1 Corintios 9:17 - Nuevo Testamento Uwotjüja

¹⁷ Ja̧'wa̧nü̧ ja̧'a̧ttü̧, eseunu̧ jua̧u̧ jidäuttümä̧, mikuä chȩmä̧kua̧sä̧; ja̧'wa̧nü̧ ja̧'a̧nä̧ chesewoka'a jȩchü̧ttü̧mä̧, weäwi'ina̧'a̧tä̧ jȩpü̧sä̧.

TÄ̧DO Ä̧CUÄ̧ I̧HUȨNȨ

¹⁷ Iso päi'önä ttörötä pä̧huä̧ rö̧jo̧mȩnä̧ jidäuttumä, adiu chȩmä̧cua̧'a̧nö̧ jidähuinö micuä. Juhuorö'inä pä̧huä̧ juiyönä jidäuttömä, Dios hueinäcusä pä'ö ji'äusä.

1 Corintios 9:17 Referans Kwoze

Gálatas 2:7

Pärokua'aku, judío pokotürü jidäwiyarü pä'ü Dio weina̧'a̧tä̧ wo̧jui̧'i̧nä̧tü̧, Peduru-rü'i̧nä̧ judío-rü jiäwa pä'ü weinüta'anü̧.

1 Corintios 3:8

Ja̧'wa̧nü̧ ja̧'a̧ttü̧ jiäkuäwä i̧sa̧'i̧nä̧, tta̧'kua̧ ttu̧wȩnä̧rü̧nä̧ wo̧juȩtü̧'i̧nä̧ ji̧nä̧ ji̧yȩtȩtä̧ wotü, jua'akumä̧ yotukunä̧ ttaditäwä jü̧'a̧kuä̧ mikuä ttȩmä̧kua̧'a̧nä̧.

Colosenses 1:25

Jua̧u̧ igresia-nä̧ adikuä i̧sa̧ u̧ju̧ni̧nä̧ku̧sä̧ Dio-mä̧. Chutä i̧wȩnȩ chaditiyarü pä'ü.

1 Corintios 4:1

Ja̧'wa̧nü̧ ja̧'a̧ttü̧, ujuturumä̧ Crito aditäwä ppä'ädä̧rä̧tü̧ jü̧nä̧tä̧ topätukuitü, Dio jäwä ttieruwü wȩnȩ adikuä isotü jü̧nä̧tä̧.

San Mateo 10:41

Dio-mä̧ premio pättü i̧yä̧kua̧, ojusodenä̧ ya̧tȩ profeta-rü do'ädürümä̧, jua'amä̧ profeta-mä̧ Dio i̧wȩnȩ jiäwa'attü̧, jua̧u̧ru̧ premio iyümä̧ profeta-rü iyüta'anü̧tä̧ jä̧kua̧'a̧. Jua̧'a̧nü̧tä̧, i̧yä̧kua̧ Dio-mä̧ premio-mä̧, Dio-rü esetürü do'ädürümä̧. Jua̧u̧ premio-mä̧ Churutä ukuotätürü iyü'anü̧tä̧ jä̧kua̧'a̧.

1 Tesalonicenses 2:4

Pärokua'aku Dio-mä̧ jȩtü̧'a̧nü̧ ji̧yä̧ku̧ jareü wȩnȩmä̧ jitäwa pä'ü weinä̧u̧jä̧, ja̧'wa̧nü̧ ja̧'a̧ttü̧ ja̧'wa̧nü̧tä̧ ukuokuätüjä̧. Jua'amä̧ ttü̧ja̧ ttesewatü pä'ümä̧kü̧, Dio-tä esewätü pä'ü ja̧'a̧, tami'iso'ki kka̧kuä̧mü̧ topü ja̧'a̧ttü̧.

1 Corintios 3:14

Ja̧'wa̧ta̧nü̧ ya̧tȩ, aditinü̧ jä̧jí̧ 'kiyo kka̧ku̧ jü̧ttü̧mä̧, jua̧u̧ mikuämä̧ ȩmä̧kua̧;

Filemón 1:14

Ukú päkuoka'anä̧mä̧ jȩcha̧ pä'okü päjisä, ppäkuädattü pä'ü jädepäjimä̧ ttü weda'a 'kua̧rü̧nä̧ jü̧ juiyäkua'anü̧.

2 Corintios 8:12

Isopäi'ünä̧ ya̧tȩ eseunu̧ iya pä'ürümä̧, iäre ofrenda-mä̧, Dio-mä̧ ȩmi̧yä̧kua̧, juitü tiyarü pä'ümä̧ jä'epokü ja̧'a̧ttü̧.

1 Corintios 9:16

Ja̧'wa̧ta̧nü̧ ttümä̧ jareü wȩnȩ jidäwa'amä̧ eseäkuäwoküsä, isopäi'ünä̧ jua̧u̧mä̧ rekuä rü̧ji̧yä̧ku̧ weina̧'a̧ttü̧. ¡Jua̧u̧ jareü wȩnȩ jidäwoka'a jü̧ttü̧mä̧, isottü̧ ttüwe! pä'äusä.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

San Mateo 24:25

Täkü, ä'kanä̧ ji̧dä̧wä̧u̧jä̧.

San Juan 4:36

Ja̧'wa̧ta̧nü̧ ka̧ka̧tü̧mä̧ mikuä ȩmü̧kkä̧nü̧, u̧wä̧ju̧ ka̧ka̧tü̧ kkä̧kuä̧wä̧ i'ko u̧ju̧nä̧ra̧ pä'ü ja̧'wa̧nü̧ jo̧mȩnä̧ kku̧nä̧wä̧ i̧sa̧'i̧nä̧, ka̧ka̧kuä̧ i̧sa̧tä̧ku̧ yo̧mȩtȩnä̧ esewa pä'ü.

1 Corintios 9:18

¿Ja̧'wa̧nü̧ ja̧'a̧mä̧, ti̧yȩjä̧ttü̧ ttü mikuä chȩmä̧kuȩmä̧? Jua̧u̧mä̧ Crito weinü̧ mipponä̧ jidäutä ja̧'a̧, jareü wȩnȩ jidäwomȩnä̧ mikuä chȩma̧ pä'ü ji̧nü̧mä̧ chȩmo̧ka̧'a̧tä̧.