1 Corintios 8:13 - Nuevo Testamento Uwotjüja

¹³ Ja̧'wa̧nü̧ ja̧'a̧ttü̧, chu̧kuȩ jäwänä̧ chi̧jä̧wa̧rü̧ surojünä̧ ma̧ä̧chü̧nä̧ jȩchü̧ttü̧mä̧, idepämä̧ yorisotä chuku juiyü'anü̧ ja̧'a̧.

TÄ̧DO Ä̧CUÄ̧ I̧HUȨNȨ

¹³ Ja̧'hua̧ ja̧'a̧ttö̧ ttömä koro juäi chucuomenä, ya̧tȩ chö̧jä̧hua̧mä̧ ttörö topö suronä amöcuädöttömä, ja̧u̧nu̧ o'ca'a ttömä yoröiso cuocösä idepämä, korotö ttörö topö suronä ttamöcuädö juiyäcua'a̧nö̧.

1 Corintios 8:13 Referans Kwoze

Romanos 14:21

Idepä'i̧nä̧, vino awäwä'i̧nä̧, jȩ'kuä̧'chä̧ kua̧wa̧ru̧wa̧ kui̧jä̧wa̧ ijuiyuwächi'ünä̧ jü̧ jü̧ttü̧mä̧.

2 Corintios 11:29

Ya̧tȩ na̧wä̧cha̧'a̧ tochomȩnä̧mä̧, ttü'i̧nä̧ na̧dä̧chü̧nä̧ jä̧ku̧sä̧; ya̧tȩrü̧ ma̧ä̧chü̧nä̧ jȩtto̧mȩnä̧mä̧, chüjü'kü juiyünä̧ jä̧ku̧sä̧.

2 Corintios 6:3

Ya̧tȩ'i̧nä̧ suronä̧ ukuokua pä'okotüjä̧ ujutu taditäwämä̧ ja̧'wa̧nü̧ ji̧yä̧u̧ adiutä aditätüjä̧ suronä̧ ti̧jȩpü̧ juiya pä'ü.

1 Corintios 13:5

surojuoepümä̧ jȩä̧kuä̧wo̧kü̧ ja̧'a̧; tta̧mü̧nä̧ pa̧ja̧tü̧ jäwämä̧ usäwokü ja̧'a̧; a̧mü̧nä̧tä̧ jo̧mȩnä̧ ra̧wä̧ri̧pä̧rä̧kuä̧wo̧kü̧ ja̧'a̧, pä̧i̧ 'chu'ädü kku̧nä̧wo̧kü̧ ja̧'a̧;

1 Corintios 6:12

Pa̧'a̧nü̧ pä'ä'ijätü: o'kajuiyünä̧tä̧ jȩpü̧ mȩda̧ pä'ü ja̧'a̧nä̧, o'kajuiyünä̧mä̧ ttürü ppädokü ja̧'a̧; o'kajuiyünä̧tä̧ jȩpü̧ mȩda̧ pä'ü ja̧'a̧nä̧, o'kajuiyünä̧mä̧ ttürü wea'anä̧mä̧ chiyäwokä̧kua̧sä̧.

1 Corintios 10:33

O'kajuiyünä̧tä̧ jȩchü̧mä̧, o'katoi'ünä̧rü̧ ttesewomȩnä̧ jȩcha̧ pä'üsä, ttürütä ppädütämä̧kü̧, rekuätürü ppädü, juätü'i̧nä̧ surojüttü ttü̧ja̧kui̧'a̧ pä'ü.

1 Corintios 9:12

Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

San Mateo 17:27

Ja̧'wa̧nü̧ ja̧'a̧nä̧, ttü̧ra̧wä̧rü̧ juiyäkua'anü̧ rü̧ä̧ duborara̧'a̧ täi, kua̧juä̧ isa'che kuikua, kuikuomȩnä̧ ä̧kuo̧mȩnä̧ rü̧'i̧pü̧rü̧mä̧ ä ba'epü to'kuajä̧, to'kuomȩnä̧ pä̧rä̧tä̧bi̧ ȩkä̧kua̧'a̧; juä̧bi̧nä̧mä̧ kui̧mi̧tajä̧ ttü jäwä'i̧nä̧ uku jäwä'i̧nä̧, jü̧nä̧.

Hechos 15:20

Suro, ttü̧ä̧nä̧wo̧tü̧rü̧ wȩnȩtü̧ ukuokuäkuäwa'a ttukutä, ttü'käwoka'a ttü̧jä̧'chü̧'tä̧ ja̧'wa̧ta̧nü̧ nu̧'ä̧wo̧tü̧rü̧ ttukutä, isotü ttukuoja ttukutä, kättädäkuäwa pä'ü wȩyu̧kuojänä̧ wȩyu̧tu̧ wȩtta̧ja̧u̧,

Romanos 14:13

Ja̧'wa̧nü̧ ja̧'a̧ttü̧, kkorotü kkorotünü̧mä̧ pätä'chäkuäu juiyü'anü̧ ja̧'a̧. Ja̧'wa̧nü̧ ja̧jü̧jueimä̧, kua̧wa̧ru̧wa̧ kui̧jä̧wa̧rü̧mä̧ tto̧ȩpä̧rä̧kuä̧wo̧kü̧tä̧ ja̧'wa̧ta̧nü̧ ma̧ä̧chü̧nä̧ jȩä̧kuä̧wo̧kü̧tä̧ jȩpü̧ ku̧ja̧kuä̧tu̧kua̧ pä'ätukui.

1 Corintios 10:32

Judío'i̧nä̧, judío pokotürü'i̧nä̧, ja̧'wa̧ta̧nü̧ Dio iäre igresia isotürü'i̧nä̧ surojü jü̧nä̧ jȩ'kuä̧tu̧kuä̧.