1 Corintios 9:18 - Nuevo Testamento Uwotjüja

¹⁸ ¿Ja̧'wa̧nü̧ ja̧'a̧mä̧, ti̧yȩjä̧ttü̧ ttü mikuä chȩmä̧kuȩmä̧? Jua̧u̧mä̧ Crito weinü̧ mipponä̧ jidäutä ja̧'a̧, jareü wȩnȩ jidäwomȩnä̧ mikuä chȩma̧ pä'ü ji̧nü̧mä̧ chȩmo̧ka̧'a̧tä̧.

TÄ̧DO Ä̧CUÄ̧ I̧HUȨNȨ

¹⁸ Ja̧'hua̧nö̧ ja̧'a̧ttö̧ ¿däjettö jidähuinö micuämä? Iso päi'önä ttö̧ja̧ suronä jȩttö̧ jȩpö̧ icu huȩnȩ jidähuomenä, korotörö koro juäi jädepoca'anä, ja̧u̧tä̧ ttö jidähuinö micuä. Ja̧'hua̧nö̧ jȩpö̧, ttömä ȩmo̧cö̧sä̧ koro juäi korotöttö micuä juiyönä Dios i̧huȩnȩ ji'äusä pä'ö kä̧nö̧.

1 Corintios 9:18 Referans Kwoze

1 Tesalonicenses 2:6

Ukuturu'i̧nä̧, kkorotürü'i̧nä̧, ttü̧ja̧ ttukuotatü pä'ümä̧ usokotüjä̧.

1 Corintios 8:9

Ja̧'wa̧nü̧ ja̧'a̧nä̧, ukutu unichä̧rü̧ jȩpü̧ ku̧jä̧tu̧ku̧mä̧, jiyüpätürü kkä'ü kuikuätuku juiyünä̧ kka̧kuä̧tu̧kui̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

1 Corintios 10:33

O'kajuiyünä̧tä̧ jȩchü̧mä̧, o'katoi'ünä̧rü̧ ttesewomȩnä̧ jȩcha̧ pä'üsä, ttürütä ppädütämä̧kü̧, rekuätürü ppädü, juätü'i̧nä̧ surojüttü ttü̧ja̧kui̧'a̧ pä'ü.

1 Corintios 7:31

Ja̧'wa̧ta̧nü̧ pi̧jä̧ jäwänä̧ eseäkuäwätümä̧, eseäkuäwokotü 'kua̧rü̧nä̧ kka̧kuä̧tu̧kui̧; isopäi'ünä̧ pi̧jä̧ jäwä totümä̧ beipächä̧kuȩ.

Romanos 14:15

Ja̧'wa̧nü̧ ja̧'a̧nä̧ kua̧wa̧ru̧wa̧ kui̧jä̧wa̧ ku̧kuȩtu̧ku̧ jäwänä̧ a̧'kua̧ tta̧wȩku̧ttü̧mä̧, täkü eseu kkä̧kuä̧wä̧nä̧ kko̧kü̧. Ttu̧kuȩ jäwänä̧, Crito usurä ȩmä̧u̧ 'korujuoächinä̧ku̧ru̧mä̧ toe'ächünämä̧ jȩ'kuä̧tu̧kuä̧.

San Juan 4:36

Ja̧'wa̧ta̧nü̧ ka̧ka̧tü̧mä̧ mikuä ȩmü̧kkä̧nü̧, u̧wä̧ju̧ ka̧ka̧tü̧ kkä̧kuä̧wä̧ i'ko u̧ju̧nä̧ra̧ pä'ü ja̧'wa̧nü̧ jo̧mȩnä̧ kku̧nä̧wä̧ i̧sa̧'i̧nä̧, ka̧ka̧kuä̧ i̧sa̧tä̧ku̧ yo̧mȩtȩnä̧ esewa pä'ü.

Hechos 18:3

Ja̧'wa̧nü̧ ja̧'a̧ juätü jü̧ta̧'a̧nü̧, isotü tti̧jȩti̧yu̧ttü̧ odewiyä o̧ta̧ aditü ja̧'a̧, juätütäku kki̧'i̧nü̧ yo̧mȩtȩnä̧ adita pä'ü.

1 Corintios 3:8

Ja̧'wa̧nü̧ ja̧'a̧ttü̧ jiäkuäwä i̧sa̧'i̧nä̧, tta̧'kua̧ ttu̧wȩnä̧rü̧nä̧ wo̧juȩtü̧'i̧nä̧ ji̧nä̧ ji̧yȩtȩtä̧ wotü, jua'akumä̧ yotukunä̧ ttaditäwä jü̧'a̧kuä̧ mikuä ttȩmä̧kua̧'a̧nä̧.

1 Corintios 9:12

Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

1 Corintios 9:15

Ja̧'wa̧nü̧ ja̧'a̧nä̧, ttümä̧ pi̧yȩttü̧mä̧ jä'epokü pä'ijüsä ja̧'wa̧ta̧nü̧ kuiyätukuattü pä'ü'i̧nä̧, pi̧yȩmä̧ chi̧wȩyu̧to̧kü̧. Ja̧'wa̧nü̧ ja̧jü̧ jueimä̧ 'koru juodächatä pä'üsä, ya̧tȩ'i̧nä̧ ttürü iyäwi'inü̧mä̧ 'choipü juiyäkua'anü̧.

1 Corintios 9:17

Ja̧'wa̧nü̧ ja̧'a̧ttü̧, eseunu̧ jua̧u̧ jidäuttümä̧, mikuä chȩmä̧kua̧sä̧; ja̧'wa̧nü̧ ja̧'a̧nä̧ chesewoka'a jȩchü̧ttü̧mä̧, weäwi'ina̧'a̧tä̧ jȩpü̧sä̧.