü surojüttü kkü̧ji̧pü̧nä̧ ppä̧dä̧dä̧kua̧sä̧ 'kua̧ra̧'a̧ pä'ümä̧?

Romanos 11:14

Ja̧'wa̧nü̧ ja̧'a̧nä̧ jua'amä̧ chawaruwä ttä'kuoyäwächi'a pä'ü pä'üsä, ja̧'wa̧nü̧ jo̧mȩnä̧ Dio-mä̧ juätürü'i̧nä̧ ra̧wä̧pi̧jü̧ttü̧ ttü̧ji̧pü̧nä̧ ppädäkua'anü̧.

1 Corintios 10:29

Ukutu kuamükuädätukumä̧ pä'oküsä, kkorotü tta̧mü̧kuädü pä'üsä. Jua̧u̧nu̧mä̧ ¿Tta̧'a̧nü̧ pä'ü, ttü wȩnȩ juiyünä̧ jȩchü̧mä̧, kka̧ra̧ amükuädomȩnä̧ pä̧ttä̧kua̧ cha'ajä̧ttü̧?

2 Corintios 4:15

Pi̧yȩmä̧ o'kajuiyünä̧ 'kuä'opätüjä̧ ukutu adiwä juei kuȩmä̧tu̧kua̧ pä'ü. Isopäi'ünä̧ rekuätü Dio rȩrü̧jü̧ topü eseu ttȩmü̧ttü̧mä̧, rekuätü jä̧kua̧'a̧ Dio ü̧rü̧ä̧ eseäkuäwätümä̧.

2 Corintios 12:14

Täkü jo̧mȩnü̧ wa̧sä̧, wäbodäkuä päi'ünä̧ ukuturu do'ächü chichäkua'amä̧; jitä'i̧nä̧ ukuturu jä̧'ȩpä̧ro̧kü̧ chä̧kua̧sä̧. Ukutu ku̧ju̧nä̧rä̧tu̧ku̧ jädepa pä'ümä̧ usoküsä, ji̧nä̧somä̧ ukuturu ususä; isopäi'ünä̧ ttä̧'o̧tü̧tä̧ ja̧'a̧ tti̧tti̧mü̧ ttiäre pärätä ka̧ka̧tä̧tü̧mä̧, pärokua'aku tti̧tti̧mü̧mä̧, ttä̧'o̧tü̧ ttiäremä̧ ka̧ka̧to̧ko̧tü̧.