1 Corintios 9:14 - Nuevo Testamento Uwotjüja

¹⁴ Ja̧'wa̧nü̧ jü̧ta̧'a̧nü̧, Tu̧ru̧wa̧'i̧nä̧ we'inü̧, Dio i̧wȩnȩ ji'äwätürümä̧, jua̧u̧ jittäuttü kuä̧nü̧ ttü̧ja̧kua̧ pä'ü.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ta̧nö̧ Tu̧ru̧hua̧ hue'inödo ttö̧ja̧ suronä jȩttö̧ jȩpö̧ icu huȩnȩ ji'ähuätörö'inä, i̧huȩnȩ ji'äu ttaditomenä, ja̧u̧ aditö ttö̧ja̧cuä̧cua̧'a̧nö̧.

1 Corintios 9:14 Referans Kwoze

San Mateo 10:10

mä̧nä̧ttü̧ ku̧kuä̧tu̧kuä̧kuȩ'i̧nä̧, ku̧'ka̧tä̧wä̧ti̧yu̧'i̧nä̧ to̧ta̧rȩ pünä̧mä̧, ku̧jä̧pü̧ isäya'i̧nä̧, kuitta'ka i̧so̧'kȩ'i̧nä̧ kuȩpä̧tu̧kuä̧, isopäi'ünä̧ adikuä i̧sa̧mä̧ u̧kuȩ i̧yä̧wa̧.

Gálatas 6:6

Ya̧tȩ wo̧jui̧kuä̧ i̧sa̧ Dio i̧wȩnȩ wo̧jui̧pü̧mä̧, wo̧juȩtü̧rü̧ o'kajuiyünä̧ adiumä̧ iya pä'ü ja̧'a̧.

1 Corintios 9:4

¿Ujutumä̧ tu̧kuȩ tukua pä'ümä̧, tawa pä'ümä̧ wokotüjä̧ tä̧jí̧,

San Lucas 10:7

Ja̧'wa̧ta̧nü̧ juodettütä, au'i̧nä̧, ku̧kuȩtu̧ku̧'i̧nä̧ ttiyütä kuä̧nü̧ ku̧ja̧kuä̧tu̧kua̧jä̧, isopäi'ünä̧ adikuä i̧sa̧mä̧ ttimitarü pä'ü rekuä rü̧jä̧ku̧.

San Lucas 10:8

Kkoro ütawiyä jü̧ta̧'a̧nü̧ dode'kuätukuomȩnä̧ juorü ttiyütä kukuätukuajä̧, dottädüttümä̧;

Hechos 18:3

Ja̧'wa̧nü̧ ja̧'a̧ juätü jü̧ta̧'a̧nü̧, isotü tti̧jȩti̧yu̧ttü̧ odewiyä o̧ta̧ aditü ja̧'a̧, juätütäku kki̧'i̧nü̧ yo̧mȩtȩnä̧ adita pä'ü.

1 Corintios 4:15

Ja̧'wa̧nü̧ ja̧'a̧ttü̧ ukutumä̧, Crito-nä̧mä̧ diez mil-nü̧ jo̧mȩnä̧ wo̧juȩkuä̧ isotürü ku̧ju̧nä̧rä̧tu̧kua̧ja̧ pä'ü'i̧nä̧, kuä'otü̧mä̧ rekuätümä̧ to'ätüjä̧. Kuä'otuku jü̧nä̧ wa̧mä̧ ttütäsä, isopäi'ünä̧ Crito jäwä, jareü wȩnȩnä̧ chi̧tti̧mü̧ pä'i'inä̧tü̧jä̧.

1 Corintios 9:11

Ja̧'wa̧nü̧ ja̧'a̧ttü̧, ujutu Epíritu jäwä ukutunä̧ tu̧ju̧ni̧na̧'a̧mä̧, ukutumä̧ ujuturu rekuä rü̧jü̧ kuiyätukua pä'ü wotüjä̧.

1 Corintios 9:12

Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

1 Corintios 9:16

Ja̧'wa̧ta̧nü̧ ttümä̧ jareü wȩnȩ jidäwa'amä̧ eseäkuäwoküsä, isopäi'ünä̧ jua̧u̧mä̧ rekuä rü̧ji̧yä̧ku̧ weina̧'a̧ttü̧. ¡Jua̧u̧ jareü wȩnȩ jidäwoka'a jü̧ttü̧mä̧, isottü̧ ttüwe! pä'äusä.

2 Corintios 2:12

Ja̧'wa̧nü̧ ja̧'a̧ Tróade ütawiyättümä̧, jareü wȩnȩ Crito i̧wȩnȩ jidäwa pä'ü bawekuächäja'anä̧,

1 Tesalonicenses 1:5

Isopäi'ünä̧ jareü wȩnȩ ukuturu jitäwinü̧mä̧, suro ti̧wȩnȩnä̧tä̧mä̧ ji'äwokotü pinä̧tü̧jä̧, pärokuä Dio ujurunä̧, Epíritu Sa̧tu̧ jäwänä̧, jueünä̧tä̧ ji'äwinä̧tü̧jä̧. Ukutumä̧ wo̧juä̧tü̧jä̧, ukuturu adiu ppä'ädü jȩti̧nü̧mä̧.